Gautam Buddha : आयुष्य बदलवणारे बुद्धांचे अष्टांगिक मार्ग आणि त्याचा अर्थ

गौतम बुद्धांच्या मते जेव्हा माणसं भावनेच्या आहारी जातात तेव्हा जगणं कठीण होतं. हेच सांगताना बुद्धांनी आयुष्य कसं जगावं याबाबत अष्टांग मार्ग सांगितले आहे.

• आयुष्य बदलवणारे बुद्धांचे अष्टांगिक मार्ग
• बुद्धांचे विचार

प्रज्ञा शील करुणा हा कानमंत्र बुद्धांनी दिला. मानवी जीवनात भुतदया, माफ करणं आणि योग्य समज हे अत्यंत महत्वाचे आहेत. माणसाचे राग, लोभ, प्रेम, मत्सर, हळवेपणा अशा विविध भावना आहेत आणि त्या नैसर्गिक आहेत. पण याच भावना अति झाल्या तर माणसाचं काही खरं नाही असं बुद्ध म्हणतात. गौतम बुद्धांच्या मते जेव्हा माणसं भावनेच्या आहारी जातात तेव्हा जगणं कठीण होतं. हेच सांगताना बुद्धांनी आयुष्य कसं जगावं याबाबत अष्टांग मार्ग सांगितले आहे.

आष्टांगिक मार्ग हा गौतम बुद्ध यांनी सांगितलेला बौद्ध धर्मातील अत्यंत महत्त्वाचा मार्ग आहे. हा मार्ग दुःखातून मुक्ती मिळवण्यासाठी उपयोगी ठरतो. याला “मध्यम मार्ग” असेही म्हणतात, कारण तो अति सुख आणि अति दु:ख या दोन्ही टोकांपासून दूर राहण्याची शिकवण देतो. कोणत्याही परिस्थितीत भावनांचा कडेलोट झाला तर वाट्याला त्रास येणं हे स्वाभाविक असतं. त्यामुळे परिस्थिती कशीही असो आतून शांत राहणं महत्वाचं आहे. हेच बुद्ध त्यांच्या अष्टांग मार्गातून सांगतात.

Gautam Buddha : तुम्हाला बुद्धांचा तांदूळ माहितेय का ? शांतीचा संदेश देणाऱ्या तथागतांचं शेतीशी होतं खास नातं

 

See more

 

• सम्यक दृष्टी- जगण्याकडे सकारात्मक दृष्टीकोनातून पहावं. आपण जगाकडे ज्या नजरेने पाहतो तेच आपल्याला दिसतं. त्यामुळे काही काही वेळा आपला पाहण्याचा दृष्टीकोन देखील आपलं आयुष्य बदलण्यासाठी खूप फायदेशीर असतं.
• सम्यक संकल्प- आपल्यामुळे कोणालाही इजा होणार नाही असा जगण्याचा संकल्प करा, असं बुद्ध सांगतात.
• सम्यक वचन- या जगात काय स्थिर आहे तर ते सत्य. म्हणूनच कायम खरं वागा आणि खरं जगा. तुमचा खरेपणा तुमची ताकद ठरते.
• सम्यक कर्म- . चोरी न करणे. कोणाची फसवणूक न करता जगणं. यामुळे तुम्ही माणूस म्हणून समृद्ध होता आणि हीच खरी संपत्ती आहे.
•  सम्यक उपजीविका- कोणाचं हिसकावून आपण कधीही आनंदाने जगू शकत नाही.त्यामुळे नैतिक आणि प्रामाणिक मार्गाने पोट भरणे, हे एका संवेदनशील माणसाचं उदाहरण आहेे.
• सम्यक व्यायाम- मनात वाईट विचार येऊ न देणे आणि चांगले विचार टिकवणे. मन जितकं शांत आणि संयमी असतं तेवढं आपण हवं ते मिळवू शकतो.
• सम्यक स्मृती- नेहमी चांगल्या आठवणी लक्षात ठेवाव्यात. जे त्रास देतं ते सोडता आलं पाहिजे.
•  सम्यक समाधी – समाधी म्हणजे एकाग्रता. मनाची पूर्ण एकाग्रता साधली की हवं ते साध्य करणं सोपं जातं.

एकंदरितच परिस्थिती तुमच्या बाजूने असो किंवा तुमच्या विरोधात तुम्ही कायमच भावनांवर नियंत्रण ठेवणं गरजेचं आहे, असं बुद्ध सांगतात.

गौतम बुद्धांचे केस खरंच कुरळे होते का ? | Navarashtra