मलाही गोळी घाला… माजी पाकिस्तानी क्रिकेटपटूने मनापासून केली प्रार्थना, पहलगाम हल्ल्यावर खेळाडूचीने प्रतिक्रिया

पहलगाम हल्ल्यावर माजी पाकिस्तानी क्रिकेटपटू बासित अली यांनी प्रतिक्रिया दिली आहे. त्यांनी शोकग्रस्त कुटुंबांना श्रद्धांजली वाहिली. हल्लेखोरांना जनतेसमोर गोळ्या घालून ठार मारले पाहिजे, असेही त्यांनी म्हटले.

Basit Ali YouTube video : क्रिकेट किंवा भारतामध्येच नाही तर संपूर्ण जगामध्ये पहलगाम हल्ल्यात जीव गमावलेल्या लोकांबद्दल शोक व्यक्त केला जात आहे. जम्मू आणि काश्मीरमधील पहलगाम येथे झालेल्या दहशतवादी हल्ल्याने संपूर्ण देश हादरला आहे. मंगळवारी (२२ एप्रिल) दहशतवाद्यांनी २६ जणांची हत्या केली. पहलगाममध्ये पाकिस्तानी दहशतवाद्यांनी पर्यटकांवर गोळीबार केला होता. पहलगाम हल्ल्यावर माजी पाकिस्तानी क्रिकेटपटू बासित अली यांनी प्रतिक्रिया दिली आहे. त्यांनी शोकग्रस्त कुटुंबांना श्रद्धांजली वाहिली. हल्लेखोरांना जनतेसमोर गोळ्या घालून ठार मारले पाहिजे, असेही त्यांनी म्हटले.

बासित यांनी त्यांच्या यूट्यूब चॅनलवर म्हटले आहे की, “पहलगाम हल्ल्यात २६ जणांचे प्राण गेले. मी त्यांना शहीद म्हणेन, हा एक मोठा अन्याय आहे. मी ज्या गोष्टी ऐकल्या आहेत त्या अक्षम्य आहेत. ते कोणीही असोत. कोणालाही कोणाचाही जीव घेण्याचा अधिकार नाही. माझा धर्म हेच सांगतो. जो कोणाचाही जीव घेतो तो मुस्लिम असू शकत नाही. माझा मोठा भाऊ तिथे असला तरी मी त्याला गोळ्या घालेन. पहलगाममधील बातमी खूप दुःखद आहे. शोकाकुल कुटुंबांना श्रद्धांजली.”

जसप्रीत बुमराह विकेट घेताच नवीन रेकॉर्ड करणार नावावर, मुंबईच्या जर्सीमध्ये मलिंगाचा विक्रम मोडणार

माजी क्रिकेटपटू म्हणाला, “ज्याने हे कृत्य केले आहे त्याला माफ केले जाऊ नये.” ते कोणीही असो. जर मीही तिथे असतो तर मला फाशी दिली पाहिजे. मला गोळी मारली पाहिजे. निष्पाप लोक मारले गेले आहेत. सुट्टीसाठी गेलेले गरीब लोक मारले गेले. ज्यांनी हल्ला केला आहे, त्यांच्या कुटुंबियांवरही असेच घडावे अशी मी अल्लाहला प्रार्थना करतो. मी प्रत्येक प्रार्थनेत हे करेन. तो कोणीही असो, त्याला सोडता कामा नये. मी स्वतःचे सर्वात मोठे उदाहरण दिले आहे. मी तिथे असलो तरी मला सोडता कामा नये.”

See more

You are an exceptional Pakistani.I really don’t know how many such bold,rational,compassionate & humane Pakistanis live in Pakistan.I am an agnostic person.I am worried about you & I pray for your safety. Indians:
Watch the video presented by Basit Ali.https://t.co/KXKYOiit8J — APURBA ROY CHOWDHURY (@APURBAROYCHOWDH) April 24, 2025

ते पुढे म्हणाले, “हल्ल्यात जो कोणी सहभागी असेल त्याला लवकरात लवकर पकडले पाहिजे. गुन्हा दाखल करू नये, त्यांना जनतेसमोर गोळ्या घालून ठार मारले पाहिजे. अल्लाह पीडित कुटुंबांना धीर देवो. ज्याने हल्ला केला आहे त्याला अशी शिक्षा द्यावी की त्यांना ते आठवेल. माझ्या धर्मात कोणालाही मारण्याची परवानगी नाही. पवित्र कुराणात कोणालाही मारण्याचे लिहिलेले नाही. मी माझ्या मनापासून प्रार्थना करतो की ज्याने हे केले आहे त्यालाही असेच नशिब मिळावे.”