फोटो सौजन्य - सोशल मिडिया
देशभरामधील अनेक खेळाडूंवर मैदानावर होणाऱ्या वादासाठी त्यांना आयसीसी त्यांना शिक्षा देते. सामन्यामध्ये होणाऱ्या वादामध्ये त्यांना त्याची मॅच फी कमी केली जाते तर कधी सामन्यावर बंदी लावली जाते. आता क्रिकेट संदर्भात धक्कादायक बातमी समोर आली आहे. जर्सी बेटावर दरोडा टाकल्याप्रकरणी दोषी आढळल्यानंतर पापुआ न्यू गिनीच्या एका आंतरराष्ट्रीय क्रिकेटपटूला तीन वर्षांच्या तुरुंगवासाची शिक्षा सुनावण्यात आली आहे.
आयटीव्हीच्या वृत्तानुसार, या वर्षाच्या सुरुवातीला आयसीसी क्रिकेट वर्ल्ड कप चॅलेंज लीगमध्ये आपल्या देशाचे प्रतिनिधित्व करण्यासाठी जर्सी येथे असलेल्या पापुआ न्यू गिनी येथील ३० वर्षीय यष्टीरक्षक किप्लिन डोरिगा याने दौऱ्यादरम्यान एका महिलेवर हल्ला केला. एवढेच नाही तर मोबाईल फोन चोरला. किप्लिन डोरिगा गेल्या तीन महिन्यांपासून पोलिस कोठडीत आहे आणि आता त्याला शिक्षा सुनावण्यात आली आहे. किप्लिन डोरिगा यांनी पीएनजीसाठी ३९ एकदिवसीय आणि ४३ टी-२० सामने खेळले आहेत.
सोमवार, २५ ऑगस्ट रोजी पहाटे २:३० वाजण्याच्या सुमारास सेंट हेलियरमधील हिलेरी स्ट्रीटवर ही घटना घडली, जेव्हा डोरिगा त्याच्या हॉटेलमध्ये परतत होता. पोलिसांनी सांगितले की डोरिगाने त्या महिलेला पाहिले, तिला जमिनीवर मारहाण केली आणि नंतर तिचा फोन हिसकावून घेतला. महिलेच्या दुखापतींची अद्याप नोंद झालेली नाही. त्याच दिवशी नंतर अधिकाऱ्यांनी डोरिगाला अटक केली आणि चौकशी केली.
दुसऱ्या दिवशी त्याच्यावर अधिकृतपणे दरोड्याच्या आरोपाखाली आरोप ठेवण्यात आला आणि त्यानंतर तो जर्सी मॅजिस्ट्रेट कोर्टासमोर हजर झाला, जिथे त्याने बुधवार, २७ ऑगस्ट रोजी आपला गुन्हा कबूल केला. शुक्रवारी, २८ नोव्हेंबर रोजी, जर्सीच्या रॉयल कोर्टाने त्याला तीन वर्षांच्या तुरुंगवासाची शिक्षा सुनावली.
जर्सी पोलिसांच्या गुन्हे अन्वेषण विभागाचे डिटेक्टिव्ह सार्जंट जिम मॅकग्रानाहन यांनी जलद तपासाचे कौतुक केले आणि म्हटले की, “ही एका अज्ञात संशयिताची जलद चौकशी होती जो काही दिवसांसाठीच बेटावर आला होता. रात्रीच्या वेळी एका अनोळखी व्यक्तीने एका एका महिलेवर केलेला हल्ला या आरोपाच्या स्वरूपामुळे, पोलिसांनी अनेक गुप्तहेर आणि इतर कर्मचारी तैनात केले ज्यांनी डोरिगाला त्वरित ओळखले, तिला अटक केली आणि चोरीचा माल जप्त केला.”
.png "Videos"){kind=small}
