मनाची नाती कधी तुटत नाहीत! Suresh Raina 2027 मध्ये CSK मध्ये येणार? ‘या’ विधानाने चर्चेला उधाण

Suresh Raina: सुरेश रैना हा भारताचा माजी फलंदाज आणि सीएसकेचा माजी खेळाडू आहे. आयपीएलच्या इतिहासातील तो एक सर्वोत्कृष्ट फलंदाज आहे. आता मात्र तो एका नव्या भूमिकेत आयपीएलमध्ये काम करण्यास उत्सुक आहे.

• आयपीएल 2027 च्या आधी सीएसकेमध्ये मोठ्या हालचाली 
• सुरेश रैना पुन्हा सीएसकेसोबत जोडला जाण्याची शक्यता 
• 2008 ते 2021 पर्यंत रैना सीएसकेचा होता खेळाडू 

Suresh Raina: आयपीएल 2027 ची तयारी सर्व संघांनी आतापासूनच सुरू केली आहे. चेन्नई सुपर किंग्जच्या संघात देखील मोठ्या घडामोडी घडतंय दिसून येत आहे. चेन्नईचा स्टार आणि भारताचा माजी कर्णधार महेंद्रसिंह धोनी 2027 मध्ये खेळणार की नाही अशी चर्चा सुरू असतानाच  सुरेश रैना देखील सीएसकेमध्ये परतणार की काय अशी चर्चा सुरू झाली आहे. त्याबाबत अधिक सविस्तर माहिती जाणून घेऊयात.

चेन्नई सुपर किंग्सचा दिग्गज खेळाडू आणि भारताचा माजी स्फोटक फलंदाज सुरेश रैना चेन्नईसोबत जोडला जाण्यासाठी उत्सुक असल्याचे म्हटले जात आहे. सुरेश रैनाने नुकतीच सीएसकेच्या कोचिंग स्टाफसोबत जोडली जाण्याची इच्छा व्यक्त केली आहे. तसेच त्याने थेट फ्रँचायझीसमोर कोचिंग सेटअपमध्ये स्थान देण्याची मागणीही केली असल्याचे म्हटले जात आहे. त्यामुळे रैना पुन्हा सीएसकेच्या जर्सीत दिसणार का हे पहावे लागणार आहे.

सुरेश रैना सीएसकेचा आणि भारताचा माजी खेळाडू आर. अश्विनसोबत यूट्यूब चॅनलवर संवाद साधला. ‘मी फ्रँचायझीसमोर माझी इच्छा सांगितली आहे. आता अंतिम निर्णय त्यांना घ्यायचा आहे. माझ्यासाठी सर्वात महत्त्वाची गोष्ट म्हणजे चेन्नई सुपर किंग्सशी जोडलेले राहणे आणि संघाला पुन्हा एकदा आयपीएल ट्रॉफी जिंकण्यास मदत करणे हीच असणार आहे,’ असे रैना म्हणाला.

IPL 2027: इम्पॅक्ट प्लेयर नियम गोलंदाजांसाठी काळ? Suresh Raina म्हणाला, ‘हे केवळ…’

सुरेश रैना हा भारताचा माजी फलंदाज आणि सीएसकेचा माजी खेळाडू आहे. आयपीएलच्या इतिहासातील तो एक सर्वोत्कृष्ट फलंदाज आहे. आता मात्र तो एका नव्या भूमिकेत आयपीएलमध्ये काम करण्यास उत्सुक आहे. इंटरनॅशनल क्रिकेट मधून निवृत्ती घेतल्यावर क्रिकेट तज्ज्ञ व समालोचक म्हणून आपली छाप पाडणारा रैना आता मैदानावर थेट सीएसकेसाठी रणनीतीकार म्हणून काम करण्यास उत्सुक असल्याचे दिसून येत आहे.

‘करामती’ Rashid Khan चा धमाका! Suresh Raina चा ‘हा’ रेकॉर्ड उद्ध्वस्त, आयपीएलमध्ये रचला नवा इतिहास

सुरेश रैनाला आयपीएलच्या वर्तुळात ‘मिस्टर आयपीएल  या नावाने ओळखले जाते.  आयपीएलच्या प्रत्येक हंगामात ५०० पेक्षा जास्त रन्स करण्याचा रेकॉर्ड त्याच्या नावावर आहे. विशेषतः चेन्नई सुपर किंग्स  कडून खेळताना त्याने अनेक सामन्यांमध्ये एकहाती विजय मिळवून दिले आहेत. त्यामुळे येत्या काळात सीएसकेकडून सुरेश रैना प्रशिक्षक किंवा कोचिंग स्टाफचा भाग म्हणून खेळताना दिसण्याची शक्यता आहे.