यंदाची दिवाळी होणार आणखी गोड! ( सौजन्य - सोशल मीडिया )
सध्या बाजारात मिळणाऱ्या नेहमीच्या पारंपरिक चौकोनी गिफ्ट बॉक्सच्या पलीकडे जात किंडरने यंदाची दिवाळी अधिक रंगतदार आणि रंजक बनवण्यासाठी कल्पक पाऊल उचलले आहे. दिवाळीचे मुख्य आकर्षण असलेल्या रॉकेट, अनार आणि कंदील यांच्या आकारावरून प्रेरित होऊन ही तीन खास फेस्टिव्ह पॅक्सची सिरीज आणली आहे. यामध्ये किंडर जॉय, किंडर क्रीमी आणि किंडर शोको-बॉन्स क्रिस्पीचा समावेश आहे.
प्रत्येक पॅक किंडरच्या लोकप्रिय चवीला दिवाळीचा एक खास ट्विस्ट तर देतो, शिवाय सोबत असणाऱ्या रंजक गोष्टी, माहिती आणि छोट्या-मोठ्या अॅक्टिव्हिटींमुळे कुटुंबाला सणाच्या परंपरा नव्याने अनुभवण्याची संधी मिळते. पालक व मुलांनी एकत्र येऊन खेळत, शिकत आणि निवांत क्षण घालवत दिवाळीच्या परंपरा जाणून घ्याव्यात, हा यामागचा मुख्य विचार आहे.
१३ ऑक्टोबर रोजी मुंबईतील फिनिक्स मार्केटसिटी येथे पार पडलेल्या एका विशेष कार्यक्रमात प्रसिद्ध अभिनेत्री करिश्मा कपूर यांच्या हस्ते या नव्या गिफ्टिंग सिरीजचे अनावरण करण्यात आले. “त्योहारों को बनाये खास, किंडर के साथ” हा ब्रँडचा फेस्टिव्ह मंत्र इथे एका आगळ्यावेगळ्या प्रत्यक्ष अनुभवातून मांडण्यात आला. यात रांगोळी, तोरण, पणत्या, कंदील, फुलांचे हार आणि मिठाई अशा सर्व पारंपरिक घटकांना ‘किंडर हॅप्पीनेस टाइम्स’च्या उत्साहाची सुरेख जोड देण्यात आली होती.
किंडर फेस्टिव्ह होमच्या माध्यमातून सणांच्या परंपरा फक्त दुरून न पाहता त्यात प्रत्यक्ष सहभागी होता यावे अशी व्यवस्था करण्यात आली आहे. खास कुटुंबांसाठी डिझाइन करण्यात आलेल्या या वॉक-थ्रू सफरीत घराच्या प्रत्येक कोपऱ्यात दिवाळीची एखादी परंपरा अनुभवता येते. रांगोळी काढणे, पाना-फुलांचे तोरण गुंफणे, अंगणात पणत्या लावणे, कंदील सजवणे आणि फुलांच्या माळा लावणे अशा आनंददायी प्रवासाने या घराची सुरुवात होते.
१० ते २४ ऑक्टोबर दरम्यान सुरू असलेला हा किंडर दिवाळी अनुभव सर्वांसाठी खुला आहे. सर्जनशीलता आणि एकत्र येण्याच्या या गोड क्षणांमुळे यंदाची दिवाळी कुटुंबांसाठी अधिक संस्मरणीय ठरणार आहे.
फेरेरो इंडियाचे मार्केटिंग हेड जोहर कापूसवाला म्हणाले, “दिवाळी म्हणजे परंपरा, सुरेख गोष्टी आणि कुटुंबासोबत निवांत घालवलेले आनंदाचे क्षण. ‘किंडर हॅप्पीनेस टाइम्स’ गिफ्टिंग सिरीजच्या माध्यमातून आम्हाला याच पारंपरिक भावनांना उजाळा द्यायचा आहे. रॉकेट, अनार आणि कंदिलाच्या अनोख्या आकारातील हे गिफ्ट पॅक्स किंडरच्या गोडव्यात दिवाळीचा उत्साह आणतात, तर किंडर फेस्टिव्ह होमच्या माध्यमातून कुटुंबे स्वतः सहभागी होऊन सणाचा आनंद घेऊ शकतात. करिश्मा कपूर यांच्या उत्साही उपस्थितीने या कार्यक्रमाची रंगत आणखी वाढवली. आम्हाला खात्री आहे की, ‘किंडर हॅप्पीनेस टाइम्स’ यंदाच्या दिवाळी साजरीकरणाचा अविभाज्य भाग बनेल.”
आकर्षक पॅकेजिंगसह ही किंडर हॅप्पीनेस पॅक्स आता देशभरातील पारंपरिक किराणा दुकाने, आधुनिक ट्रेड आऊटलेट्स आणि ई-कॉमर्स प्लॅटफॉर्म्सवर उपलब्ध आहेत. ‘किंडर हॅप्पीनेस टाइम्स’सोबत लहान क्षणांचेही एका मोठ्या आनंदोत्सवात रूपांतर करत किंडर यंदाची दिवाळी अधिक गोड आणि अविस्मरणीय बनवत आहे.
.png "Videos"){kind=small}
