dinvishesh: सावरकरांनी लंडनमध्ये पहिल्यांदाच साजरी केली विजयादशमी; जाणून घ्या 24 ऑक्टोबर

1909 मध्ये आजच्या दिवशी वीर सावरकर आणि महात्मा गांधी यांनी क्कीन्सरोड डॉल येथे दसरा सोहळ्याचे आयोजन केले. यामध्ये ब्रिटीश विद्यार्थ्यांना येण्यास मज्जाव घालण्यात आला.

भारतीय संस्कृतीचा प्रभाव वाढण्यासाठी आणि ख्रिश्चन सणांचा प्रभाव कमी करण्यासाठी वीर सावरकर आणि महात्मा गांधी यांच्या एकत्रित प्रयत्नांनी लंडनमध्ये पहिल्यांदाच दसरा साजरा करण्यात आला. 1909 मध्ये आजच्या दिवशी सावरकर यांनी क्कीन्सरोड डॉल येथे दसरा सोहळ्याचे आयोजन केले. यामध्ये ब्रिटीश विद्यार्थ्यांना येण्यास मज्जाव घालण्यात आला. या सोहळ्यासाठी 100 हून अधिक परदेशामध्ये राहणारे भारतीय लोक जमले होते. हॉलमध्ये भारतीय पद्धतीने जेवणाच्या पंक्ती बसवण्यात आल्या होत्या. धुपाचा दरवळ सगळीकडे पसरला होता. मध्यभागी ध्वज उभारण्यात आला होता. त्यावर ठळक अक्षरात वंदे मातरम असे लिहिण्यात आले होते. राष्ट्रगीताच्या स्वराने कार्यक्रमाला वेगळीच शोभा आणली होती. दक्षिण आफ्रिकेतून महात्मा गांधी खास या कार्यक्रमासाठी लंडनला आले होते. अली अझीझ हे आफ्रिकेतील त्यांचे सहकारी सोबत होते.

 

24 ऑक्टोबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1605 : मुघल सम्राट जहांगीरचा राज्याभिषेक झाला.
• 1795 : रशिया, प्रशिया आणि ऑस्ट्रियाने पोलंडचा ताबा घेतला.
• 1851 : विल्यम लासेलने युरेनस ग्रहाचे अम्ब्रिअल आणि एरियल हे चंद्र शोधले.
• 1857 : शेफिल्ड एफ.सी. जगातील सर्वात जुना फुटबॉल क्लब इंग्लंडमधील शेफील्ड येथे सुरू झाला.
• 1861 : युनायटेड स्टेट्समधील पहिली आंतरखंडीय टेलिग्राफ लाइन पूर्ण झाली.
• 1901 : एनी एडसन टेलर हे नायगारा धबधब्यात बॅरल मधून उडी मारणारे पहिले व्यक्ती ठरले.
• 1909 : स्वातंत्र्यवीर सावरकर यांनी बॅ. गांधी यांच्या अध्यक्षतेखाली लंडनमध्ये प्रथमच दसरा साजरा करण्यात आला.
• 1931 : हडसन नदीवरील जॉर्ज वॉशिंग्टन ब्रिज सार्वजनिक वाहतुकीसाठी खुला झाला.
• 1945 : संयुक्त राष्ट्रांची स्थापना झाली.
• 1946 : V-2 क्रमांक-13 रॉकेटवर बसलेल्या कॅमेऱ्याने अंतराळातून पृथ्वीचे पहिले छायाचित्र घेतले.
• 1949 : संयुक्त राष्ट्रांच्या मुख्यालयाने काम सुरू केले.
• 1963 : देशातील दुष्काळामुळे सार्वजनिक आणि मोठ्या समारंभात तांदूळ खाण्यावर पूर्णपणे बंदी घालण्यात आली.
• 1964 : उत्तर ऱ्होडेशियाला युनायटेड किंग्डमपासून स्वातंत्र्य मिळाले आणि त्याचे नाव झांबिया असे ठेवण्यात आले.
• 1972 : दुष्काळग्रस्त गुरे वाचवण्यासाठी सकाळ रिलीफ फंड या संस्थेतर्फे दत्तक बैल योजना सुरू करण्यात आली.
• 1984 : भारतातील पहिला भुयारी मार्ग कोलकात्यात सुरू झाला.
• 1997 : सतारवादक पंडित रविशंकर यांना संगीत क्षेत्रातील उल्लेखनीय कामगिरीबद्दल जपानचा प्रीमियम इम्पीरियल आंतरराष्ट्रीय पुरस्कार प्रदान करण्यात आला.
• 1998 : लघुग्रह पट्ट्याचा शोध घेण्यासाठी आणि नवीन अंतराळ यान तंत्रज्ञानाची चाचणी घेण्यासाठी डीप स्पेस 1 लाँच करण्यात आले.
• 2000 : थोर समाजसेवक डॉ. बाबा आमटे यांना केंद्र सरकारचा पुरस्कार. बाबासाहेब आंबेडकर आंतरराष्ट्रीय पुरस्कार जाहीर झाला..
• 2003 : कॉन्कॉर्डने शेवटचे व्यावसायिक उड्डाण केले.
• 2016 : सायरस मिस्त्री यांची टाटा समूहाच्या अध्यक्षपदावरून काढण्यात आले.
• 2018 : जगातील सर्वात लांब समुद्र क्रॉसिंग, हाँगकाँग-झुहाई-मकाऊ ब्रिज, सार्वजनिक वाहतुकीसाठी खुला

