पुणे : महाशिवात्रीनिमित्त महाराष्ट्र व देशभरातून अनेक शिवभक्त बारा ज्योतिर्लिंगापैकी एक असलेल्या पुणे जिल्ह्यातील भिमाशंकरला दोन वर्षानंतर महाशिवरात्री भोलेनाथाचे दर्शन घेण्यासाठी भाविक दाखल झाले आहेत. महाशिवरात्री निमित्ताने राज्याचे गृहमंत्री दिलीप वळसे पाटील आणि जिल्हाधिकारी डॉ राजेश देशमुख यांच्या हस्ते शासकीय महापूजा आणि अभिषेक करण्यात आला आहे. महाशिवरात्री देशभरातील नागरिकांना निरोगी आयुष्य देणारी व्हावी व आम्हाला काम करण्याची शक्ती मिळावी अशी भावना गृहमंत्री दिलीप वळसे पाटील यांनी व्यक्त केली आहे.
महाशिवात्रीनिमित्त महाराष्ट्रातील अनेक भाविक आज मंदिरात दर्शन घेण्यासाठी जातात, त्यामुळे मुर्ती किंवा आजूबाजूचा परिसर फुलांनी सजवलेला पाहायला मिळतो. कोरोनाच्या काळात मंदिर बंद असल्याने अनेक भाविकांना लांबून दर्शन घ्यावे लागत होते. दोन वर्षानंतर मंदीर सुरू झाल्याने भक्तांच्यामध्ये मोठा उत्साह असल्याचं चित्र तिथं पाहायला मिळतंय. यानंतर मंदिर भाविकांना दर्शनासाठी खुले करण्यात आले भाविकांमध्ये मोठा उत्साह असुन भिमाशंकरला आजपासुन भक्तीचा महासागर ओसांडुन वाहतोय भक्तीमय वातावरणात सुरु झालेली आहे.
