ICC Team Ranking : एकदिवसीय आणि टी-२० मध्ये भारताचे वर्चस्व, कसोटीत भारताचा संघ दगमगला

ताज्या क्रमवारीत, मे २०२४ पासून खेळल्या गेलेल्या सर्व सामन्यांना १०० टक्के महत्त्व देण्यात आले आहे आणि गेल्या दोन वर्षातील सर्व सामन्यांना ५० टक्के महत्त्व देण्यात आले आहे.

भारताचा संघ आयसीसी रॅंकिंगमध्ये कोणत्या क्रमांकावर : भारताच्या संघाने एकदिवसीय क्रिकेटमध्ये यंदा दमदार कामगिरी केली होती. 2024 मध्ये झालेल्या टी-२० विश्वचषकामध्ये संघाने फायनलमध्ये दक्षिण आफ्रिकेला पराभूत करुन जेतेपद नावावर केले होते. तर 2025 मध्ये चॅम्पियन ट्रॅाफी पार पडली यामध्ये संघाने एकही सामना न गमावता फायनलमध्ये दक्षिण न्यूझिलंडला पराभूत करुन जेतेपद जिंकले होते. आता मागील 2 वर्षाची रॅंकिंग आयसीसीने शेअर केली आहे. आयसीसीच्या ताज्या क्रमवारीत टीम इंडियाला मोठे नुकसान सहन करावे लागले आहे. ती चौथ्या स्थानावर घसरली आहे.

ताज्या क्रमवारीत, मे २०२४ पासून खेळल्या गेलेल्या सर्व सामन्यांना १०० टक्के महत्त्व देण्यात आले आहे आणि गेल्या दोन वर्षातील सर्व सामन्यांना ५० टक्के महत्त्व देण्यात आले आहे. तथापि, भारत एकदिवसीय आणि टी-२० क्रमवारीत पहिल्या क्रमांकावर आहे. ताज्या अपडेटनंतर, ऑस्ट्रेलियाने त्यांचे अव्वल स्थान कायम ठेवले आहे परंतु त्यांची आघाडी १५ वरून १३ गुणांवर घसरली आहे. त्यांचे १२६ रेटिंग गुण आहेत आणि ते रँकिंगमध्ये इतर संघांपेक्षा खूप पुढे आहेत.

See more

🚨 INDIA AT ICC ANNUAL RANKING. 🚨

ODIs – No.1

T20i – No.1

Test – No.4. pic.twitter.com/ky1MK4WuuB

— Mufaddal Vohra (@mufaddal_vohra) May 5, 2025

टीम इंडियाबद्दल बोलायचे झाले तर, घरच्या मैदानावर न्यूझीलंडविरुद्ध पराभव आणि परदेशी भूमीवर ऑस्ट्रेलियाविरुद्ध मालिका गमावल्याने त्यांच्या रँकिंगवर परिणाम झाला आहे. त्यांचे १०५ रेटिंग गुण आहेत आणि ते दक्षिण आफ्रिका आणि इंग्लंडच्या मागे आहेत ज्यांचे अनुक्रमे १११ आणि ११३ गुण आहेत. गेल्या वर्षी शेवटच्या चार सामन्यांमध्ये तीन मालिका जिंकल्यानंतर इंग्लंडची स्थिती सुधारली आहे.

आयसीसी पुरुष संघ कसोटी रँकिंग –

ऑस्ट्रेलिया – १२६ रेटिंग
इंग्लंड – ११३ रेटिंग
दक्षिण आफ्रिका – १११ रेटिंग
भारत – १०५ रेटिंग
न्यूझीलंड – ९५ रेटिंग
श्रीलंका – ८७

IPL 2025 नंतर शुभमन गिलला लागणार लॅाटरी! टीम इंडियामध्ये मिळू शकते मोठी जबाबदारी

वार्षिक अपडेटनंतर उर्वरित क्रमवारीत कोणताही बदल झाला नाही. न्यूझीलंड पाचव्या क्रमांकावर आहे, त्यानंतर श्रीलंका, पाकिस्तान, वेस्ट इंडिज, बांग्लादेश आणि झिम्बाब्वे यांचा क्रमांक लागतो. आयर्लंड आणि अफगाणिस्तान हे इतर दोन कसोटी खेळणारे देश आहेत. भारताने एक स्थान गमावले आहे.

इंग्लंड विरुद्ध मालिका

या महिन्याच्या अखेरीस झिम्बाब्वे आणि इंग्लंड यांच्यातील एकमेव कसोटी सामन्याने कसोटी क्रिकेट परतणार आहे. जूनमध्ये, वर्ल्ड टेस्ट चॅम्पियनशिप फायनल ऑस्ट्रेलिया आणि दक्षिण आफ्रिका यांच्यात लॉर्ड्सवर खेळवण्यात येणार आहे. त्याच महिन्यात, भारत इंग्लंडसोबत पाच सामन्यांची कसोटी मालिका खेळेल, जी WTC च्या चौथ्या आवृत्तीची सुरुवात देखील करेल.

आयसीसी टी-२० टीम रँकिंग

भारत – २७१
ऑस्ट्रेलिया – २६२
इंग्लंड – २५४
न्युझीलँड – २४९
वेस्टइंडीज – २४६

एकदिवसीय क्रिकेटमध्ये भारताच्या संघाने आयसीसी चॅम्पियन्स ट्रॉफी जिंकली आहे त्यामुळे एकदिवसीय क्रिकेटमध्ये भारताचे वर्चस्व पाहायला मिळत आहे.