Pune Division Graduate Teachers MLC Election: प्रचाराच्या तोफा थंडावल्या; २३ ऑक्टोबरला मतदान, २७ ला बालेवाडीत मतमोजणी

MLC Election : पदवीधर मतदारसंघासाठी ७५ उमेदवारांनी ८७ नामनिर्देशनपत्रे दाखल केली होती. छाननीनंतर ७० उमेदवारांचे ८१ अर्ज वैध ठरले. उमेदवारी अर्ज मागे घेण्याच्या अंतिम दिवशी, ९ ऑक्टोबर रोजी २३ उमेदवारांनी माघार घेतल्याने अंतिमतः ४७ उमेदवार निवडणुकीच्या रिंगणात राहिले.

• पुणे विभाग पदवीधर आणि शिक्षक मतदारसंघाच्या निवडणुकांच्या प्रचाराच्या तोफा थंडावल्या
• २३ ऑक्टोबरला सकाळी ८ ते दुपारी ४ वाजेदरम्यान ५ जिल्ह्यांत मतदान
• २७ ऑक्टोबरला बालेवाडी क्रीडा संकुल, पुणे येथे होणार मतमोजणी

Graduate And Teachers Constituency MLC Elections: विधान परिषदेच्या पुणे विभाग पदवीधर आणि शिक्षक मतदारसंघांच्या निवडणुकीसाठी बुधवारी (दि. २१) प्रचाराच्या तोफा थंडावल्या. आता शुक्रवारी (दि. २३) होणाऱ्या मतदानातून मतदार कोणाच्या पारड्यात कौल टाकणार, याची उत्सुकता शिगेला पोहोचली आहे. दोन्ही मतदारसंघांतील ७७ उमेदवारांचे भवितव्य ४ लाख ५० हजार मतदार ठरविणार असून, निवडणुकीसाठी प्रशासकीय यंत्रणा सज्ज झाली आहे. सकाळी ८ ते दुपारी ४ या वेळेत मतदान होणार असून, सोमवारी (दि. २७) पुण्यातील श्री शिवछत्रपती क्रीडा संकुल, बालेवाडी येथे मतमोजणी होणार आहे.

पुणे विभागाच्या विभागीय आयुक्त तथा निवडणूक निर्णय अधिकारी शीतल तेली-उगले यांनी निवडणुकीच्या तयारीची माहिती दिली. पुणे, सातारा, सांगली, सोलापूर आणि कोल्हापूर या पाच जिल्ह्यांत दोन्ही मतदारसंघांचे कार्यक्षेत्र आहे. मतदान प्रक्रिया सुरळीत पार पाडण्यासाठी संबंधित जिल्ह्यांचे जिल्हाधिकारी सहाय्यक निवडणूक निर्णय अधिकारी म्हणून काम पाहत आहेत.

Ashutosh Ranka- Saurav Das Bail: CJP नेते आशुतोष रांका अन् सौरव दास यांना अखेर जामीन मंजूर

१,०५१ मतदान केंद्रांवर तयारी पूर्ण

पदवीधर मतदारसंघासाठी ३ लाख ८८ हजार मतदार असून, त्यांच्यासाठी ७४१ मतदान केंद्रे निश्चित करण्यात आली आहेत. शिक्षक मतदारसंघातील ६२ हजार मतदारांसाठी ३१० मतदान केंद्रांची व्यवस्था करण्यात आली आहे. अशा प्रकारे दोन्ही मतदारसंघांत मिळून सुमारे साडेचार लाख मतदार १,०५१ मतदान केंद्रांवर मतदानाचा हक्क बजावणार आहेत.

पदवीधरमध्ये ४७, शिक्षक मतदारसंघात ३० उमेदवार

पदवीधर मतदारसंघासाठी ७५ उमेदवारांनी ८७ नामनिर्देशनपत्रे दाखल केली होती. छाननीनंतर ७० उमेदवारांचे ८१ अर्ज वैध ठरले. उमेदवारी अर्ज मागे घेण्याच्या अंतिम दिवशी, ९ ऑक्टोबर रोजी २३ उमेदवारांनी माघार घेतल्याने अंतिमतः ४७ उमेदवार निवडणुकीच्या रिंगणात राहिले.

Maharashtra Today’s Live Breaking News in Marathi: पोलंडचे पंतप्रधान डोनाल्ड टस्क ३ दिवसांच्या भारत दौऱ्यावर

शिक्षक मतदारसंघासाठी ४९ उमेदवारांनी ६७ नामनिर्देशनपत्रे दाखल केली होती. छाननीनंतर ४८ उमेदवारांचे ६५ अर्ज वैध ठरले. उमेदवारी अर्ज माघारीच्या मुदतीनंतर ३० उमेदवार निवडणूक लढवत आहेत. त्यामुळे दोन्ही मतदारसंघांतील ७७ उमेदवारांच्या राजकीय भवितव्याचा फैसला मतदार करणार आहेत.

मतदारांना मतदानाचे आवाहन

मतदान करताना मतपत्रिकेवरील सूचनांचे पालन करावे आणि आपले मत वैध राहील, याची काळजी घ्यावी, असे आवाहन निवडणूक निर्णय अधिकारी शीतल तेली-उगले यांनी केले आहे. लोकशाही अधिक बळकट करण्यासाठी पदवीधर आणि शिक्षक मतदारांनी उत्स्फूर्तपणे मतदानात सहभागी व्हावे, असेही त्यांनी सांगितले. प्रचाराच्या तोफा थंडावल्याने आता प्रत्यक्ष मतदानाकडे सर्वांचे लक्ष लागले आहे. पाच जिल्ह्यांतील मतदारांचा कौल कोणाच्या बाजूने जाणार आणि कोण बाजी मारणार, याचे उत्तर २७ ऑक्टोबरच्या मतमोजणीतून स्पष्ट होणार आहे.