साखरपुड्याला हिरव्या रंगाची साडी नेसण्याबाबत दंतकथा सांगितली जाते ती अशी की, पूर्वी एका कन्येने विवाहासाठी देवी पार्वतीची मनोभावे पूजा केली. माझ्या आयुष्यात सौभाग्य येऊ दे आणि माझे गृहस्थाश्रम सुखी होऊ दे अशी तिने देवीजवळ प्रार्थना केली. त्या मुलीच्या घरात आर्थिक अडचण असल्यामुळे तिच्याकडे सुंदर साडी नव्हती. साखरपुड्याच्या आधीच्या रात्री देवी पार्वतीने स्वप्नात येऊन या मुलीला दृष्टांत दिला. देवीने या मुलीला हिरवी सुंदर अशी साडी आशिर्वाद म्हणून दिली आणि सांगितलं की ही, हिरवी साडी म्हणजे नवजीवनाचा शुभ शकुन आहे. यानंतर देवी अदृश्य झाली. ही गोष्ट पंचक्रोशीत पसरली आणि तेव्हापासून साखरपुड्यासारख्या नवसुरुवातीच्या प्रसंगी हिरवा रंग शुभ मानला जाऊ लागला.
हिंदू धर्मात हिरवा रंग हा देवी पार्वती आणि अन्नपूर्णा यांच्या आशीर्वादाचे प्रतिक मानला जातो. गृहस्थाश्रमाची सुरूवात होणाऱ्या या पारंपरिक कार्यक्रमात विवाहित जीवनासाठी या देवींचा कृपाशिर्वाद मिळावा अशी यामागे भावना असते. याच दृष्टीकोनातून हिरवी साडी मुलीला नेसवली जाते. महाराष्ट्रात विवाहित स्त्रियांचा हिरव्या रंगाशी असलेला संबंध विशेष मानला जातो. हिरवा चुडा आणि हिरवी साडी हे सौभाग्य आणि अखंड मंगलाचा शुभशकुन मानला जातो.
सांस्कृतिक दृष्टिकोनातून पाहिले तर साखरपुड्याला हिरवी साडी हा ‘हरित’ शुभसंकेत मानण्याचा एक सुंदर वारसा आहे. नव्या नात्यांच्या, नव्या सुरुवातींच्या स्वागताचा हा रंग आजही तेवढाच महत्वपूर्ण आहे. परंपरा, आध्यात्मिक ऊर्जा आणि शास्त्रीय अर्थ यांचा मिलाफ असलेली हिरवी साडी हा साखरपुड्याचा अविभाज्य भाग बनला आहे.
साखरपुड्याबाबत प्रत्येक राज्यात विविध प्रथा परंपरा आहेत. मात्र महाराष्ट्रात सर्वसाधारणपणे मुली साखरपुड्याला हिरव्या रंगाची साडी नेसतात. यामागे अर्थ असा की, हिरवा रंग समृद्धी आणि भरभराट दर्शवतो. साखरपुडा म्हणजे काही दिवसात मुलगी लग्न करुन सासरी जाणार असते. या भावी वधूचं होणारं घर हे धन धान्यांनी भरलेलं असावं. तिच्या नव्या जीवनात सारं काही शुभं घडावं या सदिच्छा म्हणून मुलगी हिरवी साडी नेसते. हिरवा रंग हा मांगल्याचं देखील प्रतिक आहे.
साखरपुडा म्हणजे एका अर्थी जीवनातील नव्या अध्यायाची सुरूवात असते. या रंगात सकारात्मकता, शांतता आणि स्थैर्याचे गुण असतात. शास्त्रानुसार हिरवा रंग मनातील तणाव कमी करून आनंद, समाधान आणि आशावाद वाढवतो. त्यामुळे वधूने हिरवा रंग नेसल्यास तिच्या मनातही प्रसन्नता व स्थिरता वाढते, असे मानले जाते.
Ans: हिरवा रंग समृद्धी, भरभराट, सौभाग्य आणि नव्या सुरुवातीचं प्रतिक मानला जातो. साखरपुड्याने वधूच्या नव्या जीवनाची सुरूवात होत असल्याने हिरवी साडी शुभ मानली जाते.
Ans: हिरवा रंग हा देवी पार्वती व अन्नपूर्णा यांच्या आशीर्वादाचे प्रतीक मानला जातो. विवाहसंबंधाच्या नव्या गृहस्थाश्रमासाठी शुभ शकून म्हणून वधू हिरवी साडी नेसते.
Ans: हिरवा हा निसर्ग, पिकं, धनधान्य आणि वाढ-भरभराट यांचा रंग आहे. त्यामुळे भावी वधूचे गृहस्थाश्रम सुखी, समृद्ध व मंगलमय होवो,या शुभेच्छेने हिरवी साडी नेसवली जाते.
.png "Videos"){kind=small}
