सिझन नवा पण परंपरा जुनी! आणखी एकदा मुंबई इंडियन्सने पहिला सामना गमावला, CSK ने मिळवला ४ विकेट्सने विजय

चेन्नई सुपर किंग्सच्या संघाने पहिले सामन्यामध्ये मुंबईला ४ विकेट्सने पराभूत केले. यामध्ये सलामीवीर फलंदाज रचिन रवींद्र आणि कॅप्टन ऋतुराज गायकवाड याने कमालीचा खेळ दाखवला.

CSK vs MI IPL 2025 : इंडियन पॉसिबल लीग २०२५ चा महामुकाबला काल पार पडला. यामध्ये मुंबई इंडियन्स विरुद्ध चेन्नई सुपर किंग्स यांच्यामध्ये सामना रंगला होता. कालचा सामना हा चेन्नईच्या होम ग्राऊंडवर चेपॉक येथे झाला. दरवर्षीप्रमाणे यावर्षी देखील मुंबई इंडियन्सच्या संघाने पहिला सामना गमावला आहे. यामध्ये चेन्नई सुपर किंग्सच्या संघाने पहिले सामन्यामध्ये मुंबईला ४ विकेट्सने पराभूत केले. यामध्ये सलामीवीर फलंदाज रचिन रवींद्र आणि कॅप्टन ऋतुराज गायकवाड याने कमालीचा खेळ दाखवला. मुंबई इंडियन्स विरुद्ध चेन्नई सुपर किंग्स यांच्यामध्ये खेळाडूंची कामगिरी कशी होती यावर एकदा नजर टाका.

प्रथम फलंदाजी करताना मुंबई इंडियन्सने २० षटकांत ९ गडी गमावून १५५ धावा केल्या, प्रत्युत्तरात चेन्नई सुपर किंग्जने रचिन आणि ऋतुराज यांच्या अर्धशतकांच्या जोरावर ५ चेंडू शिल्लक असताना सामना जिंकला. आयपीएल २०१२ मध्ये, मुंबई इंडियन्सने त्यांच्या पहिल्या सामन्यात चेन्नई सुपर किंग्जचा ८ विकेट्सने पराभव केला, तेव्हापासून मुंबईला आयपीएलमध्ये त्यांचा पहिला सामना जिंकता आलेला नाही. रविवारी चेन्नई सुपर किंग्जने विजयाने सुरुवात केली.

SRH vs RR Dream 11 Team : अभिषेक की ट्रॅव्हिस हेड, तुम्ही कोणाला बनवणार कॅप्टन, तुमच्या ड्रीम टीममध्ये या खेळाडूंना करा सामील

१५६ धावांच्या लक्ष्याचा पाठलाग करताना, चेन्नई सुपर किंग्जची सुरुवात खराब झाली कारण त्यांनी दुसऱ्याच षटकात राहुल त्रिपाठी (२) गमावला. यानंतर, ऋतुराज गायकवाड आणि रचिन रवींद्र यांनी डावाची सूत्रे हाती घेतली. दोन्ही फलंदाजांनी दुसऱ्या विकेटसाठी ६७ धावांची भागीदारी केली. आठव्या षटकात ऋतुराज गायकवाडला बाद करून विघ्नेश पुतूरने ही भागीदारी मोडली.

गायकवाडने २६ चेंडूत सहा चौकार आणि तीन षटकारांसह ५३ धावा केल्या. शिवम दुबे (नऊ) आणि दीपक हुडा (तीन) नंतर बाद झाले. सॅम करन (४) ला विल जॅक्सने त्रिफळाचीत केले. रचिन रवींद्रने ४५ चेंडूत दोन चौकार आणि चार षटकारांच्या मदतीने नाबाद ६५ धावा केल्या. रवींद्र जडेजा (१७) सहाव्या विकेटसाठी धावबाद झाला .

२० व्या षटकाच्या पहिल्या चेंडूवर रचिन रवींद्रने षटकार मारून आपल्या संघाला विजय मिळवून दिला. चेन्नई सुपर किंग्जने १९.१ षटकांत सहा गडी गमावून १५८ धावा करून हा सामना चार गडी राखून जिंकला. मुंबई इंडियन्सकडून विघ्नेश पुतूरने तीन विकेट्स घेतल्या. दीपक चहर आणि विल झॉक्स यांनी प्रत्येकी एक विकेट घेतली.

See more

𝙁𝙞𝙣𝙞𝙨𝙝𝙞𝙣𝙜 𝙬𝙞𝙩𝙝 𝙖 𝘽𝘼𝙉𝙂 💪

Rachin Ravindra takes #CSK to a win over #MI with a brilliant maximum 💛

Scorecard ▶ https://t.co/QlMj4G7kV0#TATAIPL | #CSKvMI | @ChennaiIPL pic.twitter.com/rVjsGQOHyD

— IndianPremierLeague (@IPL) March 23, 2025

तत्पूर्वी, चेन्नई सुपर किंग्जचा कर्णधार ऋतुराज गायकवाडने नाणेफेक जिंकून प्रथम क्षेत्ररक्षण करण्याचा निर्णय घेतला. मुंबई इंडियन्सची फलंदाजी करताना सुरुवात चांगली झाली नाही कारण त्यांनी पहिल्याच षटकात रोहित शर्मा (०) गमावला . रायन रिकलटन (१३) हा पुढचा खेळाडू होता जो मैदानाबाहेर गेला. या दोन्ही फलंदाजांना खलील अहमदने बाद केले. पाचव्या षटकात आर. अश्विनने विल जॅक्स (११) ला बाद केले. यानंतर, कर्णधार सूर्यकुमार यादव आणि तिलक वर्मा यांनी डाव सांभाळण्याचा प्रयत्न केला.

चौथ्या विकेटसाठी दोन्ही फलंदाजांनी ४९ धावांची भागीदारी केली. ११ व्या षटकात नूर अहमदने सूर्यकुमार यादवला बाद करून ही भागीदारी मोडली . सूर्यकुमार यादवने २६ चेंडूत दोन चौकार आणि एका षटकाराच्या मदतीने २९ धावा केल्या. रॉबिन मिंज (तीन) बाद झाला. १३ व्या षटकाच्या शेवटच्या चेंडूवर नूरने तिलक वर्माला एलबीडब्ल्यू आउट केले. तिलक वर्माने २५ चेंडूत दोन चौकार आणि दोन षटकारांच्या मदतीने ३१ धावा केल्या.