भारत विरुद्ध इंग्लंड कसोटी मालिकेआधी इंग्लिश संघाला लागला मोठा झटका! स्टार खेळाडू झाला जखमी

वेस्ट इंडिजविरुद्ध सुरू असलेल्या एकदिवसीय मालिकेदरम्यान इंग्लंड क्रिकेट संघाला मोठा धक्का बसला आहे. संघाचा स्टार अष्टपैलू खेळाडू जेमी ओव्हरटन जखमी झाल्यामुळे संपूर्ण एकदिवसीय आणि आगामी टी-२० मालिकेतून बाहेर पडला आहे.

भारत विरुद्ध इंग्लंड यांच्यामध्ये 20 जून पासून पाच सामन्यांच्या कसोटी मालिकेला सुरुवात होणार आहे. या मालिकेमध्ये भारताचा संघ शुभमन गिलच्या याच्या नेतृत्वात मैदानात उतरणार आहे. तर उपकर्णधार  हा ऋषभ पंत असणार आहे. भारताच्या संघासाठी हा इंग्लंड जरा फारच महत्त्वाचा असणार आहे कारण रोहित शर्माच्या निवृत्तीनंतर भारताचा संघ पहिल्यांदाच इंग्लंड दौऱ्यावर जाणार आहे. शुभमन गिल याला भारतीय कसोटी संघाचे कर्णधार पद देण्यात आले आहे त्यामुळे भारताचा संघ त्याच्या नेतृत्वात कशी कामगिरी करेल हे पाहणे महत्त्वाचे ठरेल.

वेस्ट इंडिजविरुद्ध सुरू असलेल्या एकदिवसीय मालिकेदरम्यान इंग्लंड क्रिकेट संघाला मोठा धक्का बसला आहे. संघाचा स्टार अष्टपैलू खेळाडू जेमी ओव्हरटन जखमी झाल्यामुळे संपूर्ण एकदिवसीय आणि आगामी टी-२० मालिकेतून बाहेर पडला आहे. २९ मे रोजी बर्मिंगहॅम येथे झालेल्या पहिल्या एकदिवसीय सामन्यात ओव्हरटनच्या उजव्या हाताच्या करंगळीला फ्रॅक्चर झाल्याची पुष्टी इंग्लंड आणि वेल्स क्रिकेट बोर्डाने (ECB) केली आहे. भारताविरुद्धच्या ५ सामन्यांच्या कसोटी मालिकेपूर्वी या स्टार खेळाडूची दुखापत संघासाठी मोठा धक्का मानली जात आहे.

गुजरात टायटन्सचा संघ एलिमिनेटर सामन्यात पराभूत झाल्यानंतर ‘ज्युनियर नेहरा’ ढसाढसा रडला! Video Viral

इंग्लंडला मोठा धक्का बसला

पहिल्या एकदिवसीय सामन्यात इंग्लंडने वेस्ट इंडिजचा २३८ धावांच्या मोठ्या फरकाने पराभव केला. या सामन्यात ओव्हरटनने शानदार गोलंदाजी केली आणि ५.२ षटकांत फक्त २२ धावा देत ३ महत्त्वाचे बळी घेतले. त्याने आपल्या धारदार शॉर्ट बॉलने रोस्टन चेस आणि मॅथ्यू फोर्डला बाद केले, तर त्याने गुडाकेश मोतीला एका संथ चेंडूने बाद केले. त्याच्या शानदार गोलंदाजीने वेस्ट इंडिजच्या मधल्या फळीला पूर्णपणे उद्ध्वस्त केले. दुखापतग्रस्त असूनही, ओव्हरटन काही काळ मैदानावर खेळत राहिला, परंतु नंतर त्याला बाहेर जावे लागले. आता तो इंग्लंडच्या वैद्यकीय पथकाच्या देखरेखीखाली पुनर्वसन प्रक्रियेतून जाईल.

See more

Frustration for @JamieOverton 😫 Read more 👇 — England Cricket (@englandcricket) May 31, 2025

इंग्लंड संघ व्यवस्थापनाने स्पष्ट केले आहे की ते सध्या ओव्हरटनच्या जागी कोणत्याही नवीन खेळाडूला संघात समाविष्ट करणार नाहीत. संघात आधीच मॅथ्यू पॉट्स आणि डावखुरा गोलंदाज ल्यूक वूड हे राखीव वेगवान गोलंदाज म्हणून आहेत. त्याच वेळी, फिरकी विभागात टॉम हार्टलीचा पर्याय देखील उपलब्ध आहे, ज्याचा संघ विचार करू शकतो.

हे लक्षात घेण्यासारखे आहे की जेमी ओव्हरटन अलीकडेच आयपीएल २०२५ मध्ये चेन्नई सुपर किंग्जमध्ये सामील झाला होता, जिथे त्याने तीन सामने खेळले पण फक्त ६ षटके टाकली. आता त्याचे पुनरागमन पूर्णपणे त्याच्या तंदुरुस्तीवर अवलंबून असेल.