फोटो सौजन्य- pinterest
अक्षय्य तृतीया रविवार, 19 एप्रिल रोजी आहे. हा दिवस साडेतीन मुहूर्तापैकी एक आहे. या दिवशी पूजा, स्नान, दान केल्याने अक्षय पुण्याची प्राप्ती होते. वैशाख शुक्ल पक्षातील तृतीयेला अक्षय्य तृतीया साजरी केली जाते. या दिवशी देवी लक्ष्मी, विष्णू आणि कुबेर यांची पूजा केली जाते. धन आणि वैभव यांच्याशी संबंधित असलेली देवी लक्ष्मी आणि कुबेर यांची पूजा केल्याने धन आणि संपत्ती प्राप्त होते. या दिवशी तुम्ही जे धन, संपती कमावता ते कधी कमी होत नाही. अक्षय्य तृतीयेच्या दिवशी देवी लक्ष्मी आणि कुबेराची पूजा कोणत्या फुलाने केल्याने ते प्रसन्न होतील आणि त्यांचा वर्षभर आपल्यावर आशीर्वाद राहील ते जाणून घ्या
अक्षय्य तृतीयेला देवी लक्ष्मीची पूजा चमेलीच्या फुलाने करा. देवी लक्ष्मीला चमेलीचे फूल प्रिय आहे. पांढरे चमेलीचे फूल हे शांती, प्रेम आणि पवित्रतेचे प्रतिक मानले जाते. हे फूल अर्पण केल्याने देवी लक्ष्मी प्रसन्न होते.
देवी लक्ष्मीला कमळाचे फूल खूप प्रिय आहे. देवी कमळाच्या फुलावर विराजमान झालेली असते. अक्षय्य तृतीयेच्या दिवशी तुम्ही देवीची पूजा करताना लाल किंवा पांढऱ्या कमळाचा वापर करू शकता. यामुळे तुमच्यावर देवी लक्ष्मीचा आशीर्वाद राहील. कमळाच्या फुलाला सुख, शांती आणि समृद्धीचे प्रतिक मानले जाते.
अक्षय्य तृतीयेच्या दिवशी देवी लक्ष्मीला प्रसन्न करण्यासाठी तुम्ही लाल फूल अर्पण करू शकता. देवी लक्ष्मी लाल गुलाबाच्या फुलाने खुश होते. कारण लाल रंग त्यांचा आवडता आहे. लाल गुलाब अर्पण केल्याने पैशांशी. संबंधित समस्या दूर होतात. जीवनात आर्थिक समृध्दी येते.
या तीन फुलांव्यतिरिक्त अक्षय्य तृतीयेला देवी लक्ष्मीची पूजा तुम्ही लाल रंगांचे जास्वंदाचे फूल आणि झेंडूच्या फुलाने करू शकता. ही दोन्ही फूल देवी लक्ष्मीला आवडतात.
अक्षय्य तृतीयेच्या दिवशी धनपतीची पूजा तुम्ही पिवळ्या आणि सोनेरी रंगांच्या फुलाने करू शकता. कुबेरांना प्रसन्न करण्यासाठी झेंडू, पारिजात, कमळ, केतकी आणि पांढरे किंवा पिवळ्या रंगांचे कण्हेराचे फूल अर्पण करा.
देव वृक्ष पारिजातकाचे फूल शांतता आणि पवित्रतेचे प्रतिक मानले जाते. हे फूल कुबेरांना अर्पण केल्याने सुख, शांती आणि वैभव प्राप्त होते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: अक्षय्य तृतीयेला देवी लक्ष्मी आणि कुबेर यांची पूजा केली जाते
Ans: फुले पवित्रता, सौंदर्य आणि भक्तीचे प्रतीक आहेत. देवाला प्रसन्न करण्यासाठी आणि सकारात्मक वातावरण निर्माण करण्यासाठी फुले वापरली जातात.
Ans: हा दिवस समृद्धी, पुण्य आणि आध्यात्मिक उन्नतीसाठी अत्यंत महत्त्वाचा मानला जातो.
.png "Videos"){kind=small}
