IND vs AFG 1st T20 Live: भारताचा डावपेच ठरला; श्रेयस अय्यरने टॉस जिंकून घेतला ‘हा’ निर्णय; वैभव-वॉशिंग्टनला प्लेइंग-11 मधून डच्चू

IND vs AFG 1st T20 Live India Won Toss Elected bowling: भारत आणि अफगाणिस्तान यांच्यात आज पहिला टी२० सामना खेळला जात आहे. सामना सुरु होण्याआधी दोन्ही कर्णधार टॉससाठी मैदानात उतरले आहेत.

• भारताने नाणेफेक जिंकली
• आधी गोलंदाजी करण्याचा निर्णय
• अफगाणिस्तानची प्रथम फलंदाजी

भारत आणि अफगाणिस्तान यांच्यातील तीन सामन्यांच्या टी-२० मालिकेला आजपासून सुरुवात होत आहे. मालिकेतील पहिला सामना दिल्लीतील अरुण जेटली स्टेडियमवर खेळवला जाणार आहे. थोड्याच वेळात या सामन्याला सुरुवात होणार आहे. त्याआधी दोन्ही संघाचे कर्णधार श्रेयस अय्यर आणि इब्राहिम जादरान नाणेफेकीसाठी मैदानात उतरले आहेत. टीम इंडियाचा कर्णधार श्रेयस अय्यरने नाणेफेक जिंकला. भारताने प्रथम गोलंदाजी करण्याचा निर्णय घेतला आणि अफगाणिस्तानला फलंदाजीसाठी आमंत्रित केले आहे. पहिल्या सामन्यामध्ये संघात काही वैभव सूर्यवंशी आणि वॉशिंग्टन सुंदर यांना संघात स्थान देण्यात आलेले नाही. श्रेयस अय्यरने सांगितले की, वैभव सूर्यवंशी आणि वॉशिंग्टन सुंदर आजच्या सामन्यात खेळत नाहीत.

ICC Test Ranking: पाकिस्तानची अवस्था ‘ना घर का ना घाट का’; इंग्लंडकडून 0-3 ने व्हाईटवॉश, ICC Ranking मध्येही फटका

ईशान किशन पहिल्या सामन्यासाठी फिट

या मालिकेपूर्वी ईशान किशनला शुक्रवारी नेट प्रॅक्टिस दरम्यान दुखापत झाली. त्यामुळे ईशान आजच्या सामन्यात खेळणार का असा प्रश्न उपस्थित झाला होता. परंतु, दिलासादायक बाब ही आहे की, ईशान किशन सामन्यासाठी तंदुरुस्त असून तो अंतिम ११ खेळाडूंमध्ये आहे. दुलीप ट्रॉफीच्या अंतिम सामन्यात २७० आणि ८० धावा करणारा ईशानच्या कामगिरिकडे सर्वांचे लक्ष असेल.

अफगाणिस्तान भारताला देणार आव्हान?

भारत आणि अफगाणिस्तान यांच्यातील तीन सामन्यांची टी-२० मालिका दिल्लीतील अरुण जेटली स्टेडियमवर खेळवली जात आहे. परंतु, या मालिकेचे यजमानपद अफगाणिस्तान भूषवत आहे. सुरक्षेच्या कारणांमुळे अफगाणिस्तानला आपल्या देशात आंतरराष्ट्रीय सामन्यांचे आयोजन करणे शक्य होत नाही. भारताव्यतिरिक्त, अफगाणिस्तान आपल्या घरच्या मालिका युएईमध्येही खेळतो. आशियाई क्रीडा स्पर्धेपूर्वी तयारी करण्यासाठी भारतीय संघासाठी ही एक सुवर्णसंधी आहे. कारण त्यांना अफगाणिस्तानच्या अव्वल फिरकी गोलंदाजांचा सामना करावा लागणार आहे. राशीद खान, नूर अहमद आणि मुजीब उर रहमान हे अफगाणिस्तानचे फिरकी गोलंदाज फलंदाजांना स्वस्तात बाद करु शकतात. तसेच, त्यांच्या वेगवान गोलंदाजीच्या फळीत फजलहक फारुकी आणि नवीनुल हक यांच्यासोबत अष्टपैलू खेळाडू गुलबदिन नायब आणि अझमतुल्ला उमरझाई यांचा समावेश आहे.

दोन्ही संघांचे प्लेइंग 11

भारत: संजू सॅमसन (विकेटकीपर), अभिषेक शर्मा, ईशान किशन, श्रेयस अय्यर, तिलक वर्मा, नितीश कुमार रेड्डी, शिवम दुबे, अक्षर पटेल, अर्शदीप सिंग, जसप्रीत बुमराह, वरुण चक्रवर्ती.

अफगानिस्तान : इब्राहिम जादरान (कर्णधार), रहमानुल्लाह गुरबाज (विकेटकीपर), सेदिकुल्लाह अटल, दरविश रसूली, अजमतुल्लाह उमरझई, गुलबदीन नायब, मोहम्मद नबी, राशिद खान, मुजीब उर रहमान, नूर अहमद, फजलहक फारूकी

IND vs AFG: मैदानात उतरताच Vaibhav Sooryavanshi रचणार इतिहास; सचिन तेंडुलकरचा ‘हा’ विक्रम मोडणार? अफगाणिस्तानविरुद्ध मिळणार संधी?