Gurnoor Brar : गुरनूर ब्रारच्या भेदक गोलंदाजीसमोर किवी गारद! Zaheer Khanचा २३ वर्षांचा रेकॉर्ड एका स्पेलमध्ये उद्ध्वस्त

Gurnoor Brar Breaks Zaheer Khan’s 23-Year-Old Record: वेलिंग्टन येथे न्यूझीलंडविरुद्धच्या दुसऱ्या एकदिवसीय सामन्यात युवा भारतीय वेगवान गोलंदाज गुरनूर ब्रारने भेदक गोलंदाजी करत ३० धावा देत ४ विकेट्स घेतले.

• गुरनूर ब्रारचा ऐतिहासिक धमाका
• झहीर खानचा २३ वर्षांपूर्वीचा विक्रम मोडला
• गुरनूर ब्रारने ४ विकेट्स घेत रचला इतिहास

Gurnoor Brar: भारत आणि न्यूझीलंड यांच्यात शनिवार, ७ नोव्हेंबर रोजी वेलिंग्टन येथे दुसरा एकदिवसीय सामना खेळला गेला. या सामन्यात, युवा वेगवान गोलंदाज गुरनूर ब्रारने आपल्या भेदक गोलंदाजीने इतिहास रचला. गुरनूरच्या घातक गोलंदाजीसमोर किवी फलंदाजांनी गुडघे टेकले. गुरनूरने आपल्या १० षटकांच्या स्पेलमध्ये केवळ ३० धावा देऊन चार विकेट्स घेतले.

या प्रभावी कामगिरीमुळे, गुरनूरने न्यूझीलंडच्या भूमीवर भारतीय वेगवान गोलंदाजाने केलेल्या दुसऱ्या सर्वोत्तम कामगिरीचा विक्रम आपल्या नावावर केला आहे. या बाबतीत त्याने मोहम्मद शमी आणि अर्शदीप सिंग यांसारख्या खेळाडूंना मागे टाकले. तसेच त्याने झहीर खालचा २३ वर्षे जुना विक्रमही मोडला.

IND vs NZ: न्यूझीलंडचा सुपडासाफ करण्याची संधी! टीम इंडिया मालिका खिशात घालणार? तिसऱ्या वनडेचा थरार कधी अन् कुठे रंगणार?

गुरनूर ब्रारने न्यूझीलंडमध्ये ४ विकेट्स घेऊन इतिहास रचला

गुरनूर ब्रारने सामन्याच्या सुरुवातीपासूनच न्यूझीलंडच्या फलंदाजांवर दबाव टाकला. त्याची पहिली पाच षटके उत्कृष्ट होती.यामध्ये त्याने केवळ सहा धावा देऊन दोन विकेट्स घेतले. त्याने आपल्या पाचव्या षटकात टॉम लॅथम आणि ग्लेन फिलिप्स यांना बाद करून किवींचे कंबरडे मोडले. त्यानंतर गुरनूरने किवी कर्णधार मिचेल सँटनर आणि नॅथन स्मिथ यांना बाद केले. गुरनूरने १० षटकांत  ४ विकेट्स घेत न्यूझीलंडचा डाव गुंडाळण्यात महत्त्वाची भूमिका बजावली.

यासह, गुरनूरने न्यूझीलंडमधील एकदिवसीय क्रिकेटमध्ये सर्वोत्तम कामगिरी करणारा दुसरा भारतीय वेगवान गोलंदाज बनण्याचा मान मिळवला आहे. त्याने, मोहम्मद शमी आणि अर्शदीप सिंग सारख्या गोलंदाजांना मागे टाकले. या यादीत माजी भारतीय वेगवान गोलंदाज जवागल श्रीनाथ अव्वल स्थानी आहे. जवागलने २००३ मध्ये न्यूझीलंडविरुद्ध २३/४ अशी कामगिरी नोंदवली होती.

न्यूझीलंडमध्ये भारतीय वेगवान गोलंदाजाची सर्वोत्कृष्ट एकदिवसीय कामगिरी

• जवागल श्रीनाथ – ४/२३ ऑकलंड २००३
• गुरनूर ब्रार – ४/३० वेलिंग्टन २०२६
• जवागल श्रीनाथ – ४/५२ नेपियर १९९५
• मोहम्मद शमी – ४/५५ नेपियर २०१४
• अर्शदीप सिंग – ४/७० ऑकलंड २०२६

झहीर खानचा २३ वर्षांपूर्वीचा विक्रम मोडला

गुरनूर ब्रारने न्यूझीलंडच्या वेलिंग्टनमध्ये एका भारतीय वेगवान गोलंदाजाच्या सर्वोत्तम एकदिवसीय कामगिरीचा नवा विक्रमही प्रस्थापित केला. याशिवाय, त्याने महान भारतीय वेगवान गोलंदाज झहीर खानचा २३ वर्षे जुना विक्रम मोडला. झहीरने २००३ मध्ये वेलिंग्टनमध्ये न्यूझीलंडविरुद्ध ३० धावांत ३ विकेट्स घेतले होते. पण आता गुरनूरने वेलिंग्टनमध्ये ४ विकेट्स घेऊन त्याला मागे टाकले आहे. न्यूझीलंडच्या भूमीवरील भारतीय गोलंदाजांच्या सर्वोत्तम कामगिरीच्या यादीत गुरनूर तिसऱ्या स्थानावर पोहोचला आहे. आता, केवळ अनिल कुंबळे आणि जवागल श्रीनाथ त्याच्या पुढे आहेत.

न्यूझीलंडमध्ये भारतीय गोलंदाजांची सर्वोत्कृष्ट एकदिवसीय कामगिरी

• अनिल कुंबळे – ५/३३ – वेलिंग्टन, १९९४
• जावगल श्रीनाथ – ४/२३ – ऑकलंड, २००२
• गुरनूर ब्रार -४/३० – वेलिंग्टन, २०२६
• कुलदीप यादव – ४/३९ – नेपियर, २०१९

Rohit Sharma: मुंबई इंडियन्समध्ये पुन्हा ‘रोहित पर्व’! हिटमॅनकडे कर्णधारपदाची धुरा? लवकरच मोठी घोषणा