Nepal beat Afghanistan in asian games
अफगाणिस्तान आणि नेपाळ यांच्यात झालेल्या आशियाई क्रीडा स्पर्धेतील सामन्यात नेपाळने आश्चर्यकारक कामगिरी केली. अफगाण संघ प्रथम फलंदाजीसाठी मैदानात उतरला, परंतु संघातील एकही फलंदाज मोठी खेळी करू शकला नाही. संपूर्ण संघ निर्धारित २० षटकांत सात विकेट्स गमावून केवळ १०२ धावाच करू शकला. फैसल शिनोझादा ३३ चेंडूंमध्ये ३० धावा करून बाद झाला आणि जादरान ४० चेंडूंमध्ये ३० धावा करून बाद झाला. नेपाळकडून, कुशल भुरतेलने चार षटकांत २१ धावा देऊन चार विकेट्स घेत अफगाणिस्तानचे कंबरडे मोडले. ललित राजवंशीने चार षटकांत १३ धावा देऊन तीन विकेट्स घेतले. नेपाळला विजयासाठी केवळ १०३ धावांची गरज होती.
१०३ धावांचे लक्ष्य गाठताना नेपाळची सुरुवातही खराब झाली. कुशल भुरटेल खाते न उघडताच बाद झाला. आसिफ शेख केवळ दोन धावाच करू शकला. कुशल मल्लाही नऊ धावा करून पॅव्हेलियनमध्ये परतला. यानंतर संदीप जोरा आणि रोहित पौडेल यांनी चौथ्या विकेटसाठी २५ धावा जोडल्या. जोरा ३५ चेंडूंमध्ये ३४ धावा करून बाद झाला. त्यानंतर पौडेलने दीपेंद्र सिंग ऐरीसोबत ४६ धावांची भागीदारी केली. ऐरी देखील १५ धावा करून बाद झाला. यानंतर पौडेलने गुलशन झासोबत मिळून नेपाळला विजय मिळवून दिला. पौडेल चार चौकारांच्या मदतीने ३२ चेंडूंमध्ये ३३ धावा करून नाबाद राहिला. अफगाणिस्तानकडून फरिदून दावुदझाई, अहमदझाई आणि गुल मोमंद यांनी प्रत्येकी एक विकेट घेतला. नेपाळ संघाने १७.२ षटकांत पाच विकेट्स राखून लक्ष्य गाठले.
अफगाणिस्तानने आपला पहिला सामना जिंकून आधीच दोन गुण मिळवले होते आणि या विजयानंतर नेपाळलाही आता दोन गुण मिळाले आहेत. परंतु, चांगल्या रनरेटमुळे अफगाणिस्तान पहिल्या स्थानावर आहे. यानंतर, या गटात नेपाळ आणि जपान यांच्यात सामना खेळला जाईल. जपानचे सध्या शून्य गुण आहेत. त्यामुळे, कोणता संघ उपांत्यपूर्व फेरीत प्रवेश करेल हे पाहणे महत्वाचे ठरेल. या गटातील तीन संघांपैकी दोन संघ उपांत्यपूर्व फेरीत प्रवेश करतील, तर दुसऱ्या क्रमांकावरील संघाचा सामना भारताशी होईल.
.png "Videos"){kind=small}
