दलिप ट्रॉफीत गुरनूर ब्रारची कमालीची कामगिरी (फोटो सौजन्य - Instagram)
Tilak Verma: संकटमोचक परतला! दुलीप ट्रॉफीत ठोकले खणखणीत शतक; AFG विरुद्ध संधी मिळणार?
बंगळूरूमध्ये खेळल्या जात असलेल्या या सामन्यात, गुरनूर ब्रारने आपल्या वेग आणि स्विंगने दक्षिण विभागाच्या फलंदाजांना सातत्याने अडचणीत आणले. ब्रारने ७० धावांत ४ महत्त्वपूर्ण बळी घेतले. त्याच्या गोलंदाजीतील सर्वोत्तम चेंडू तो होता ज्याने नारायण जगदीसनची ऑफ-स्टंप उखडून टाकली. या सुरुवातीच्या धक्क्याने, ब्रारने दक्षिण विभागाच्या फलंदाजीला सुरुवातीपासूनच बॅकफूटवर ढकलले. मात्र, तिलक वर्माचे शतक आणि श्रेयस गोपालच्या झुंजार खेळीमुळे सहाव्या विकेटसाठी झालेल्या १७५ धावांच्या भागीदारीने दक्षिण विभागाला सावरले. मात्र, ब्रारच्या भेदक गोलंदाजीमुळे उत्तर विभाग सामन्यातून पूर्णपणे बाहेर राहिला.
गुरनूर ब्रारच्या प्रभावी कामगिरीमुळे भारतीय संघाची निवड आणि अंतिम ११ खेळाडूंच्या निर्णयांवर पुन्हा एकदा चर्चा सुरू झाली आहे. श्रीलंकेविरुद्धच्या नुकत्याच झालेल्या कसोटी मालिकेसाठी गुरनूर ब्रारचा भारतीय संघात समावेश करण्यात आला होता, परंतु त्याला एकाही सामन्यात खेळण्याची संधी मिळाली नाही आणि तो संपूर्ण दौऱ्यात बेंचवरच बसून राहिला.
चाहत्यांचा असा विश्वास आहे की, जर भारतीय संघ व्यवस्थापनाने श्रीलंकेविरुद्धच्या दुसऱ्या कसोटीत गुरनूर ब्रारला संधी दिली असती, तर सामन्याचा निकाल वेगळा लागला असता. श्रीलंकेच्या दुसऱ्या डावात भारतीय गोलंदाजी अत्यंत निष्प्रभ आणि कमकुवत दिसत होती, ज्याचा फायदा घेऊन श्रीलंकेच्या फलंदाजांनी सहज धावा केल्या आणि सामना अनिर्णित राखला.
जर ब्रारसारखा फॉर्मात असलेला आणि आक्रमक वेगवान गोलंदाज त्या प्लेइंग इलेव्हनमध्ये असता, तर भारताने सामना अनिर्णित राहण्याऐवजी सहज जिंकला असता. दुलीप ट्रॉफीमधील ब्रारच्या कामगिरीवरून तो लाल चेंडूच्या क्रिकेटमध्ये किती घातक ठरू शकतो हे दिसून येते, आणि निवड समितीला आगामी मालिकेसाठी त्याचा गांभीर्याने विचार करावा लागेल.
.png "Videos"){kind=small}
