Rama Ekadashi: रमा एकादशी कधी आहे? जाणून घ्या पूजेचा मुहूर्त आणि नियम

कार्तिक महिन्यामधील पहिली एकादशी खूप खास मानली जाते ती म्हणजे रमा एकादशी होय. या एकादशीच्या दिवशी काही शुभ योग घडून येत आहे. कधी आहे रमा एकादशी आणि काय आहे मुहूर्त आणि नियम जाणून घ्या

हिंदू धर्मात दरवर्षी 24 एकादशीचे व्रत असतात. दर महिन्याला दोनदा एकादशीचे व्रत केले जाते. असे मानले जाते की एकादशीला विश्वाचे रक्षक भगवान विष्णू आणि देवी लक्ष्मीची पूजा केली जाते. तसेच कार्तिक महिना हा अतिशय पवित्र महिना मानला जातो. त्यामुळे कार्तिक महिन्यामधील पहिली एकादशी लवकरच येत आहे. या एकादशीला ज्योतिषशास्त्रामध्ये विशेष महत्त्व आहे.

ज्योतिषशास्त्रानुसार एकादशीच्या दिवशी भगवान विष्णूची भक्तीभावाने पूजा केली जाते त्यासोबतच देवी लक्ष्मीची देखील पूजा केली जाते. यामुळे भक्तांना एकाच वेळी दोन्हीचे आशीर्वाद मिळू शकतात. जीवनात सर्व भौतिक सुख मिळण्यापासून ते मोक्ष मिळवण्यापर्यंत रमा एकादशीचे हे व्रत पाळण्यात येते. रमा एकादशी कधी आहे, शुभ मुहूर्त आणि नियम जाणून घ्या

रमा एकादशी शुभ मुहूर्त

पंचांगानुसार, कार्तिक कृष्ण एकादशी तिथीची सुरुवात गुरुवार, 16 ऑक्टोबर रोजी सकाळी 10.35 वाजता होणार आहे आणि शुक्रवार 17 ऑक्टोबर रोजी सकाळी 11.12 वाजता संपणार आहे. अशाप्रकारे, उदयतिथीनुसार रमा एकादशी 17 ऑक्टोबर रोजी साजरी केली जाणार आहे.

Vastu Tips: वास्तुदोष दूर करण्यासाठी कापूरचे करा ‘हे’ उपाय, घरातील नकारात्मक ऊर्जा होईल दूर

रमा एकादशीला शुभ योग

रमा एकादशीच्या दिवशी एक विशेष योग तयार होत आहे. यावेळी १७ ऑक्टोबर रोजी आत्म्याचा कारक सूर्य कन्या राशी सोडून तूळ राशीत प्रवेश करणार आहे. या दिवशी तूळ संक्रांत देखील साजरी केली जाणार आहे. संक्रांतीला दान आणि दानाचे विशेष महत्त्व आहे.

एकादशीच्या दिवशी नक्की करा या गोष्टी

एकादशीच्या दिवशी सकाळी ब्रह्म मुहूर्तावर उठून स्नान झाल्यानंतर उपवास करण्याचा संकल्प करावा. पूजेदरम्यान, भगवान विष्णूला पिवळ्या रंगाचा प्रसाद अर्पण करावा कारण पिवळा रंग भगवान श्री हरीचा प्रिय मानला जातो. त्यानंतर भगवान विष्णू आणि देवी लक्ष्मीची पूजा करावी. या दिवशी पिंपळाच्या झाडाला पाणी अर्पण करणे देखील शुभ मानले जाते.

Budh Gochar: 16 ऑक्टोबरपासून बुध ग्रह करणार विशाखा नक्षत्रात संक्रमण, या राशीच्या लोकांचे करिअर आणि व्यवसायात होणार प्रगती

एकादशीच्या दिवशी करा या नियमांचे पालन

एकादशीच्या दिवशी चुकूनही भाताचे सेवन करु नका. यासोबतच, एकादशीच्या व्रताच्या दिवशी मांस, मद्य, लसूण आणि कांदा यासारख्या तामसिक पदार्थांपासून दूर राहावे. जर तुम्ही एकादशीचे व्रत करत असाल तर खोटे बोलणे आणि कोणाविरुद्ध अपशब्द वापरणे टाळा. एकादशीला तुळशीची पाने तोडणे निषिद्ध मानले जाते, म्हणून पूजेसाठी एक दिवस आधीच तुळशीची पाने तोडून टाका.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)