फोटो सौजन्य- pinterest
चैत्र महिन्यातील शुक्ल पक्षातील पौर्णिमा तिथीला चैत्र पौर्णिमा म्हणतात. या दिवशी स्नान, दान आणि व्रताला विशेष महत्त्व आहे. मात्र यावेळी चैत्र पौर्णिमा 1 एप्रिल आणि 2 एप्रिल या दोन्हीही दिवशी येत आहे. अशावेळी प्रश्न पडतो की चैत्र पौर्णिमेचे व्रत आणि स्नान दान कधी करावे. यासाठी पंचांगाची मदत घेणे गरजेचे आहे. पंचांगानुसार ज्यावेळी सूर्योदय होईल त्यावेळी स्नान आणि दान केले जाईल. तसेच ज्यावेळी चंद्रोदय होईल त्यावेळी हे पाळले जाईल.
पंचांगानुसार चैत्र पौर्णिमा बुधवार 1 एप्रिल रोजी सकाळी 7 वाजून 6 मिनिटांनी सुरू होऊन गुरुवार 2 एप्रिल रोजी सकाळी 7 वाजून 41 मिनिटांपर्यंत असणार आहे.
चैत्र पौर्णिमा बुधवार 1 एप्रिल रोजी सूर्योदय 6.11 वाजल्यापासून सुरू होत आहे. तर 2 एप्रिल रोजी सूर्योदय 6 वाजून 10 मिनिटांनी होईल. उद्यतिथीनुसार स्नान दान 2 एप्रिल रोजी केले जाईल आणि याच दिवशी चैत्र पौर्णिमा असेल.
चैत्र पौर्णिमा गुरुवार 2 एप्रिल रोजी ब्रह्म मुहूर्त 04:38 ते 05:24 वाजेपर्यंत असेल. ही वेळ स्नानासाठी उत्तम असेल. यावेळेत स्नान करता आले नाही तर सूर्योदयानंतर करावे . चैत्र पौर्णिमेच्या दिवशी सकाळी सत्यनारायणाची पूजा केली जाते. या दिवशी पूजेसाठी मुहूर्त सकाळी 06:11 ते 09:18 वाजेपर्यंत असेल. प्रदोष काळात सूर्यास्त 06:39 वाजल्यानंतर देवी लक्ष्मीची पूजा केली जाईल. त्यानंतर रात्री चंद्राची पूजा करून त्याला अर्घ्य दिले जाईल.
बुधवार, 1 एप्रिल रोजी चैत्र पौर्णिमेच्या व्रताच्या दिवशी 4 शुभ योग तयार होत आहेत. यावेळी रवि योग सकाळी 06:11 ते 16:17 वाजेपर्यंत असेल त्यानंतर सर्वार्थ सिद्धि योग संध्याकाळी 16:17 वाजल्यापासून 2 एप्रिल रोजी सकाळी 06:10 वाजेपर्यंत असेल. वृद्धि योग पहाटेपासून 14:51 वाजेपर्यंत असेल. त्यानंतर ध्रुव योग राहील.
चैत्र पौर्णिमेच्या दिवशी व्रत आणि पूजा केल्याने कुटुंबामध्ये सुख-समृद्धी येते. देवी लक्ष्मीची पूजा केल्याने दारिद्र्य आणि पैशाशी संबंधित समस्या दूर होतात आणि संपत्तीमध्ये वाढ होते. रात्री चंद्राची पूजा केल्याने आणि अर्घ्य अर्पण केल्याने मजबूत होते आणि कुंडलीतील चंद्रदोष दूर होतो. चैत्र पौर्णिमेला स्नान आणि दान केल्याने पापांचा नाश होतो आणि पुण्याची प्राप्ती होते. स्नान झाल्यानंतर पितरांसाठी तर्पण आणि दान केले पाहिजे. ज्यामुळे पितरांचे आशीर्वाद मिळतात.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: चैत्र पौर्णिमा गुरुवार, 2 एप्रिल रोजी आहे
Ans: या दिवशी पवित्र स्नान (तीर्थस्नान) आणि दान केल्याने पापांचा नाश होतो आणि पुण्य मिळते, अशी धार्मिक मान्यता आहे.
Ans: ही तिथी अध्यात्मिक उन्नती, शांती आणि सकारात्मक ऊर्जा मिळवण्यासाठी अत्यंत शुभ मानली जाते.
.png "Videos"){kind=small}
