IND vs NZ Live : Adam Milneच्या भेदक गोलंदाजीसमोर भारतीय फलंदाज फ्लॉप; ईशान-श्रेयसने सावरला डाव; कीवींसमोर १९२ धावांचं लक्ष्य

IND vs NZ 5th T20 Live Score: भारत आणि न्यूझीलंड यांच्यात मालिकेतील पाचवा आणि शेवटचा सामना खेळला जात आहे. भारताने प्रथम फलंदाजी करत न्यूझीलंडला १९२ धावांचे आव्हान दिले आहे.

• अभिषेक-संजू स्वस्तात बाद
• पण ईशान-श्रेयसची वादळी खेळी
• भारताने उभारली मोठी धावसंख्या

IND vs NZ: भारत आणि न्यूझीलंड यांच्यात पाच सामन्यांच्या टी-२० मालिकेतील पाचवा आणि शेवटचा सामना आज खेळला जात आहे. हा सामना हॅमिल्टन येथील सेडन पार्क स्टेडियमवर सुरु आहे. या सामन्यात न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला आणि भारताला फलंदाजीसाठी आमंत्रित केले. प्रथम फलंदाजी करताना भारताने २० षटकांत ८ विकेट्स गमावून १९१ धावा केल्या. आता, न्यूझीलंडला विजयासाठी १९२ धावांची गरज आहे. शेवटच्या सामन्यात ईशान किशनची बॅट बोलली. त्याने ३२ चेंडूमध्ये ६१ धावा केल्या.

भारतीय संघाने या सामन्यासाठी दोन बदल केले आहेत. भुवनेश्वर कुमार आणि वरुण चक्रवर्ती यांचा अंतिम ११ मध्ये समावेश करण्यात आला, तर मयंक यादव आणि अक्षर पटेल यांना वगळण्यात आले आहे . वैभव सूर्यवंशीला सलग दुसऱ्या सामन्यासाठी संघात स्थान देण्यात आले नाही. दुसरीकडे, न्यूझीलंडने मॅथ्यू फिशरच्या जागी ब्लेअर टिकनरला अंतिम ११ मध्ये स्थान दिले आहे.

PAK vs SL: फखर जमानचा मैदानात धुमाकूळ! श्रीलंकेचा सुपडा साफ करत पाकिस्तानने जिंकली ट्राय सीरिज; भारताच्या विक्रमाशी बरोबरी

ईशान- श्रेयसने वाचवला भारताचा डाव

नाणेफेक गमावून भारत प्रथम फलंदाजीसाठी मैदानात उतरला. सलामीवीर अभिषेक शर्मा आणि संजू सॅमसनने डावाची सुरुवात केली. दुसऱ्या षटकाच्या पहिल्याच चेंडूवर भारताला पहिला धक्का बसला. ॲडम मिल्नेच्या चेंडूवर मोठा फटका मारण्याच्या प्रयत्नात अभिषेक शर्मा विकेटकीपरच्या हाती झेलबाद झाला. अभिषके फक्त १ धाव करुन परतला. त्यानंतर, मिल्नेने सलामीवीर संजू सॅमसनला ४ धावांवर बाद केले.

तिथून पुढे श्रेयस अय्यर आणि ईशान किशन यांनी तिसऱ्या विकेटसाठी ९३ धावा जोडल्या. मात्र, ब्लेअर टिकनरने ईशानला पव्हेलियनचा रस्ता दाखवला. ईशान किशनने ५ चौकार आणि ५ षटकारांच्या मदतीने ३२ चेंडूंमध्ये ६१ धावा केल्या. दरम्यान, श्रेयसने एका बाजूने शानदार खेळ करत २२ चेंडूंमध्ये आपल्या ५० धावा पूर्ण केल्या. मात्र, अर्धशतक पूर्ण केल्यावर लगेचच तो बाद झाला. नॅथन स्मिथने कर्णधार श्रेयस अय्यरला तंबूत पाठवले. त्यानंतर, पाचव्या क्रमांकावर फलंदाजीसाठी आलेल्या तिलक वर्मा देखील ५ धावांवर स्वस्तात बाद झाला. नॅथन स्मिथने त्याची विकेट घेतली.

भारताची नमन धीरच्या रूपाने सहावी विकेट पडली. टिकनरने धीरला ३३ धावांवर बाद केले. त्याने आपल्या खेळीत ४ चौकार आणि एक षटकार मारला. यानंतर, शेवटच्या षटकात नितीश रेड्डील २२ धावा करुन अॅडम मिल्नेच्या चेंडूवर बाद झाला. यानंतर लगेचच, भुनेश्वर कुमार देखील ४ चेंडूमध्ये ६ धावा करुन तंबूत परतला. न्यूझीलंडकडून अॅडम मिल्नेने सर्वाधिक ४ विकेट्स घेतले. तर, ब्लेअर टिकनर आणि नॅथन स्मिथ यांनी प्रत्येकी २ विकेट्स घेतले.

दोन्ही संघांची प्लेइंग ११

भारत: अभिषेक शर्मा, संजू सॅमसन (विकेटकीपर), ईशान किशन, श्रेयस अय्यर (कर्णधार), तिलक वर्मा, नितीश रेड्डी, नमन धीर, भुवनेश्वर कुमार, अर्शदीप सिंग, प्रिन्स यादव, वरुण चक्रवर्ती.

न्यूझीलंड: फिन ऍलन, टिम सेफर्ट (विकेटकीपर), डॅरिल मिचेल, ग्लेन फिलिप्स, बेवन जेकब्स, मायकल ब्रेसवेल, मिचेल सँटनर (कर्णधार), नॅथन स्मिथ, ऍडम मिल्ने, जेकब डफी, ब्लेअर टिकनर.

IND vs NZ: हॅमिल्टनमध्ये धावांचा महापूर की गोलंदाज उडवणार दांड्या? सेडन पार्कवर कोणाचा दबदबा; पाहा Pitch Report