यशस्वीने केला महारेकॉर्ड (फोटो सौजन्य - इन्स्टाग्राम)
राजस्थान रॉयल्स संघ प्लेऑफमध्ये पोहोचू शकला नाही पण यशस्वी जयस्वालने यावर्षी शानदार फलंदाजी केली. जयस्वाल आयपीएल 2025 मध्ये राजस्थानसाठी सर्वाधिक धावा करणारा फलंदाज ठरला. या हंगामात जयस्वालने 14 सामन्यांमध्ये 559 धावा केल्या. आयपीएल 2025 च्या सीएसके विरुद्ध आरआर या 62 व्या सामन्यात राजस्थानने चेन्नईचा 6 विकेट्सने पराभव केला.
या सामन्यात जयस्वाल मोठी धावसंख्या उभारू शकला नाही आणि 36 धावा काढून बाद झाला. जयस्वालला फक्त 36 धावा करता आल्या तरी त्याने त्याच्या छोट्या खेळीदरम्यान एक महान विक्रम रचण्याचा अद्भुत पराक्रम केला. कोणता विक्रम त्याने रचला आहे याची आपण इत्यंभूत माहिती घेऊया (फोटो सौजन्य – @iplt20 Instagram)
असा पराक्रम करणारा पहिला फलंदाज
या सामन्यात जयस्वालने १९ चेंडूत ३६ धावा केल्या. त्याने डावाच्या पहिल्याच चेंडूवर चौकार मारून आपल्या डावाची सुरुवात केली आणि आयपीएल २०२५ मध्ये त्याने असे करण्याची ही पाचवी वेळ आहे. आयपीएल २०२३ मध्येही त्याने डावाच्या पहिल्या चेंडूवर चौकार मारून चमत्कार केला आहे. जयस्वालने आयपीएलमध्ये आतापर्यंत पाच वेळा डावाच्या सुरुवातीलाच हा अनोखा पराक्रम केला आहे. त्याचबरोबर, आयपीएल हंगामात दोनदा हा पराक्रम करणारा जयस्वाल जगातील पहिला फलंदाज बनला आहे.
IPL मध्ये पहिल्याच चेंडूवर सर्वाधिक 4 मारणारे फलंदाज
5 – यशस्वी जयस्वाल, 2025
5 – यशस्वी जयस्वाल, 2023
5 – वीरेंद्र सेहवाग, 2014
4 – विराट कोहली, 2023
4 – सुनील नरेन, 2018
4 – फिल सॉल्ट, 2025
याशिवाय, यशस्वी जयस्वालने IPL च्या डावात पहिल्याच चेंडूवर चौकार मारण्याची ही 13 वी वेळ होती. त्याने सर्वाधिक वेळा असे करणारा फलंदाज म्हणून आपला विक्रम आणखी मजबूत केला आहे.
याशिवाय यशस्वीने आयपीएलमध्ये पहिल्याच बॉलवर सर्वाधिक चौकार लगावले असून यामध्येही रेकॉर्ड केला असल्याचे दिसून आले आहे. रॉबिन उत्थपा 10, क्विंटन डी कॉक 11, विराट कोहली 11 तर जयस्वीने 13 वेळा ही कामगिरी करत आपले वर्चस्व राखले आहे.
सर्वाधिक सिक्सर
एवढेच नाही तर आयपीएल हंगामात पॉवरप्ले दरम्यान सर्वाधिक षटकार मारणारा जयस्वाल जगातील दुसरा फलंदाज बनला आहे. असे करून त्याने महान दिग्गज सनथ जयसूर्याच्या विक्रमाची बरोबरी केली आहे आणि ख्रिस गेलसारख्या स्फोटक फलंदाजाचा विक्रमही मोडला आहे. जयस्वालने आतापर्यंत आयपीएलच्या एका हंगामात पॉवर प्लेमध्ये एकूण 22 षटकार मारले आहेत.
CSK vs RR : वैभव सूर्यवंशीचे अर्धशतक! संघाला मिळवून दिला विजय! चेन्नईचा ६ विकेट्सने पराभव
सर्वाधिक सिक्सर मारणारे फलंदाज
29 – अभिषेक शर्मा (2024)
22 – यशस्वी जायसवाल (2025)*
22 – सनथ जयसूर्या (2008)
22 – ट्रॅविस हेड (2024)
21 – क्रिस गेल (2015)
21 – विराट कोहली (2024)
21 – जेक फ्रेजर-मॅकगर्क (2024)
20 – एडम गिलक्रिस्ट (2009)
20 – क्रिस गेल (2011)
20 – केएल राहुल (2018)
20 – जोस बटलर (2022)
सामन्याबद्दल बोलायचे झाले तर, सीएसकेने प्रथम फलंदाजी करत 20 षटकांत 8 गडी गमावून 187 धावा केल्या, त्यानंतर राजस्थान रॉयल्स संघाने 17.1 षटकांत 4 गडी गमावून लक्ष्य गाठले. वैभव सूर्यवंशीने 33 चेंडूत 57 धावांची खेळी केली, त्याशिवाय संजू सॅमसन 41 धावा करून बाद झाला. त्याच वेळी, राजस्थान रॉयल्सकडून तीन विकेट घेणाऱ्या आकाश माधवालला त्याच्या उत्कृष्ट गोलंदाजीसाठी सामनावीराचा किताब देण्यात आला.
.png "Videos"){kind=small}
