बॅन बॅन बॅन...! पुन्हा 'ही' चूक केल्यास Shreyas Iyer ला महागात पडणार; IPL मोठी कारवाई करणार
पंजाब किंग्जचा कर्णधार आहे श्रेयस अय्यर
श्रेयसवर एका सामन्याची बंदी येण्याची शक्यता
पंजाबने चेन्नईला होम ग्राऊंडमध्ये हरवले
Tata IPL 2026 Live Updates: काल आयपीएलच्या सीझनमध्ये पंजाब किंग्ज विरुद्ध चेन्नई सुपर किंग्जमध्ये सामना झाला. हा सामना एम.ए. चिदंबरम स्टेडियमवर झाला. यामध्ये पंजाब किंग्जने चेन्नई सुपर किंग्जला होम ग्राऊंडमध्ये पराभूत केले. मात्र आता पंजाब किंग्जच्या अडचणी वाढण्याची शक्यता आहे. स्लो ओव्हर रेटमुळे सलग दुसऱ्या सामन्यात श्रेयस अय्यरला दंड ठोठावण्यात आला आहे. यासह टीममधील 11 खेळाडूंवर देखील दंड आकारण्यात आला आहे.
जर पंजाब किंग्जच्या संघाने पुढील सामन्यात देखील स्लो ओव्हर रेट ठेवला तर कर्णधार श्रेयस अय्यरवर एका सामन्यात खेळण्यासाठी बंदी घातली जाऊ शकते. कर्णधार श्रेयस अय्यरवर दंड आकारण्यात आला आहे कारण त्याने चेन्नईविरुद्धच्या सामन्यात स्लो ओव्हर रेट नुसार गोलंदाजी केली असल्याची माहिती आयपीएलकडून देण्यात आली आहे.
पंजाब किंग्जने सलग दुसऱ्या सामन्यात स्लो ओव्हर रेटनुसार गोलंदाजी केली. हे आयपीएलच्या नियमांचे उल्लंघन असल्याचे समोर आले आहे. या नियमानुसार अय्यरवर 24 लाखांचा दंड ठोठावण्यात आला आहे. तर संपूर्ण 11 खेळाडूंवर देखील 6 लाख किंवा सामन्याच्या फी नुसार 25 टक्के दंड आकारला जाणार आहे.
आता पुढील कोणत्याही सामन्यात पंजाब किंग्जला स्लो ओव्हर रेट नुसार गोलंदाजी करून चालणार नाही. तसे केल्यास श्रेयस अय्यरवर एक सामना खेळण्यासाठी बंदी घातली जाऊ शकते. त्यामुळे संघाच्या चिंता वाढली आहे. तसे झाल्यास श्रेयस अय्यरवर 30 लाखांचा दंड आकारला जाईल. काल पंजाब किंग्जने चेन्नई सुपर किंग्जला पराभूत केले. यामध्ये श्रेयस अय्यरने अर्धशतकी खेळी केली.
.png "Videos"){kind=small}
