फोटो सौजन्य- pinterest
यंदा तुळशी विवाह रविवार, 2 नोव्हेंबर रोजी साजरा केला जाणार आहे. दरवर्षी, हा सण कार्तिक महिन्याच्या शुक्ल पक्षाच्या बाराव्या दिवशी साजरा केला जातो. या दिवशी जगाचे रक्षक भगवान श्री हरि विष्णू यांचे रुप शालिग्राम आणि तुळशीचा विवाह लावला जातो. असे मानले जाते की, या दिवशी लोक तुळशी विवाह करतात आणि त्यांचे सर्व दुःख दूर होतात आणि त्यांच्या घरात समृद्धी येते. हिंदू मान्यतेनुसार, तुळशीला विशेष महत्त्व मानले जाते.
मान्यतेनुसार, घरात तुळशीचे रोप लावल्याने सकारात्मकता येते आणि नकारात्मक ऊर्जा दूर होते. घरामध्ये तुळशीचे हे रोप लावणे खूप शुभ मानले जाते. कारण तुळशीला देवी लक्ष्मीचा अवतार मानले जाते. तुळशीचे रोप घरातील लोकांचे रक्षण करते आणि त्यांना सर्व समस्यांपासून वाचवते, अशी मान्यता आहे. तुळशी विवाहाच्या दिवशी वास्तुशी संबंधित गोष्टींकडे लक्ष देणे गरजेचे आहे. तुळशी विवाहाच्या दिवशी तुळशीच्या रोपाजवळ कोणत्या वस्तू ठेवू नयेत ते जाणून घेऊया.
तुळशी विवाहाच्या दिवशी ब्रम्ह मुहूर्त सकाळी 4.59 ते 5.49 पर्यंत असेल. तर सकाळ आणि संध्याकाळ मुहूर्त 5.24 ते 6.39 राहील. यावेळी अमृत काळ सकाळी 9:29 ते 11:00 पर्यंत राहील. तसेच अभिजित मुहूर्त सकाळी 11:59 ते दुपारी 12:45 पर्यंत राहील. संधिप्रकाश मुहूर्त संध्याकाळी 6:04 ते 6:30 पर्यंत राहणार आहे.
वास्तुशास्त्रानुसार, तुळशीच्या झाडाजवळ बूट आणि चप्पल ठेवू नयेत. असे केल्याने देवी लक्ष्मी कोपते आणि घरात आर्थिक समस्या येऊ शकतात. तुळशीच्या झाडाजवळ बूट आणि चप्पल ठेवल्याने त्याच्या पावित्र्याचे उल्लंघन होते, म्हणून तुळशीचे रोप नेहमी स्वच्छ आणि पवित्र ठिकाणी ठेवावे.
तुळशीच्या झाडाजवळ झाडू ठेवू नये. घरातील घाण काढण्यासाठी झाडू वापरला जातो. तुळशीच्या झाडाजवळ तो ठेवणे देवीचा अपमान मानले जाते. यामुळे घरातील समस्या उद्भवू शकतात.
तुळशीचे रोप आणि शिवलिंग कधीही एकत्र ठेवू नये. असे करणे पूजेत पाप मानले जाते. तुळशी आणि शिवलिंगाची एकत्र पूजा का केली जात नाही याचे कारण म्हणजे भगवान शिव यांनी तुळशी मातेचा पती शंखचूडाचा वध केला होता.
तुळशीच्या झाडाजवळ काटेरी झाडे लावू नयेत. कारण असे केल्याने घरात गरिबी येते आणि कुटुंबातील सदस्यांमध्ये तणाव आणि संघर्ष वाढतो असे मानले जाते.
तुलसी विवाहाच्या दिवशी तुळशीचा विवाह भगवान शालिग्रामशी होतो, ज्यांना वराच्या रूपात सजवले जाते. भगवान शालिग्राम देवाच्या शक्तीचे प्रतीक आहेत, तर तुळशी निसर्गाचे प्रतिनिधित्व करतात. हे लग्न निसर्ग आणि देव यांच्यातील संतुलनाचा संदेश देते. असे मानले जाते की, जो व्यक्ती पूर्ण विधीपूर्वक तुळशी विवाह करतो, त्याच्या वैवाहिक जीवनात आनंद आणि शांती राहते. याव्यतिरिक्त, घरात समृद्धी, आरोग्य आणि आनंद यामध्ये असते, असे म्हटले जाते. तुळशी विवाह केल्याने सकारात्मक ऊर्जा आणि आध्यात्मिक लाभ देखील आपल्याला होतात.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
