भाऊबीज हा सण का साजरा केला जातो? जाणून घ्या शुभ मुहूर्त, इतिहास, महत्त्व

भाऊ-बहिणीच्या नात्याचे प्रतीक मानला जाणारा सण म्हणजे भाऊबीज. हा सण सर्वत्र मोठ्या उत्साहात साजरा केला जातो. या दिवशी बहीण भावाला टिलक लावून ओवाळते व त्याच्या दीर्घायुष्यासाठी प्रार्थना करते.

भाऊबीज हा सण भाऊ-बहिणीच्या नात्याचे प्रतीक मानला जातो. गोवर्धन पूजेनंतर हा सण साजरा केला जातो. या शुभ प्रसंगी बहिणी आपल्या भावांच्या दीर्घायुष्यासाठी आणि सुख-समृद्धी वाढवण्याच्या कामना करतात आणि भाऊ आपल्या बहिणींना भेटवस्तू देतात आणि जीवनात त्यांचे रक्षण करण्याचे वचन देतात.

दरवर्षी कार्तिक महिन्यातील शुक्ल पक्षाच्या दुसऱ्या दिवशी भाऊबीज हा सण साजरा केला जातो. याला यम द्वितीया असेही म्हणतात. हा सण देशभरात मोठ्या उत्साहात साजरा केला जातो. या विशेष प्रसंगी बहिणी आपल्या भावाला टिळक लावतात आणि भावाच्या दीर्घायुष्यासाठी आणि सुख-समृद्धीसाठी प्रार्थना करतात. भाऊबीज हा सण का साजरा केला जातो माहीत आहे का? जाणून घ्या

भाऊबीज शुभ मुहूर्त

भाऊबीजेची तिथी शनिवार, 2 नोव्हेंबर रोजी रात्री 8 वाजून 21 मिनिटांनी सुरू होणार आहे आणि ती रविवार, 3 नोव्हेंबर रोजी रात्री 10 वाजून 6 मिनिटांनी समाप्त होईल. उदय तिथीनुसार भाऊबीज रविवार 3 नोव्हेंबर रोजी साजरी केली जाईल. तसेच या दिवशी सकाळी 11 वाजून 39 मिनिटांपर्यंत सौभाग्य योग राहील. त्यानंतर शोभन योग लागेल. त्यामुळे भाऊबीजेसाठी 11 वाजून 46 मिनिटांपर्यंत सर्वोत्तम मुहूर्त असेल.

हेदेखील वाचा- Bhaubeej 2024: भावाला दीर्घायुष्य लाभण्यासाठी करा ‘ही’ आरती

भाऊबीजेचे महत्त्व

हिंदू धर्मात भाऊबीज हा सण प्रमुख आणि प्रसिद्ध सणांमध्ये केली जाते. भाऊबीजेचा सण हा बहीण आणि भावाचा सण आहे. या दिवशी लोक आपल्या भावंडांसोबत साजरे करतात. ते एकमेकांना भेटवस्तूंची देवाणघेवाण करतात आणि एकमेकांवर खूप प्रेम करतात. हा सण आपल्याला सर्व प्रकारच्या वाईट शक्तीपासून वाचण्यासाठी आणि आपल्याला समृद्धी आणि दीर्घायुष्य प्रदान करण्यासाठी होतो.

हेदेखील वाचा- या गोष्टी घरात ठेवल्याने वास्तूदोष होईल दूर, जाणून घ्या फेंगशुई संबंधित उपाय

भाऊबीजेचा इतिहास

पौराणिक मान्यतेनुसार या दिवशी मृत्यूचा देव यमराज हा त्याची बहीण यमुनेकडे तिने अनेक वेळा बोलावल्यानंतर तिच्या भेटीला गेला होता. यमुनेने यमराजाला भोजन दिले आणि त्याचे औक्षण केले आणि त्याच्या सुखी आयुष्यासाठी प्रार्थना केली. यानंतर यमराजाने प्रसन्न होऊन बहीण यमुनेला वरदान मागण्यास सांगितले. यमुना म्हणाली की, तू दरवर्षी या दिवशी माझ्या घरी ये आणि या दिवशी जी बहीण आपल्या भावाला औक्षण करील, ती तुला घाबरणार नाही. यमराजाने यमुनेला तसे वरदान दिले आणि याच दिवसापासून भाऊबीज उत्सवाला सुरुवात झाली, असे मानले जाते.

बहीण भावाचे नाते वृद्धींगत होवो

भाऊबीजच्या दिवशी बहिणीच्या किंवा स्वतःच्या घरी भाऊ गोडधोड भोजन करतो आणि सायंकाळी चंद्राची कोर दिसल्यानंतर बहीण प्रथम चंद्रकोरीस आणि नंतर भावाला ओवाळते. मग भाऊ ताटात बहिणीला ओवाळणी देतो. काही ठिकाणी चित्रगुप्ताची पूजा या दिवशी केली जाते. बहीण भावाच्या नातेसंबंधाचा धागा दृढ करणारा दिवस अशी ‘भाऊबीजे’ची ओळख आहे.