Asia Cup 2025 India: आशिया कपसाठी भारतीय टीमची लवकरच घोषणा, शुभमन, यशस्वी आणि साई सुदर्शनला संधी?

२०२५ च्या क्रिकेट आशिया कपसाठी यशस्वी जयस्वाल, शुभमन गिल आणि साई सुदर्शन यांना भारतीय संघात स्थान मिळू शकते. सिलेक्टर्सने सर्व पर्याय खुले ठेवले आहेत अशी माहिती आता समोर येत आहे, जाणून घ्या

• आशिया कप २०२५ साठी लवकरच संघ होणार जाहीर
• कोणाला मिळणार संधी
• शुभमन, साई आणि यशस्वीच्या नावांची चर्चा

BCCI ऑगस्टच्या तिसऱ्या आठवड्यात क्रिकेट आशिया कप २०२५ साठी संघ जाहीर करू शकते. यशस्वी जयस्वाल, शुभमन गिल आणि साई सुदर्शन यांना संघात स्थान मिळू शकते. जयस्वाल आणि गिल व्यस्त वेळापत्रकामुळे गेल्या काही टी-२० सामन्यांमध्ये खेळले नव्हते, परंतु आता इंग्लंडमधील ५ कसोटी सामन्यांनंतर त्यांच्याकडे १ महिन्याचा वेळ आहे. साई सुदर्शनची IPL कामगिरी उत्कृष्ट होती, त्याने स्पर्धेत सर्वाधिक धावा करून ऑरेंज कॅप जिंकली होती. तसंच इंग्लंडच्या टेस्ट सिरीजमध्येही त्याने चांगली कामगिरी केल्याने त्याला संधी मिळू शकते. 

भारतीय क्रिकेट संघाचा आशिया कपच्या ग्रुप ए मध्ये समावेश आहे, या ग्रुपमध्ये पाकिस्तान, ओमान आणि UAE आहेत. भारताचा पहिला सामना १० सप्टेंबर रोजी UAE बरोबर असेल. भारत विरुद्ध पाकिस्तान सामना १४ सप्टेंबर रोजी दुबई येथे आहे. स्पर्धेसाठी ऑगस्टच्या तिसऱ्या आठवड्यात भारतीय संघाची घोषणा केली जाऊ शकते.

आशिया कप २०२५ संघासाठी सर्व पर्यायांचा विचार 

एका सूत्राने नाव न सांगण्याच्या अटीवर हिंदी संकेतस्थळाला दिलेल्या माहितीत असे सांगितले की, “सध्या ५ आठवड्यांचा ब्रेक आहे. क्रिकेटच्या कमतरतेमुळे, अभिषेक शर्मा आणि संजू सॅमसन यांच्या चमकदार कामगिरीनंतरही, तिघांनाही टी२० संघात स्थान मिळायला हवे. जर संघ आशिया कपच्या अंतिम फेरीत पोहोचला तर ६ टी२० सामने होतील आणि जे जास्त ओझे ठरणार नाहीत. परंतु आशिया कपसाठी १७ खेळाडू निवडण्याची परवानगी मिळाल्यानंतर, सिलेक्टर्स नक्कीच सर्व पर्यायांचा विचार करतील.”

IND Vs ENG Test Series: ‘या’ ५ कारणांमुळे भारताने इंग्लंडविरुद्ध खेचून आणला दणदणीत विजय

टॉप ऑर्डर खेळाडू 

यशस्वी जयस्वाल, शुभमन गिल आणि साई सुदर्शन हे आशिया कपमध्ये टॉप ऑर्डरमध्ये महत्त्वाचे खेळाडू असू शकतात. तथापि, जसप्रीत बुमराह आणि मोहम्मद सिराजची उपलब्धता हा एक मोठा मुद्दा आहे. संघ निवडीपूर्वी या दोघांनाही फिटनेस मूल्यांकन करावे लागेल अशी अपेक्षा आहे.

साई सुदर्शनचा आयपीएल २०२५ चा हंगाम उत्तम होता, त्याने १५ सामन्यांमध्ये १५६.१७ च्या स्ट्राइक रेटने ७५९ धावा केल्या. यामध्ये एक शतक आणि ६ अर्धशतकीय खेळींचा समावेश होता. त्याच्या फटक्यांनी आणि तंत्राने दिग्गजांनाही प्रभावित केले.

आशिया कपमधील भारताचे वेळापत्रक

• १० सप्टेंबर: भारत विरुद्ध युएई- दुबई (सायंकाळी ७:३० नंतर)
• १४ सप्टेंबर: भारत विरुद्ध पाकिस्तान- दुबई (सायंकाळी ७:३० नंतर)
• १९ सप्टेंबर: भारत विरुद्ध ओमान- अबू धाबी (सायंकाळी ७:३० नंतर)

ग्रुप स्टेजनंतर, दोन्ही गटातील टॉप २ संघ सुपर ४ मध्ये खेळतील. यामध्येही भारत आणि पाकिस्तान यांच्यात सामना होऊ शकतो. सुपर ४ मधील टॉप २ संघ २८ सप्टेंबर रोजी अंतिम सामना खेळतील. आशिया कपचा अंतिम सामना दुबई आंतरराष्ट्रीय क्रिकेट स्टेडियमवर होईल.

IND vs ENG : ओव्हलमध्ये डीएसपी सिराजचा बोलबाला! ४१ वर्षांनंतर केला ‘हा’ भीम पराक्रम; असे करणार ठरला पहिलाच भारतीय गोलंदाज