इंग्लंडने एकदिवसीय आणि T20 मालिकेसाठी केला संघ जाहीर, तरुण खेळाडूला मिळाली कर्णधारपदाची धुरा

२०२५ मध्ये झालेल्या चॅम्पियन्स ट्रॉफीमध्ये इंग्लंडची कामगिरी निराशाजनक राहिली, त्यानंतर जोस बटलरने कर्णधारपद सोडण्याचा निर्णय घेतला होता. जोस बटलरच्या जागी हॅरी ब्रुकला कर्णधार बनवण्यात आले आहे. त्यामुळे ब्रूकने इंग्लंड क्रिकेटसाठी अधिक वेळ देऊ इच्छित असल्याने आयपीएल २०२५ मध्ये भाग घेतला नाही. तथापि, याआधी ब्रूकने ५ एकदिवसीय सामन्यांमध्ये इंग्लंडचे नेतृत्व केले आहे. त्याच्या नेतृत्वाखाली इंग्लंडने २ सामने जिंकले आहेत, तर ३ सामन्यांमध्ये संघाला पराभवाचा सामना करावा लागला आहे.

वेस्ट इंडिजविरुद्धच्या एकदिवसीय आणि टी-२० मालिकेसाठी जोस बटलर, जो रूट, फिल साल्ट, आदिल रशीद, जोफ्रा आर्चर यांसारख्या स्टार खेळाडूंना संधी मिळाली आहे. इंग्लंड आणि वेस्ट इंडिज यांच्यातील ३ सामन्यांची एकदिवसीय मालिका २९ मे ते ३ जून दरम्यान खेळवली जाईल. यानंतर ६ जूनपासून टी-२० मालिका सुरू होईल. शेवटचा सामना १० जून रोजी खेळवला जाणार आहे.

इंग्लंडचे काही खेळाडू हे आयपीएल २०२५ चा भाग आहेत. यामध्ये जोस बटलरने गुजरात टायटन्ससाठी या सीझनमध्ये कमालीची कामगिरी केली आहे. जोफ्रा आर्चरने सुद्धा पहिल्या सामन्यातील कामगिरी वगळता त्याने दमदार खेळ आयपीएलमध्ये दाखवला आहे.

वेस्ट इंडिजविरुद्ध इंग्लंड संघ

एकदिवसीय संघ: हॅरी ब्रुक (कर्णधार), जोफ्रा आर्चर, गस अ‍ॅटकिन्सन, टॉम बँटन, जेकब बेथेल, जोस बटलर, ब्रायडन कार्स, बेन डकेट, टॉम हार्टली, विल जॅक्स, साकिब महमूद, जेमी ओव्हरटन, मॅथ्यू पॉट्स, आदिल रशीद, जो रूट, जेमी स्मिथ.

संबंधित बातम्या