फोटो सौजन्य - Chennai Super Kings
एम.एस. धोनी व्हायरल व्हिडिओ : आयपीएल २०२६ सुरू होण्यासाठी एका आठवड्यापेक्षा कमी कालावधी उरला आहे. खेळाडू या नव्या हंगामाची जोरदार तयारी करत आहे. भारताचा स्टार कर्णधार आणि खेळाडू आणखी एकदा त्याच्या चाहत्यांसाठी पुन्हा मैदानात उतरणार आहे. आगामी सिझनसाठी तो सघ सीएसकेच्या कॅम्पमध्ये सराव करत आहे. गेल्या वर्षी चेन्नई सुपर किंग्सची कामगिरी विशेष प्रभावी नव्हती. म्हणूनच त्यांनी आयपीएल २०२६ च्या लिलावात मोठी रक्कम खर्च केली. त्यांनी उत्तर प्रदेशातील अमेठीचा अष्टपैलू खेळाडू प्रशांत वीरला १४.२ कोटी रुपयांना संघात सामील करून घेतले.
प्रशांतकडे आयपीएलचा अनुभव नाही आणि त्याने देशांतर्गत क्रिकेटमध्ये जास्त सामने खेळलेले नाहीत. असे असूनही, सीएसकेने त्याची निवड केली. आता तर एम.एस. धोनीलाही यामागील कारण समजले आहे. नेटमध्ये प्रशांत वीरची फलंदाजी पाहून तो थक्क झाला आणि त्याचे कौतुक केल्याशिवाय राहू शकला नाही. एम.एस. धोनी जास्त बोलत नाही आणि जाहीरपणे आपल्या खेळाडूंचे कौतुकही करत नाही. त्यामुळे, जेव्हा धोनी कोणाचे कौतुक करतो, तेव्हा सर्वांना आश्चर्य वाटते.
Prasanth : 🏏💥
MSD : 🗣️ SHOTTT! The reaction from behind the stumps!#WhistlePodu #Yellove pic.twitter.com/hCKuCp9TaM — Chennai Super Kings (@ChennaiIPL) March 21, 2026
सीएसकेचे सर्व खेळाडू आयपीएल २०२६ च्या तयारीत आहेत. १४ कोटी रुपयांना विकत घेतलेला प्रशांत वीरही नेट प्रॅक्टिसमध्ये मोठे फटके मारताना दिसला. एम.एस. धोनी बाहेर उभे राहून वीरची फलंदाजी पाहत होते. प्रशांत वीरचे फटके पाहून एम.एस. धोनीला त्याचे कौतुक केल्याशिवाय राहवले नाही आणि तो लगेच उद्गारला, “शॉट!” प्रशांतने विविध प्रकारचे फटके मारण्याचा प्रयत्न केला आणि धोनी त्या सर्वांनी प्रभावित झालेला दिसला. धोनीच्या या कौतुकाने प्रशांत वीरसारख्या तरुण खेळाडूला नक्कीच खूप आत्मविश्वास मिळाला असेल.
आकाश चोप्राने साधला SRH वर निशाणा! म्हणाला – जर हा संघ आयपीएल 2026 मध्ये 250 धावा करु शकेल तर…
आयपीएल २०२६ २८ मार्च रोजी सुरू होणार आहे. या मोठ्या स्पर्धेतील चेन्नई सुपर किंग्सचा पहिला सामना ३० मार्च रोजी राजस्थान रॉयल्सविरुद्ध होईल. हे दोन्ही संघ गुवाहाटी येथील बरसापारा क्रिकेट स्टेडियमवर आमनेसामने येतील. चेन्नई सुपर किंग्सचा संघ गेल्या वर्षीच्या तुलनेत अधिक संतुलित आणि मजबूत दिसत आहे. त्यामुळे, सीएसकेचे चाहते एका चांगल्या हंगामाची अपेक्षा करू शकतात.
