Uddhav Thackeray On Maharashtra Drought: अधिसूचना ठीक, पण पंचनामे कधी? दुष्काळावरून उद्धव ठाकरेंचा थेट सरकारला सवाल

Uddhav Thackeray Press Conference: गेल्या वर्षी राज्यसरकारने अतिवृष्टी आणि पूरग्रस्त शेतकऱ्यांसाठी ३१ हजार ६२८ कोटी रुपयांचे पॅकेज जाहीर केले होते. खरडून गेलेल्या जमिनीच्या नुकसानीसाठी हेक्टरी सुमारे ३ लाख ४७ हजार रुपयांपर्यंत मदतीची तरतूद करण्यात आली होती.

• राज्यात पुरेशा पावसाअभावी दुष्काळाची परिस्थिती
• विदर्भासह मराठवाड्यातील अनेक जिल्ह्यांमध्ये दुष्काळाची बिकट परिस्थिती
• सरकारने जाहीर केलेल्या कर्जमाफी योजनेचा किती शेतकऱ्यांना लाभ मिळाला

 

Uddhav Thackeray On Maharashtra Drought: मुख्यमंत्र्यांनी दुष्काळाची अधिसूचना काढणार असल्याचे जाहीर केलं असलं तरी पंचनाम्याची प्रक्रिया कधी सुरू होणार, असा सवाल माजी मुख्यमंत्री उद्धव ठाकरे यांनी उपस्थित केला आहे. राज्यात पुरेशा पावसाअभावी दुष्काळाची परिस्थिती निर्माण झाली आहे. राज्यात तातडीने दुष्काळ जाहीर करा अशी मागणी केली जात आहे. या पार्श्वभूमीवर उद्धव ठाकरे यांनी पत्रकार परिषद घेत राज्य सरकारवर ताशेरे ओढले आहेत. Uddhav Thackeray Slams Maharashtra Govt Drought Declaration Crop Damage Panchnama Delays

विदर्भासह मराठवाड्यातील अनेक जिल्ह्यांमध्ये दुष्काळाची बिकट परिस्थिती आहे. अनेक तालु्क्यांना मोठा फटका बसला आहे. मुख्यमंत्री देवेंद्र फडणवीस यांनी काल मराठवाड्यातील लातूर, धाराशिवसह सोलापूरमधील काही गावांचा दौरा कोला. आजही ते पश्चिम विदर्भाच्या दौऱ्यावर आहेत. मुख्यमंत्री दौऱ्यावर असतानाच उद्धव ठाकरे यांनी राज्य सरकारवर निशाणा साधला आहे.

High Court on DJ-Loudspeaker: सण-उत्सवांत डीजे- लाऊडस्पीकर वाजवायचाय? आधी ‘ही’ बातमी वाचाच, नाहीतर…

उद्धव ठाकरे म्हणाले की, गेल्या वर्षी राज्यसरकारने अतिवृष्टी आणि पूरग्रस्त शेतकऱ्यांसाठी ३१ हजार ६२८ कोटी रुपयांचे पॅकेज जाहीर केले होते. खरडून गेलेल्या जमिनीच्या नुकसानीसाठी हेक्टरी सुमारे ३ लाख ४७ हजार रुपयांपर्यंत मदतीची तरतूद करण्यात आली होती.

पण या पॅकेजमधील प्रत्यक्ष मदत किती शेतकऱ्यांपर्यंत पोहोचली, याची माहिती राज्यातील जनतेला मिळायला हवी, अशी मागणी उद्धव ठाकरे यांनी केली. हवामान विभाग तसेच आंतरराष्ट्रीय संस्थांनी पावसाळ्याच्या सुरुवातीलाच दुष्काळाची शक्यता व्यक्त केली होती. दुष्काळाच्या परिस्थितीची शक्यता लक्षात घेऊन सरकारने दुष्काळ निवारणासाठी आधीपासून कोणत्या उपाययोजना केल्या, असा सवालही त्यांनी उपस्थित केला.

पावसाअभावी शेतकऱ्यांना दुबार, तिबार पेरणी करावी लागत आहे. पिण्याचे पाणी, जनावरांचा चारा, धरणे आणि विहिरींमधील पाणीसाठ्याची मोठी टंचाई निर्माण झाली आहे. आगामी रब्बी हंगामासाठी तरी पुरेसा पाऊस व्हावा, अशी आशा त्यांनी व्यक्त केली आहे.

CJP Press Conference :ज्ञानेश कुमार यांच्या राजीनाम्यासाठी विरोधक आक्रमक; CJP ची दिल्लीत पत्रकार परिषद

‘कर्जमाफीचा लाभ किती शेतकऱ्यांना मिळाला?’

यावेळी उद्धव ठाकरे यांनी कर्जमाफीच्या मुद्द्यावरही सरकारकडे माहिती मागितली. आमच्या सरकारच्या काळात शेतकऱ्यांना सरसकट दोन लाख रुपयांपर्यंत कर्जमाफी देण्यात आली होती. आता सरकारने जाहीर केलेल्या कर्जमाफी योजनेचा किती शेतकऱ्यांना लाभ मिळाला, याची माहिती आणि लाभार्थ्यांची यादी जाहीर करावी, अशी मागणी त्यांनी केली. ‘गेल्यावर्षी जाहीर केलेल्या पॅकेजचा लाभ किती शेतकऱ्यांना मिळाला आणि आता जाहीर केलेल्या कर्जमाफी योजनेत किती शेतकऱ्यांना लाभ झाला, याची यादी आम्हाला पाहिजे,’ अशी भूमिका उद्धव ठाकरे यांनी मांडली.

उद्धव ठाकरे म्हणाले की, यंदाच्या कमी पावसामुळे पीकं करपून गेली, खरीपाचा हंगाम तर शेतकऱ्यांच्या हातून निसटून गेला. शेतकऱ्यांच्या डोक्यावर आधीच कर्ज आहे. मी स्वत: अनेकदा शेतकऱ्यांच्या बांधांवर गेलो आहे. मुख्यमंत्री फडणवीस म्हणालेत की ५ ऑक्टोबर नंतर पंचनामे मसुरू होती. पण वाट कशाची बघताय, इकडे शेतकऱ्यांचे प्राण कंठाशी आले आहेत. जनावरांच्या चाऱ्याचा प्रश्न निर्माण झाला आहे, डोक्यावर कर्जाचं ओझं आहे.मुलांची शिक्षण, लग्नाचा प्रश्न निर्माण झालाय, सगळंच वाटोळं झालयं, असा संतापही त्यांनी व्यक्त केला.