Navratri 2026 First Day: नवरात्रीची पहिली माळ चुकवू नका! देवी शैलपुत्रीची पूजा, आवडता नैवेद्य आणि शुभ रंग जाणून घ्या

Navratri 2026 First Day: शारदीय नवरात्रीला ११ ऑक्टोबर २०२६ पासून सुरुवात झाली असून, पहिल्या दिवशी घटस्थापना करून देवी दुर्गेचे पहिले रूप असलेल्या माता शैलपुत्रीची पूजा केली जाते. पर्वतराज हिमालयाची कन्या असल्यामुळे तिला शैलपुत्री असे नाव पडले.

• पहिल्या माळेचे महत्त्व
• शुभ रंग आणि नैवेद्य
• घटस्थापना मुहूर्त आणि मंत्र

आपल्याकडे नवरात्रीला सणांमध्ये सगळ्यात वरचा मान आहे. वर्षभरात चार वेळा नवरात्री येते, पण अश्विन महिन्यात येणारी शारदीय नवरात्री हीच खरी मोठी नवरात्री मानली जाते. या नऊ दिवसांत आदिशक्तीची पूजा, उपवास, जागरण तसेच देवीचा जयजयकार केला जातो. यावेळी 2026 मध्ये शारदीय नवरात्री 11 ऑक्टोबर पासून सुरु झाली. Navratri 2026 First Day:

नऊ दिवस आदिशक्तीची पूजा, उपवास, जागरण आणि देवीचा जयजयकार होतो. यावेळी 2026 मध्ये शारदीय नवरात्र 11 ऑक्टोबर पासून सुरु होत आहे.

पहिला दिवस म्हणजे घटस्थापनेचा दिवस

याच दिवशी नवरात्रीच्या खऱ्या उत्सवाला सुरुवात होते.पहिल्या माळेला कोणती देवी असते?पहिल्या दिवशी दुर्गा मातेचे पहिले रूप असलेल्या शैलपुत्री देवीची आराधना केली जाते.

शैलपुत्री म्हणजे कोण?

तर पर्वतांचा राजा हिमालय, त्याची ती मुलगी. म्हणून तिचे नाव शैलपुत्री. फोटोमध्ये बघितले तर एका हातात त्रिशूळ, दुसऱ्या हातात कमळ आणि ती नंदीवर बसलेली दिसते. तिच्याकडे बघितले की एक वेगळीच शक्ती आणि शांतता जाणवते. असे म्हणतात की पहिल्या दिवशी तिची मनापासून पूजा केली तर आयुष्यातली अडचणी दूर होतात आणि घरात स्थिरता येते.

नऊ दिवसांच्या नऊ देवीनवरात्रीत रोज वेगवेगळ्या देवीची पूजा होते –

• पहिली – शैलपुत्री
• दुसरी – ब्रह्मचारिणी
• तिसरी – चंद्रघंटा
• चौथी – कुष्मांडा
• पाचवी – स्कंदमाता
• सहावी – कात्यायनी
• सातवी – कालरात्री
• आठवी – महागौरी
• नववी – सिद्धिदात्री

प्रत्येक देवीचा अर्थ वेगळा, तिची शक्ती वेगळी.

पहिल्या दिवसाचा शुभ रंग

यावर्षी पहिल्या दिवसासाठी नारिंगी कलर लकी मानला आहे. नारिंगी म्हणजे जोश आणि पॉझिटिव्ह विचार. त्यामुळे अनेक महिला पहिल्या दिवशी नारिंगी साडी किंवा ड्रेस घालून पूजा करतात. अर्थात हा रंग दरवर्षी पंचांगाप्रमाणे बदलत असतो.

Navratri 2026: नवरात्रीचा पहिला दिवस देवी शैलपुत्रीला समर्पित, अशा पद्धतीने करा देवीची पूजा

देवीला काय नैवेद्य द्यायचा?

शैलपुत्रीला गाईच्या तुपापासून बनवलेले पदार्थ खूप प्रिय आहेत. त्यामुळे या दिवशी तुपाचा नैवेद्य, गाईचे दूध, खीर, पेढा आणि पांढरी फुले वाहतात. पूजा करताना सगळ्यात महत्वाचे म्हणजे जागा साफ असली पाहिजे आणि मनात भक्ती असली पाहिजे.

घट बसवण्याची वेळ

11 ऑक्टोबरला सकाळी आंघोळ करून स्वच्छ कपडे घालून देव्हाऱ्यात घट बसवतात. घटावर कलश ठेवून त्यावर देवीची मूर्ती ठेवली जाते. देवी समोर फुले, अक्षता, धूप, दीप लावून पूजा करतात.

पंचांग बघितले तर 11 तारखेला सूर्योदय 6 वाजून 27 मिनिटांनी होणार आहे. घटस्थापनेसाठी सकाळी 6:27 ते 10:27 ही वेळ एकदम बेस्ट आहे. त्यानंतर अभिजीत मुहूर्त दुपारी 11:57 ते 12:48 पर्यंत आहे.

Navratri 2026: नवरात्रीत अखंड ज्योतीजवळ झोपणे शुभ की अशुभ? काय सांगते धर्मशास्त्र जाणून घ्या

शैलपुत्रीचा मंत्र

पूजेच्या वेळी हा मंत्र म्हणावा -ॐ देवी शैलपुत्र्यै नमः॥

हा मंत्र म्हणून आरती केल्याने मनाला शांती मिळते असा अनुभव अनेकांनी सांगितला आहे.

पहिली माळ का महत्वाची आहे?

पहिली माळ म्हणजे नवरात्रीचा पाया. या दिवशी पूजा करून आपण पुढच्या नऊ दिवसांसाठी संकल्प करतो. शैलपुत्रीची पूजा केल्याने मन स्थिर होते, कॉन्फिडन्स वाढतो. अनेक लोक या दिवसापासून नऊ दिवस उपवास करतात.नवरात्र हा फक्त सण नाही, तर आपली परंपरा आणि श्रद्धा जपण्याचा काळ आहे. पहिल्या दिवशी शैलपुत्रीला नमस्कार करून आपण या मंगल पर्वाची सुरुवात करूया.