पाकिस्तानचे माजी पंतप्रधान इम्रान खान (Imran Khan) यांच्या रॅलीमध्ये गोळीबार झाल्याची धक्कादायक घटना गुरुवारी घडली. गुजरानवालायेथील रॅलीत झालेल्या गोळीबारात इम्रान खान यांच्या पायाला जखम झाली असून या घटनेनंतर संपूर्ण पाकिस्तान हादरून केलं आहे. माजी पंतप्रधान आणि क्रिकेटर असलेल्या इम्रान खानवर जीवघेणा हल्ला झाल्यानंतर पाकिस्तानच्या आजी-माजी क्रिकेटर्सनी या प्रकरणावर चिंता व्यक्त केली आहे.
पाकिस्तानचा कर्णधार बाबर आझमने, माजी क्रिकेटर आणि वेगवान गोलंदाज शोएब अख्तरने आणि वसिम अक्रमनेही या घटनेवर प्रतिक्रिया दिली आहे. हल्ल्य़ाचा निषेध करत सध्या संघाचा कर्णधार असणाऱ्या बाबरने ट्वीट करत लिहिलं आहे की, “मी या भ्याड हल्ल्याचा तीव्र शब्दात निषेध करतो. अल्लाह आमच्या कॅप्टनला सुरक्षित ठेवो आणि आमच्या लाडक्या पाकिस्तानचे रक्षण करो”.
Strongly condemn this heinous attack on @ImranKhanPTI. May Allah keep Kaptaan safe and protect our beloved Pakistan, Ameen. — Babar Azam (@babarazam258) November 3, 2022
माजी क्रिकेटर शोएब अख्तरनेही यावर आपली प्रतिक्रिया देत एक व्हिडीओ पोस्ट केला आहे. शोएब म्हणतो, ”मी टीव्हीवर पाहतोय की इम्रान भाई यांच्यावर गोळीबार झाल्याची अत्यंत अस्वस्थ करणारी बातमी येत आहे. पायात गोळी लागली असेल तर काळजी करण्यासारखे काही नाही, पण अल्लाह त्यांचे रक्षण करो. अशा गोष्टी थांबल्या पाहिजेत. अल्लाह पाकिस्तानचे रक्षण करो आणि आपण फार टोकावर पोहोचलो आहोत. आता हे सगळं थांबून काहीतरी ठाम निर्णय घेतला पाहिजे.
Heard about the attack on @ImranKhanPTI . Alhamdolillah he is fine and in good spirits. This clip of him is from after the attack. I strongly condemn the attack. pic.twitter.com/VeFxFIYf8p — Shoaib Akhtar (@shoaib100mph) November 3, 2022
माजी क्रिकेटर वसिम अक्रमनेही ट्वीट केलं आहे. त्याने ट्वीटमध्ये लिहिलं आहे की, ”वजिराबादमधील घडामोडींनी मी व्यथित झालो आहे. इम्रान भाई आणि तिथे उपस्थित लोकांसोबत आमची प्रार्थना आहे. आपण एक देश म्हणून एकत्र आले पाहिजे आणि आपली राष्ट्रीय एकात्मता कोणालाही तोडू देऊ नये”.
Deeply disturbed about the events unfolding in Wazirabad . Our prayers with Imran BHAI and everyone there. We as a country must come together and not allow anyone to distort our national unity. — Wasim Akram (@wasimakramlive) November 3, 2022
.png "Videos"){kind=small}
