Gautam Gambhir trolled after kohli century
विराट कोहलीच्या स्फोटक शतकानंतर, भारतीय संघाचे मुख्य प्रशिक्षक गौतम गंभीर यांना सोशल मीडियावर मोठ्या प्रमाणात ट्रोल केले जात आहे. विराट कोहलीने आपल्या १३९ धावांच्या खेळीत १० चौकार आणि ९ जबरदस्त षटकार ठोकले. त्याने १५७.९५ च्या स्ट्राईक रेटने फलंदाजी केली. व्हायरल झालेल्या फोटोजनुसार, एकीकडे, कोहली मैदानावर षटकारांचा वर्षाव करत असताना, डगआऊटमधील बाकीचे कोचिंग स्टाफ आठव्या षटकारानंतर उभे राहून जल्लोष करत होते. मात्र, दुसरीकडे प्रशिक्षक गौतम गंभीर यांच्या चेहऱ्यावर कोणतेही भाव नव्हते ते शांत बसले होते. त्यांचा हा शांत चेहरा सोशल मीडियावर झटपट व्हायरल झाला आणि चाहत्यांनी असा आरोप करण्यास सुरुवात केली की, गंभीर कोहलीच्या खेळीवर खूश दिसत नव्हते. यासोबतच काही चाहत्यांनी मुख्य प्रशिक्षक गौतम गंभीर यांना ट्रोल रण्यास सुरुवात केली. गंभीर यांनी दिलेल्या रिएक्शनंतर सोशल मीडियावर भन्नाट मीम्सचा वर्षाव पाहायला मिळाला.
Gautam Gambhir’s reaction to Virat Kohli’s 8th six😭😭😭😭 pic.twitter.com/ADCVMw6POB — Rajiv (@Rajiv1841) September 27, 2026
मात्र, सामना संपल्यानंतर गौतम गंभीर यांनी विराट कोहलीला मिठी मारली आणि विजयाबद्दल त्याचे अभिनंदन केले. असे असूनही, गंभीरचा गंभीर चेहरा सोशल मीडियावर चर्चेचा विषय बनून राहिला आहे. गौतम गंभीर आणि विराट कोहली यांच्यात काहीतरी बिनसले आहे, हा मुद्दा भारतीय चाहते वारंवार उपस्थित करतात. मात्र, दोघांनीही त्यांच्यात कोणतेही मतभेद असल्याचे सातत्याने नाकारले आहे.
Gautam Gambhir 😭#ViratKohli #GautamGambhir #KingKohli #CricketHighlights #TeamIndia #rohitsharma pic.twitter.com/yk4i4Q0aXl — Medhavi Bidhuri (@medhavi_bidhuri) September 27, 2026
विराट कोहलीने आपल्या आंतरराष्ट्रीय कारकिर्दीतील ८६ वे शतक झळकावले आहे. एकदिवसीय क्रिकेटमध्ये त्याच्या नावावर आता एकूण ५५ शतके झाली आहेत. आजपर्यंत कोणत्याही खेळाडूने एकदिवसीय क्रिकेटमध्ये ५० शतकेही केलेली नाहीत आणि ५५ शतकांसह विराट कोहली आघाडीवर आहे. याशिवाय, वेस्ट इंडिजविरुद्धच्या या सामन्यात विराट कोहलीने आपल्या १५,००० धावा पूर्ण केल्या. सचिन तेंडुलकरनंतर १५,००० धावा पूर्ण करणारा तो दुसरा फलंदाज ठरला आहे.
.png "Videos"){kind=small}
