IND vs PAK: हारिस रौफ आणि अभिषेक शर्मा लाईव्ह सामन्यातच भिडले; पंचांना करावी लागली मध्यस्थीती, पाहा व्हिडिओ

पाचव्या षटकादरम्यान पाकिस्तानी गोलंदाज हारिस रौफने आपला संयम गमावला आणि तो अभिषेक शर्माशी भिडण्यासाठी पोहोचला.

• हारिस रौफ आणि अभिषेक शर्मा लाईव्ह सामन्यातच भिडले
• पंचांना करावी लागली मध्यस्थीती
• अभिषेकचा धमाका; २४ चेंडूत अर्धशतक

IND vs PAK, Asia Cup 2025: भारत विरुद्ध पाकिस्तान यांच्यात आशिया कप २०२५ च्या सुपर-४ मध्ये एक रोमांचक सामना खेळला जात आहे. या सामन्यात प्रथम फलंदाजी करताना पाकिस्तानने १७१ धावा केल्या. प्रत्युत्तरात भारतीय संघाला सलामीवीर अभिषेक शर्मा आणि शुभमन गिल यांनी उत्कृष्ट सुरुवात करून दिली. दोघांनी पॉवरप्लेमध्ये पाकिस्तानच्या गोलंदाजांवर जोरदार हल्ला करत भरपूर धावा काढल्या.

हारिस रौफने गमावला संयम, मैदानातच जोरदार वाद

पाचव्या षटकादरम्यान पाकिस्तानी गोलंदाज हारिस रौफने आपला संयम गमावला आणि तो अभिषेक शर्माशी भिडण्यासाठी पोहोचला. अभिषेकने हारिस रौफच्या गोलंदाजीवर धडाकेबाज फलंदाजी केली होती, जी या वेगवान गोलंदाजाला आवडली नाही. हारिस रौफ आणि अभिषेक यांच्यातील वादामुळे तणाव निर्माण झाला. मात्र, पंचांनी मध्यस्थी करून हा वाद शांत केला. याआधी शाहीन आफ्रिदी आणि शुभमन गिल यांच्यातही बाचाबाची झाली होती.

See more

gill and abhishek shown aukat to this porki haris rauf#INDvPAK #AsiaCup pic.twitter.com/0QByqZnNE0 — SouLKirmada (@BabluuuuOp) September 21, 2025

अभिषेकचा धमाका; २४ चेंडूत अर्धशतक

पॉवरप्लेमध्ये अभिषेक आणि गिल यांनी भारताला शानदार सुरुवात करून दिली, ज्यामुळे भारताने ६ षटकांत कोणत्याही नुकसानशिवाय ६१ धावा केल्या होत्या. यानंतर दोघांनी शतकी भागीदारीही पूर्ण केली. या सामन्यात अभिषेक शर्माने केवळ २४ चेंडूंमध्ये अर्धशतक झळकावून पाकिस्तानच्या गोलंदाजांची जोरदार धुलाई केली. त्याने अनेक विक्रमही आपल्या नावावर केले.

IND vs PAK: पाकडे सुधारणार नाहीत! अर्धशतकानंतर पाकिस्तानी फलंदाजाचे मैदानावर ‘गन सेलिब्रेशन’; चाहते संतापले

अभिषेकच्या नावावर मोठा विक्रम

अभिषेकने या सामन्यात ५० षटकार पूर्ण करून एक विश्वविक्रमही आपल्या नावावर केला. टी-२० क्रिकेटमध्ये सर्वात कमी ३३१ चेंडूंमध्ये ५० षटकार पूर्ण करणारा तो जगातील पहिला खेळाडू बनला आहे.

भारत-पाक टी-२० आंतरराष्ट्रीय सामन्यांमध्ये सर्वात जलद अर्धशतके (चेंडूंनुसार)

• २३ चेंडू: मोहम्मद हफीज, अहमदाबाद २०१२
• २४ चेंडू: अभिषेक शर्मा, दुबई २०२५
• २९ चेंडू: युवराज सिंग, अहमदाबाद २०१२
• ३२ चेंडू: इफ्तिखार अहमद, मेलबर्न २०२२
• ३३ चेंडू: मिस्बाह-उल-हक, डरबन २००७