Bhaubeej 2025: भावाला दीर्घायुष्य मिळण्यासाठी भाऊबीजेच्या दिवशी करा ‘हे’ उपाय, नाते राहील अधिक गोड

आज २३ ऑक्टोबर रोजी भाऊबीजचा सण साजरा केला जाणार आहे. यावेळी बहिणी आपल्या भावांना तिलक लावतात, यमुनेत स्नान करतात, दान करतात, यमाचा दिवा लावतात आणि कलावा बांधतात त्यामुळे कुटुंबात आनंद येतो.

भाऊबीज हा दिवाळीच्या पाच दिवसांमधील शेवटचा दिवस आहे. या वेळी बहीण आपल्या भावाच्या कपाळावर टिळक लावून त्याच्या दीर्घायुष्यासाठी प्रार्थना केली जाते तर काही ठिकाणी ओवाळून झाल्यानंतर कलवा बांधण्याची देखील प्रथा आहे. तसेच दान करुन यमाचा दिवा देखील लावला जातो. यामुळे कुटुंबामध्ये आनंदाचे वातावरण राहते, असे म्हटले जाते. धार्मिक मान्यतेनुसार, या दिवशी यम आणि त्याची बहीण यमुना यांची पूजा केली जाते. या दिवशी काही उपाय केल्याने त्याचा फायदा होतो. भाऊबीजेच्या दिवशी कोणते उपाय करावेत, जाणून घ्या

काय आहे भाऊबीजेचा मुहूर्त

पंचांगानुसार, यंदा भाऊ आणि बहिणीच्या पवित्र नात्याशी संबंधित असलेला भाऊबीजेचा सण गुरुवार, २३ ऑक्टोबर रोजी सर्वत्र उत्साहात साजरा केला जाणार आहे. कारण कार्तिक महिन्याच्या शुक्ल पक्षातील द्वितीय तिथीची सुरुवात बुधवार २२ ऑक्टोबर रोजी रात्री ८:१६ वाजता होईल आणि २३ ऑक्टोबर रोजी रात्री १०:४६ पर्यंत चालेल. यामुळे २३ ऑक्टोबर रोजी भाऊबीचेचा सण साजरा केला जाणार आहे. यावेळी भावाला ओवाळण्यासाठी सर्वोत्तम वेळ दुपारी १.१३ ते ३.२८ वाजेपर्यंत आहे.

 

भाऊबीजेला करा हे उपाय

सनातन धर्मामध्ये कोणत्याही शुभ तिथीला दान देण्याला विशेष महत्त्व आहे. म्हणून भाऊबीजेच्या दिवशी गरिबांना अन्न आणि इतर वस्तूंचे दान करावे. असे मानले जाते की, भाऊबीजेच्या दिवशी दान केल्याने तुमच्या भावाच्या जीवनात आनंद आणि समृद्धी येते, तसेच शुभ फळे देखील मिळतात.

Vinayaka Chaturthi: कार्तिक महिन्यातील विनायक चतुर्थी कधी आहे? जाणून घ्या मुहूर्त आणि महत्त्व

यमुनेत स्नान करणे

तुमच्या भावाचे दीर्घायुष्य सुनिश्चित करण्यासाठी भाऊबीजेच्या दिवशी त्याला यमुनेत स्नान घालणे. अशी धार्मिक श्रद्धा आहे की, यमुनेत तुमच्या भावाला स्नान केल्याने दीर्घायुष्याचा आशीर्वाद मिळतो आणि त्याचे आरोग्य चांगले राहते.

दिवा लावणे

भाऊबीजच्या दिवशी बहिणीने घराबाहेर यमराजाला समर्पित चार बाजू असलेला दिवा लावावा. असे म्हटले जाते की, असे केल्याने यम प्रसन्न होतो आणि भावाचे आयुष्य वाढते.

Bhaubeej 2025: भाऊबीजेला बहीण भावाला नारळ का देते? जाणून घ्या यामागील धार्मिक महत्त्व

टिळक लावणे

भाऊ आणि बहिणीमधील नाते दृढ करण्यासाठी भाऊबीजेला तुमच्या भावाच्या हातावर पवित्र धागा बांधा, त्याच्या दीर्घायुष्यासाठी देवाला प्रार्थना करा आणि तिलक लावा. असे मानले जाते की, ही प्रथा भावंडांच्या नात्यात गोडवा आणते.

तोंड गोड करा

बहिणीने तिच्या भावाच्या कपाळावर टिळा लावावा, त्याला शुभेच्छा द्याव्यात आणि त्याला मिठाई द्यावी. या दिवशी बहिणीने तिच्या भावाला विविध प्रकारचे पदार्थ बनवून खाऊ घालावा.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)