फोटो सौजन्य- pinterest
भाऊबीजेच्या दिवशी बहिणीने आपल्या भावाला नारळ देण्याची परंपरा धार्मिक आणि सांस्कृतिकदृष्ट्या खूप महत्त्वाची आहे. हा केवळ एक विधी नसून भाऊ आणि बहिणींमधील प्रेम आणि संरक्षणाची भावना असण्याचे प्रतीक आहे. भाऊबीजेला बहीण भावाला नारळ देण्यामागे धार्मिक महत्त्व काय आहे ते जाणून घ्या
पंचांगानुसार, यंदा भाऊ आणि बहिणीच्या पवित्र नात्याशी संबंधित असलेला भाऊबीजेचा सण गुरुवार, २३ ऑक्टोबर रोजी सर्वत्र उत्साहात साजरा केला जाणार आहे. कारण कार्तिक महिन्याच्या शुक्ल पक्षातील द्वितीय तिथीची सुरुवात बुधवार २२ ऑक्टोबर रोजी रात्री ८:१६ वाजता होईल आणि २३ ऑक्टोबर रोजी रात्री १०:४६ पर्यंत चालेल. यामुळे २३ ऑक्टोबर रोजी भाऊबीचेचा सण साजरा केला जाणार आहे. यावेळी भावाला ओवाळण्यासाठी सर्वोत्तम वेळ दुपारी १.१३ ते ३.२८ वाजेपर्यंत आहे.
पौराणिक कथेनुसार यमराज आणि त्याची बहीण यमुना यांच्यातील एका कथेतून उगम पावते. असे मानले जाते की, यमराज एकदा कार्तिक महिन्याच्या शुक्ल पक्षाच्या दुसऱ्या दिवशी त्याची बहीण यमुना हिच्या विनंतीवरून तिच्या घरी गेला होता. यावेळी यमुनेने तिच्या भावाला तिलक लावला, त्याला खाऊ घातला आणि नारळाची कवच भेट दिली. यानंतर यमराजांनी वचन दिले की ज्या बहिणी या दिवशी आपल्या भावांना तिलक लावतील आणि त्यांना नारळ भेट देतील, त्यांच्या भावांना दीर्घायुष्य आणि सुख-समृद्धी मिळेल.
हिंदू धर्मामध्ये नारळाला श्रीफळ म्हटले जाते. नारळ हे देवी लक्ष्मीचे प्रतीक आहे. ते शुभ, पवित्रता आणि समृद्धीचे प्रतीक मानले जाते. कोणत्याही पूजेमध्ये नारळाचा वापर आवश्यक केला जातो. भाऊबीजेला नारळ देणे म्हणजे बहिणीला तिच्या भावाच्या आयुष्यात सुख, समृद्धी आणि आरोग्याची इच्छा असते.
असे म्हटले जाते की, यमुनेने तिची आठवण म्हणून यमराजांना नारळ दिला होता. त्याचप्रमाणे आजही बहिणी त्यांच्या प्रेमाचे आणि बंधनाचे प्रतीक म्हणून आजही भावाला ओवाळल्यानंतर नारळ देतात.
भाऊबीजेच्या दिवशी बहिणी आपल्या भावांना तिलक लावतात ओवाळतात त्यांच्या दीर्घायुष्यासाठी प्रार्थना करतात त्यानंतर त्यांच्या हातावर पवित्र धागा म्हणजे कलाव बांधतात आणि त्यांना नारळ देतात. या तीन गोष्टी भावाच्या संरक्षणासाठी, आरोग्यासाठी आणि दीर्घायुष्यासाठी त्यांच्या इच्छांचे प्रतीक असल्याचे मानले जाते.
अशाप्रकारे, नारळ देणे ही केवळ एक परंपरा नाही तर बहिणीच्या भावाबद्दलच्या असलेल्या प्रेमाचे आणि समृद्धीचे प्रतीक आहे. यामुळे भाऊबीजेचा सण अधिक भावनिक आणि पवित्र बनतो.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
