शनिवार, 8 ऑगस्ट 2026
पीसीबीने या प्रकरणाची चौकशी करण्यासाठी तीन सदस्यीय चौकशी समिती स्थापन केली. नझरला त्याची बाजू मांडण्याची आणि आरोपांचे खंडन करण्याची पूर्ण संधी देण्यात आली. त्याचे म्हणणे ऐकल्यानंतर, समितीने प्रकरणाच्या सर्व बाजूंचा विचार केला आणि आपला अहवाल मंडळाला सादर केला. त्यानंतर पीसीबीने नझरवर सर्व देशांतर्गत आणि आंतरराष्ट्रीय क्रिकेट स्पर्धांमधून दोन वर्षांसाठी बंदी घालण्याचा आणि १० लाख पाकिस्तानी रुपयांचा दंड आकारण्याचा निर्णय घेतला.
आपल्या अधिकृत निवेदनात, पीसीबीने म्हटले आहे की, ‘खोटी माहिती देणे, तथ्ये उघड न करणे आणि दिशाभूल करणारी माहिती सादर करणे यासंबंधीची प्रकरणे पीसीबी अत्यंत गांभीर्याने घेते. पाकिस्तान क्रिकेटशी संबंधित व्यक्तींकडून अपेक्षित व्यक्तीकडून असे वर्तन अपेक्षित नाही आहे. मंडळाने पुढे असेही म्हटले आहे की, ते कोणालाही मंडळाची, पाकिस्तान क्रिकेटची किंवा या खेळावर प्रेम करणाऱ्या लाखो चाहत्यांची प्रतिष्ठा खराब करू देणार नाही.’
गेल्या काही वर्षांपासून हमजा नझर पाकिस्तानी देशांतर्गत क्रिकेटमध्ये उत्कृष्ट कामगिरी करत असून, तो राष्ट्रीय संघात निवड होण्याच्या अगदी जवळ पोहोचला होता. वेस्ट इंडिजविरुद्धच्या दोन सामन्यांच्या कसोटी मालिकेसाठी त्याची निवड निश्चित मानली जात होती. मात्र, त्याच्या व्हिसा अर्जासंदर्भातील वादामुळे त्याची निवड होऊ शकली नाही. नझरने २०१४ मध्ये बहावलपूर स्टॅग्सविरुद्धच्या क्वाइद-ए-आझम ट्रॉफी सिल्व्हर लीग सामन्यात सियालकोट स्टॅलिअन्सकडून व्यावसायिक पदार्पण केले . त्याने आतापर्यंत १६ प्रथम-श्रेणी, १५ लिस्ट ए आणि १० टी२० सामने खेळले आहेत. नझरने ४१ देशांतर्गत सामन्यांमध्ये १००५ धावा आणि ४७ विकेट्स घेतले आहेत. या बंदीमुळे, त्याला आता पुढील दोन वर्षे पाकिस्तानच्या देशांतर्गत आणि आंतरराष्ट्रीय क्रिकेटपासून दूर राहावे लागेल.
IND vs SL: युवा श्रीलंकेने काढली भारताची लाज; पहिल्याच दिवशी चोपल्या ३६३ धावा, टीम इंडिया फ्लॉप
