School Thik Karo, Abhijit Dipke, Maharashtra School Repair
School Thik Karo Campaign Start from Today: कॉकरोच जनता पार्टीचे आजपासून (15 ऑगस्ट) ‘स्कूल ठिक करो’ मोहिमेला सुरुवात होत आहे. सीजेपीचे अध्यक्ष अभिजीत दिपके यांनी या मोहिमेची घोषणा केली होती. त्या मोहिमेअंतर्गत अभिजीत दिपकें, सौरव दास, आशुतोष रांका यांच्यासह सीजेपीचे सर्व सदस्य पहिल्या टप्प्यात आपापल्या गावी जाऊन ग्रामीण भागातील शाळा दुरुस्त करण्याची मागणी करणार आहेत. त्यानंतर देशभरातील ग्रामीण भागात फिरून शाळा दुरुस्तीची ही मोहिम राबवली जाणार आहे.
स्वातंत्र्य दिनाच्या पार्श्वभूमीवर दोन-तीन दिवसांपूर्वीच अभिजीत दिपके यांनी ग्रामीण भागातील सरकारी शाळांच्या दुरावस्थेवरून कॉकरोच जनता पार्टीसाठी अभिजीत दिपके यांनी सरकार आणि प्रशासनाला धारेवर धरले आहे. सीजेपीच्या माध्यमातून आता ग्रामीण शिक्षण व्यवस्थेत सुधारणा घडवून आणण्यासाठी त्यांनी आता ‘स्कूल ठीक करो’ या विशेष अभियानाची घोषणा केली आहे.
“एक देश म्हणून आपण अपयशी ठरलो” अशा भावना व्यक्त करत अभिजीत दिपकेंनी ट्विटर ‘X’वर देशातील ग्रामीण शिक्षणाच्या स्थितीबाबत चिंत व्यक्त केली होती. “स्वातंत्र्याची ८० वर्षे पूर्ण झाल्यानंतरही ग्रामीण भागातील निष्पाप मुलांना शाळांमध्ये पायाभूत सुविधांसाठी याचना करावी लागत आहे. एक देश म्हणून आपण ग्रामीण भागातील लहान मुलांच्या बाबतीत अत्यंत वाईट पद्धतीने अपयशी ठरलो आहोत. म्हणूनच, या स्वातंत्र्यदिनापासून सीजेपी ग्रामीण भागातील सरकारी शाळांची स्थिती सुधारण्यासाठी ‘स्कूल ठीक करो’ अभियान सुरू करत आहे,” असे दिपके यांनी आपल्या पोस्टमध्ये स्पष्ट केले.
संसदेची भव्य इमारत होऊ शकते मग देशातील शाळा का दुर्लक्षित केल्या जातात? असा सवाल उपस्थित करत ते म्हणाले की “देशात पंतप्रधानांसाठी नवे घर बांधले जात संसदेची नवी भव्य इमारत उभी राहू शकते, मग ग्रामीण भागातील शाळांमध्ये साधी पिण्याच्या पाण्याची सोय आणि स्वच्छतागृहे का उपलब्ध होत नाहीत? गावातील मुले या देशाचे भवितव्य नाहीत का?” असा सवालही त्यांनी प्रशासनाला केला होता.
.png "Videos"){kind=small}