राजकीय बातम्या वाचण्यासाठी क्लिक करा 

24 ऑक्टोबर रोजी जन्म दिनविशेष

• 1632 : ‘अँथनी व्हॉन लीवेनहॉक’ – डच सूक्ष्मजीवशास्त्रज्ञ यांचा जन्म. (मृत्यू : 26 ऑगस्ट 1723)
• 1775 : ‘बहादूरशहा जफर’ – दिल्लीचा शेवटचा बादशहा यांचा जन्म. (मृत्यू : 7 नोव्हेंबर 1862)
• 1868 : ‘भवानराव श्रीनिवासराव पंतप्रतिनिधी’ – औंध संस्थानचे अधिपती, चित्रकार, कीर्तनकार यांचा जन्म. (मृत्यू : 13 एप्रिल 1951)
• 1894 : ‘विभुद्धभाषण मुखोपाध्याय’ – भारतीय लेखक, कवी आणि नाटककार यांचा जन्म. (मृत्यू : 29 जुलै 1987)
• 1910 : ‘लीला भालजी पेंढारकर’ – मराठी व हिंदी चित्रपटसृष्टीतील अभिनेत्री यांचा जन्म.
• 1914 : ‘लक्ष्मी सहगल’ – आझाद हिंद सेनेतील झाशी राणी रेजिमेंटच्या कॅप्टन यांचा जन्म. (मृत्यू : 23 जुलै 2012)
• 1921 : ‘रासीपुरम कृष्णस्वामी लक्ष्मण’ – व्यंगचित्रकार यांचा जन्म. (मृत्यू : 26 जानेवारी 2015)
• 1926 : ‘केदारनाथ सहानी’ – सिक्कीमचे राज्यपाल, दिल्लीचे महापौर यांचा जन्म. (मृत्यू : 3 ऑक्टोबर 2012)
• 1935 : ‘मार्क टुली’ – भारतीय पत्रकार आणि लेखक यांचा जन्म.
• 1963 : ‘अरविंद रघुनाथन’ – भारतीय अमेरिकन उद्योगपती यांचा जन्म.
• 1972 : ‘मल्लिका शेरावत’ – अभिनेत्री व मॉडेल यांचा जन्म.

नवराष्ट्र विशेष लेख वाचण्यासाठी क्लिक करा

24 ऑक्टोबर रोजी मृत्यू दिनविशेष

• 1601 : ‘टायको ब्राहे’ – डच खगोलशास्त्रज्ञ यांचे निधन. (जन्म : 14 डिसेंबर 1546)
• 1922 : ‘जॉर्ज कॅडबरी’ – कॅडबरी चे संस्थापक यांचे निधन. (जन्म : 19 सप्टेंबर 1839)
• 1944 : ‘लुई रेनॉल्ट’ – रेनॉल्ट कंपनी चे संस्थापक यांचे निधन. (जन्म : 12 फेब्रुवारी 1877)
• 1979 : ‘कार्लो अबारट’ – अबारथ कंपनी चे संस्थापक यांचे निधन. (जन्म : 15 नोव्हेंबर 1908)
• 1991 : ‘जीन रोडडेबेरी’ – स्टार ट्रेक चे निर्माते यांचे निधन. (जन्म : 19 ऑगस्ट 1921)
• 1991 : ‘इस्मत चुगताई’ – ऊर्दू कथा व पटकथा लेखिका यांचे निधन. (जन्म : 15 ऑगस्ट 1915)
• 1992 : ‘अरविंद गोखले’ – मराठी नवकथेचे जनक यांचे निधन. (जन्म : 19 फेब्रुवारी 1919)
• 1995 : ‘माधवराव साने’ – पत्रकार, भारतीय श्रमिक पत्रकार संघटनेचे अध्यक्ष यांचे निधन.
• 2011 : ‘जॉन मॅककार्थी’ – लिस्प प्रोग्रॅमिंग लँग्वेज चे जनक यांचे निधन. (जन्म : 4 सप्टेंबर 1927)
• 2013 : ‘मन्ना डे’ – पार्श्वगायक यांचे निधन. (जन्म : 1 मे 1919)
• 2014 : ‘एस. एस. राजेंद्रन’ – भारतीय अभिनेते, दिग्दर्शक आणि निर्माते यांचे निधन.