CSK vs SRH: चेन्नई सुपर किंग आणि सनरायझर्स हैदराबादमध्ये अस्तित्वाची लढाई, हवामानासह जाणून घ्या संभाव्य प्लेइंग ११.. 

 ग्राऊंड रिपोर्ट

चेन्नईतील एमए चिदंबरम स्टेडियमची खेळपट्टी संतुलित असून जिथे फलंदाज आणि गोलंदाज दोघांनाही समान संधी असल्याचे बोलले जात आहे. दव हा महत्वाचा घटक लक्षात घेता, लक्ष्याचा पाठलाग करणे अधिक चांगले होणार आहे. मधल्या षटकांमध्ये फिरकीपटू सामन्यावर नियंत्रण ठेवण्यात यशस्वी होतात.

हवामान अंदाज

हवामान अंदाजानुसार, शुक्रवार, २५ एप्रिल २०२५ रोजी चेन्नईचे तापमान दिवसा सुमारे ३९° सेल्सिअस आणि रात्री सुमारे २७° सेल्सिअस राहण्याची अपेक्षा वर्तवण्यात आली आहे.  आर्द्रता सुमारे ८०% असण्याची शक्यता आहे, ज्यामुळे आर्द्रता जाणवनार आहे. पावसाची शक्यता नसून  हवामान स्वच्छ राहणार आहे. खेळाडूंना आर्द्रता आणि उष्णतेचा सामना करावा लागू शकतो, ज्यामुळे त्यांच्या कामगिरीवर परिणाम होण्याची शक्यता आहे.

हेड टू हेड रेकॉर्ड

चेन्नई सुपर किंग्ज आणि सनरायझर्स हैदराबाद यांच्यात २१ सामने खेळले गेले. चेन्नई सुपर किंग्जने १५ सामने जिंकले. त्याच वेळी, सनरायझर्स हैदराबादने ६ सामने जिंकले. या हंगामात दोन्ही संघांना फारशी चांगली कामगिरी करता आलेली नाही.

हेही वाचा : IPL 2025 : मिस्टर 360 की Nicholas Pooran, कोण फलंदाज उत्तम? टी-२० आणि IPL च्या आकडेवारीने दिले ‘हे’ उत्तर..

दोन्ही संघाचे संभाव्य 11 खेळाडू

चेन्नई सुपर किंग्ज :  शेख रशीद, रचिन रवींद्र/वंश बेदी, आयुष म्हात्रे, रवींद्र जडेजा, शिवम दुबे, विजय शंकर/सॅम कुरन, जेमी ओव्हरटन, एमएस धोनी (कर्णधार, यष्टिरक्षक), नूर अहमद, खलील अहमद, मथिशा पाथिराना.

सनरायझर्स हैदराबाद : अभिषेक शर्मा, ट्रॅव्हिस हेड, इशान किशन, नितीश कुमार रेड्डी, हेनरिक क्लासेन (यष्टीरक्षक), अनिकेत वर्मा, पॅट कमिन्स (कर्णधार), हर्षल पटेल, जयदेव उनाडकट, झीशान अन्सारी, इशान मलिंगा.