Ind U-19 vs Aus U-19 : भारताच्या १९ वर्षांखालील संघाची विजयी डरकाळी! ऑस्ट्रेलियाचा ७ विकेट्सने केला दणदणीत पराभव 

मात्र, विल मलाजचुक जास्त काळ मैदानावर तग धरू शकला नाही.  तो १७ धावांवर असताना माघारी गेला.  त्यानंतर यश देशमुख ३५ धावांवर बाद झाला. ऑस्ट्रेलियाने फक्त ३५ धावांवर आपल्या चार विकेट गमावल्या. त्यानंतर टॉम होगन आणि स्टीव्हन होगन यांनी अर्धशतकी भागीदारी रचत ऑस्ट्रेलिया डाव सावरला.

जॉन जेम्सचे शानदार अर्धशतक

स्टीवन देखील ३९ धावा काढून बाद झाला. त्यानंतर टॉमने  ४१ धावांची खेळी करून माघारी परतला. त्यानंतर आर्यन शर्मा १९ धावा काढून बाद झाला. त्यानंतर जॉन जेम्सने नाबाद ७७ धावांची खेळी साकारत ऑस्ट्रेलियाची धावसंख्या २०० च्या पार नेण्यात यश मिळवले. बेन गॉर्डननेही १६ धावा केल्या. जॉन जेम्सच्या खेळीमुळे ऑस्ट्रेलिया अंडर-१९ संघ २२५ धावांपर्यंत मजल मारू शकला. भारताकडून गोलंदाजीमध्ये हेनिल पटेलने तीन, किशन कुमारने दोन आणि कनिष्क चौहानने दोन बळी टिपले.

हेही वाचा : Asia cup 2025: पावसाच्या हजेरीने IND vs PAK सामना रद्द झाला तर काय? कोणाची लागेल लॉटरी? जाणून घ्या

भारतीय संघाची आक्रमक सुरवात

धावांचा पाठलाग करताना, वैभव सूर्यवंशीने भारतीय अंडर-१९ संघाला आक्रमक सुरुवात करून दिली. वैभव सूर्यवंशीने २२ चेंडूत ३८ धावा काढल्या आणि तो  भारताच्या स्कोअर बोर्डवर ५०  धावा असताना बाद झाला. त्यानंतर आयुष म्हात्रे ६ धावांकरून बाद झाला. विहान मल्होत्राही ९ धावांवर झटपट माघारी परतला.  त्यानंतर वेदांत त्रिवेदी आणि अभिज्ञान कुंडू यांनी १५० हून अधिक धावांची भागीदारी रचत भारतीय संघाच्या आशा पल्लवित केल्या.

वेदांत आणि अभिज्ञान यांची शानदार फलंदाजी

वेदांतने ६९ चेंडूंचा सामना करत नाबाद ६१ धावांची खेळी केली. यामध्ये त्याने ८ चौकार लगावले. तर अभिज्ञानने ७४ चेंडूंचा सामना करत नाबाद ८७ धावा चोपल्या. यामध्ये त्याने ८ चौकार आणि ५ षटकारांची आतिषबाजी केली आणि संघाला सामना जिंकून दिला. या विजयासह  भारताने  मालिकेत १-० अशी आघाडी घेतली आहे. ऑस्ट्रेलियाकडून चार्ल्स लॅचमुंडने सर्वाधिक २ विकेट घेतल्या आणि हेडन सिलचरने १ विकेट घेतली.

संबंधित बातम्या