चेन्नई सुपर किंग्स विरुद्ध गुजरात टायटन्स : आज चेन्नई सुपर किंग्स (Chennai Super Kings) विरुद्ध गुजरात टायटन्स (Gujarat Titans) यांच्यामध्ये लढत पाहायला मिळणार आहे. आजचा हा सामना चेन्नई सुपर किंग्ससाठी महत्वाचा असणार आहे. चेन्नईचा संघ आयपीएल 2024 च्या या नव्या हंगामामध्ये नव्या कर्णधारासह मैदानात खेळत आहेत. भारताचा माजी कर्णधार महेंद्रसिंह धोनीने त्याचे कर्णधार पद ऋतुराज गायकवाडकडे सोपवले आहे. गुणतालिकेची स्थिती पाहता चेन्नई सुपर किंग्स 12 गुणांसह चौथ्या स्थानावर आहे. गुजरात टायटन्सचा संघ प्लेऑफच्या शर्यतीतून बाहेर आहे. आजचा सामना झाल्यास चेन्नई सुपर किंग्सचे दोन सामने शिल्लक असतील. आजच्या सामन्यात चेन्नई सुपर किंग्सला विजय मिळवणे अनिवार्य आहे, परंतु पण त्याआधी अहमदाबादच्या खेळपट्टीचा अहवाल, हवामान अहवाल आणि हेड टू हेड जाणून घ्या.
जाणून घ्या अहमदाबादचे हवामान आणि खेळपट्टी अहवाल
अहमदाबादमधील नरेंद्र मोदी स्टेडियमची खेळपट्टी संतुलित आहे, जी वेगवान गोलंदाज आणि फिरकीपटू दोघांसाठी उपयुक्त आहे. यातून रोमांचक स्पर्धेची अपेक्षा केली जाऊ शकते. साधारणपणे दुसऱ्या डावात फलंदाजीसाठी परिस्थिती अधिक अनुकूल बनते. कारण चेंडू फलंदाजांना आधार देतो. त्यामुळे, नाणेफेक जिंकणारा संघ प्रथम गोलंदाजी निवडू शकतो, जेणेकरून लक्ष्याचा पाठलाग करताना त्याचा फायदा नंतर घेता येतो. संध्याकाळपर्यंत, अहमदाबादचे तापमान सुमारे 33°C असण्याची अपेक्षा आहे, तर वास्तविक तापमान 34°C असू शकते. आर्द्रता पातळी सुमारे 41% राहण्याची शक्यता आहे आणि पावसाची शक्यता नाही.
जाणून घ्या हेड टू हेड आकडेवारी
गुजरात टायटन्स आणि चेन्नई सुपर किंग्ज हे आयपीएल 2024 च्या स्पर्धेत आतापर्यंत एकूण 6 वेळा आमनेसामने आले आहेत. गुजरातने 3 सामने जिंकले असून चेन्नईनेही 3 सामने जिंकले असल्याने दोन्ही संघ समान स्थितीत असल्याचे आकडेवारीवरून दिसून येते. मात्र, आज कोणता संघ चांगली कामगिरी करतो हे पाहणे उत्सुकतेचे ठरणार आहे.
.png "Videos"){kind=small}
