Ashes series 2025: पर्थवर Travis Head च्या वादळात ‘साहेब’ उद्ध्वस्त! ऑस्ट्रेलियाकडून इंग्लंडचा 8 विकेट्सने धुव्वा  

ऑस्ट्रेलिया आणि इंग्लंड यांच्यात अ‍ॅशेस मालिका खेळवली जात असून  या मालिकेतील पर्थमधील ऑप्टस स्टेडियमवर खेळवण्यात आलेल्या पहिल्या सामन्यात ऑस्ट्रेलियाने इंग्लंडचा ८ विकेट्सने पराभव केला.

• ऑस्ट्रेलिया आणि इंग्लंड यांच्यात अ‍ॅशेस मालिका सुरू 
• अ‍ॅशेस मालिकेतील पहिल्या सामन्यात ऑस्ट्रेलियाचा ८ विकेट्सने विजय 
•  ट्रॅव्हिस हेडचे विक्रमी शतक 

England defeated by Australia by 8 wickets : ऑस्ट्रेलिया आणि इंग्लंड यांच्यात अ‍ॅशेस मालिका खेळवली जात आहे.   या मालिकेतील पहिला सामाना पर्थमधील ऑप्टस स्टेडियमवर खेळवण्यात आला. या सामन्यात ट्रॅव्हिस हेडच्या शतकाने ऑस्ट्रेलियाने इंग्लंडवर 8 विकेट्सने विजय मिळवला. इंग्लंडने ऑस्ट्रेलियासमोर विजयासाठी २०४ धावांचे लक्ष्य ठेवले होते. मिचेल स्टार्कचे १० विकेट्स आणि ट्रॅव्हिस हेडचं विक्रमी शतक व लबुशेनचं अर्धशतकाच्या जोरवार इंग्लंडवर सहज विजय मिळवला.  या विजयासह ऑस्ट्रेलियाने पाच सामन्यांच्या कसोटी मालिकेत १-० अशी आघाडी मिळवली.

हेही वाचा : 2025 च्या अ‍ॅशेस मालिकेतील पहिल्याच षटकात आणखी एक धमाका, मिचेल स्टार्कच्या वेगाने इंग्लंडचे फलंदाज कोसळले

पर्थच्या मैदानावर खेळवण्यात आलेल्या पहिल्या कसोटी सामन्यात ऑस्ट्रेलियाने दमदार कामगिरी करत सामना आपल्या खिशात टाकला. . इंग्लंडने नाणेफेक जिंकून प्रथम फलंदाजी करत सर्वबाद १७२ धावा केल्या होत्या. पहिल्या डावात मिचेल स्टार्कने ७ विकेट्स घेतल्या होत्या. प्रतिउत्तरात ऑस्ट्रेलिया संघाला केवळ १३२ धावाच करता आल्या होत्या. परिणामी इंग्लंडने ४० धावांची आघाडी घेतली होती. दुसऱ्या डावात इंग्लंड संघाला पुन्हा एकदा ऑस्ट्रेलिया संघाच्या गोलंदाजांसमोर टिकाव धरता आला नाही. इंग्लंड संघ १६४ धावांतच गारद झाला. इंग्लंडकडून गस अ‍ॅटकिन्सनने सर्वाधिक ३७ धावा केल्या. तर ऑस्ट्रेलियाकडून बोलंडने सर्वाधिक ४ विकेट्स घेतल्या. इंग्लंडने ऑस्ट्रेलियासमोर २०४ धावांचे लक्ष्य ठेवले.

ट्रॅव्हिस हेड-लबुशेनने जोडीच्या भागीदारीने विजय निश्चित

इंग्लंडने दिलेल्या २०४ धावांच्या लक्ष्याचा पाठलाग करायला उतरेलेल्या ऑस्ट्रेलियासांगहची सुरुवात छान  झाली. ट्रॅव्हिस हेडने वेदरलेडसह पहिल्या विकेटसाठी ७५ धावांची भागीदारी रचली. वेदरलेड २३ धावांवर माघारी परतला. त्यानंतर मैदानात लबुशेनने आला. या दोघांनी  दुसऱ्या विकेटसाठी ९२ चेंडूत ११७ धावांची विक्रमी भागीदारी रचली आणि विजयाकडे वाटचाल अधिक सुकर केली.  हेडने आक्रमक  फलंदाजी करत खळबळ उडवून दिली. हेडने अवघ्या ६९ चेंडूत शतक झळकावले. अ‍ॅशेस मालिकेतील हे दुसरं सर्वात जलद शतक ठरले आहे. याशिवाय हेडने ८३ चेंडूत १६ चौकार व ४ षटकारांसह १२३ धावांची खेळी केली आणि तो कार्सचा शिकार ठरला. तोपर्यंत ऑस्ट्रेलिया जिंकणार ही स्पष्ट झाले होते. लबुशेनने ४९ चेंडूत ६ चौकार व एका षटकारासह नाबाद ५१ धावांची अर्धशतकी खेळी केली. ऑस्ट्रेलियाने या मालिकेत १-० अशी आघाडी घेतली आहे.

हेही वाचा : Ashes 2025: मिचेल स्टार्कने लिहिला इतिहास! WTC मध्ये ‘हा’ कारनामा करत बनला जगातील तिसराच गोलंदाज