Sangali Zilla Parishad महाविकास आघाडीचा झेंडा; संगीता पाटील अध्यक्ष, ऋषीकेश लाड उपाध्यक्ष

अध्यक्षपदाच्या निवडणुकीत भाजप युतीच्या शीतल बाबर आणि विकास आघाडीच्या प्रतिमा मोरे यांनी शेवटच्या क्षणी रिंगणातून माघार घेतली. यामुळे मुख्य लढत भाजपच्या स्वप्नाली मासाळ आणि आघाडीच्या संगीता पाटील यांच्यात झाली.

• सांगली जिल्हा परिषद अध्यक्ष-उपाध्यक्ष निवडणूक
• अध्यक्षपदी राष्ट्रवादी (शरद पवार गट)च्या संगीता पाटील,
• सांगली जिल्हा परिषदेवर पुन्हा एकदा महाविकास आघाडीचे वर्चस्व

Sangali ZP News : सांगली जिल्हा परिषद अध्यक्ष-उपाध्यक्ष निवडणुकीत महाविकास आघाडीने निर्णायक विजय मिळवत सत्तेवर झेंडा फडकावला. अध्यक्षपदी राष्ट्रवादी (शरद पवार गट)च्या संगीता पाटील, तर उपाध्यक्षपदी काँग्रेसचे ऋषीकेश लाड यांची निवड झाली.

अध्यक्षपदासाठी संगीता पाटील यांना ३४ मते, तर भाजपच्या स्वप्नाली मासाळ यांना २४ मते मिळाली. त्यामुळे ९ मतांनी पाटील विजयी ठरल्या. उपाध्यक्षपदासाठीही काँग्रेसचे ऋषीकेश लाड यांनी प्रतिस्पर्ध्यावर मात करत बाजी मारली. निवड प्रक्रियेपूर्वी काही उमेदवारांनी माघार घेतल्याने थेट लढत रंगली. दुपारी सभागृहात हात उंचावून मतदान घेण्यात आले. या वेळी सभागृहात दोन्ही बाजूंच्या नेत्यांची मोठी उपस्थिती होत. महाविकास आघाडीच्या विजयामागे जयंत पाटील, खासदार विशाल पाटील, आमदार डॉ. विश्वजीत कदम, रोहित पाटील यांची एकजूट महत्त्वाची ठरली. तर भाजपकडूनही वरिष्ठ नेते उपस्थित राहिल्याने निवडणूक चुरशीची झाली होती. या विजयामुळे सांगली जिल्हा परिषदेवर पुन्हा एकदा महाविकास आघाडीचे वर्चस्व प्रस्थापित झाले आहे.

Sangli Political News: कोण होणार सांगली जिल्हा परिषदेचा ‘ कलेक्टर’; आज सत्तेचा फैसला

निवडणूक चुरस आणि माघार

अध्यक्षपदाच्या निवडणुकीत भाजप युतीच्या शीतल बाबर आणि विकास आघाडीच्या प्रतिमा मोरे यांनी शेवटच्या क्षणी रिंगणातून माघार घेतली. यामुळे मुख्य लढत भाजपच्या स्वप्नाली मासाळ आणि आघाडीच्या संगीता पाटील यांच्यात झाली.

संगीता पाटील यांचा मोठा विजय

या अटीतटीच्या लढतीत संगीता पाटील यांनी ३४ मते मिळवून दणदणीत विजय संपादन केला, तर प्रतिस्पर्धी स्वप्नाली मासाळ यांना २४ मतांवर समाधान मानावे लागले. या निवडणुकीत आमदार जयंत पाटील, आमदार विश्वजीत कदम आणि खासदार विशाल पाटील यांची राजकीय रणनीती यशस्वी ठरल्याचे मानले जात आहे.

Maharashtra Politics : “एकनाथ शिंदेंचा पक्ष म्हणजे भाजपची अंगवस्त्र…; खासदार संजय राऊतांची खरपूस टीका

चुरशीच्या लढतीत भाजपचा पराभव

सांगली जिल्हा परिषदेच्या उपाध्यक्षपदासाठी झालेल्या चुरशीच्या निवडणुकीत महाविकास आघाडीचे ऋषिकेश लाड यांनी बाजी मारली आहे. त्यांनी भाजप-युतीचे उमेदवार हिम्मत जाधव यांचा पराभव केला. या निवडणुकीत ऋषिकेश लाड यांना ३४ मते मिळाली, तर हिम्मत जाधव यांना २४ मतांवर समाधान मानावे लागले. अध्यक्षपदापाठोपाठ उपाध्यक्षपदावरही विजय मिळवून महाविकास आघाडीने जिल्ह्याच्या राजकारणात आपले वर्चस्व सिद्ध केले आहे.

शिंदे सेनेच्या दोन सदस्यांची दांडी

या निवडणुकीत आटपाडी तालुक्यातील शिंदे सेनेचे दोन सदस्य, जयदीप भोसले आणि पृथ्वीराज पाटील, मतदानासाठी गैरहजर राहिले. भाजप-युतीसाठी हे दोन सदस्य अत्यंत महत्त्वाचे मानले जात होते, मात्र त्यांच्या अनुपस्थितीमुळे युतीचे गणित बिघडले. दुसरीकडे, महाविकास आघाडीने आपल्या मतांची योग्य जुळवाजुळव केल्याने ऋषिकेश लाड यांचा विजय सुकर झाला. शिंदे सेनेच्या सदस्यांच्या या भूमिकेमुळे राजकीय वर्तुळात आता विविध चर्चांना उधाण आले आहे.