पाकिस्तान क्रिकेटमध्ये खळबळ! PCB ची मोठी कारवाई; स्टार खेळाडूवर घातली २ वर्षांची बंदी
अफगाणिस्तानने दुसऱ्या एकदिवसीय सामन्यात आयर्लंडला ९२ धावांनी पराभूत करून पाच सामन्यांच्या मालिकेत १-० अशी आघाडी घेतली. या प्रभावी विजयासह, अफगाणिस्तानने २०२७ च्या एकदिवसीय विश्वचषकातील आपले स्थान निश्चित केले आहे. आयर्लंडविरुद्धच्या एकदिवसीय मालिकेतील पहिला सामना पावसामुळे एकही चेंडू न टाकता रद्द करण्यात आला. मात्र, दुसऱ्या सामन्यात अफगाणिस्तानने दमदार विजय मिळवला. यामुळे आयर्लंडच्या थेट पात्रतेच्या उरलेल्या आशा पूर्णपणे संपुष्टात आल्या आणि अफगाणिस्तानसाठी मार्ग मोकळा झाला. आगामी विश्वचषकासाठी थेट पात्रता मिळवणारा अफगाणिस्तान हा नववा संघ आहे. अफगाणिस्तानने दुसऱ्यांदा अव्वल आठ संघांमध्ये स्थान मिळवून थेट एकदिवसीय विश्वचषकासाठी पात्रता मिळवली आहे. यापूर्वी, अफगाणिस्तानने २०२३ मध्ये ही कामगिरी केली होती. भारत, ऑस्ट्रेलिया, इंग्लंड, न्यूझीलंड, पाकिस्तान आणि श्रीलंका यांनी यापूर्वीच एकदिवसीय विश्वचषकात आपले स्थान निश्चित केले होते. यजमान देश म्हणून दक्षिण आफ्रिका आणि झिम्बाब्वे यांनाही आपोआप पात्रता मिळाली आहे.
अफगाणिस्तानने आयर्लंडविरुद्ध २९९ धावांचे लक्ष्य सहजपणे राखले. आयर्लंडने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करत अफगाणिस्तानेन ४७ षटकांमध्ये २९९ धावा केल्या. प्रत्युत्तरात आयर्लंडचा संघ ४२.५ षटकांत २०७ धावांवर सर्वबाद झाला. अफगाणिस्तानकडून राशीद खानने सहा विकेट घेतले. हा विजय अफगाणिस्तानसाठी खूप खास आहे, कारण या विजयामुळे त्यांना २०२७ च्या एकदिवसीय विश्वचषकाचे तिकिट मिळाले आहे.
दोन वेळच्या विश्वविजेत्या वेस्ट इंडिजचा मार्ग दिवसेंदिवस कठीण झाला आहे. ते थेट पात्रता शर्यतीतून बाहेर पडले आहेत. आता फक्त एकच जागा शिल्लक आहे, ज्यासाठी बांगलादेश आणि वेस्ट इंडिज यांच्यात स्पर्धा आहे. एकदिवसीय क्रमवारीत वेस्ट इंडिज १०व्या स्थानावर आहे. ३० सप्टेंबरच्या अंतिम तारखेपूर्वी संघाचे फक्त दोन एकदिवसीय सामने शिल्लक आहेत. हे दोन्ही सामने भारताविरुद्ध होणार आहेत. त्यामुळे, वेस्ट इंडिजसाठी थेट विश्वचषक स्थान मिळवणे खूप कठीण आहे. दुसरीकडे, बांगलादेश थेट पात्र ठरू शकतो.
.png "Videos"){kind=small}
