IND vs AUS : ‘हिटमॅन’ची बॅट रचणार विक्रम! Rohit Sharma ऑस्ट्रेलियाविरुद्ध सीमापार करेल प्रत्येक चेंडू अन्…

भारत आणि ऑस्ट्रेलिया यांच्यातील तीन सामन्यांची एकदिवसीय मालिका खेळवली जाणार आहे. १९ ऑक्टोबरपासून या मालिकेला सुरूवात होणार आहे. या मालिकेत रोहित शर्माला विक्रम रचण्याची संधी आहे.

• १९ ऑक्टोबरपासून ऑस्ट्रेलियाविरुद्ध  तीन सामन्यांची एकदिवसीय मालिकेला सुरुवात 
• ऑस्ट्रेलियाविरुद्ध रोहित शर्माला विक्रम रचण्याची संधी 
• ऑस्ट्रेलियाविरुद्ध शर्मा १२ षटकार ठोकताच रचणार इतिहास 

Rohit Sharma will create a record : भारत आणि ऑस्ट्रेलिया यांच्यातील तीन सामन्यांची एकदिवसीय मालिका १९ ऑक्टोबरपासून सुरू होणार आहे.  या मालिकेतील पहिला सामना पर्थ येथे खेळला जाणार आहे. ही मालिका भारतीय क्रिकेट प्रेमींसाठी विशेष असणार आहे. कारण, रोहित शर्मा आणि विराट कोहली जवळजवळ सात महिन्यांनंतर भारतासाठी एकदिवसीय स्वरूपात एकत्र मैदानावर दिसणार आहेत. दोन्ही खेळाडूंच्या पुनरागमनाबद्दल चाहते खूपच उत्सुक असल्याचे दिसत आहेत. या मालिकेत भारताचा माजी कर्णधार रोहित शर्माला (Rohit Sharma )विक्रम रचण्याची नामी संधी आहे. या दौऱ्यात त्याला अशी एक संधी मिळणार आहे, यापूर्वी कोणत्याही वाट्याला आलेली नाही.

हेही वाचा : Pak Afghan War : PCB ने निर्लज्जपणाचा गाठला कळस; अफगाणी खेळाडूंच्या मृत्यूनंतर म्हणाले, “बदलीचा विचार करत…”

रोहित शर्माला इतिहास रचण्याची संधी

रोहित शर्माला ऑस्ट्रेलियाविरुद्ध एकदिवसीय सामन्यात १०० षटकार मारणारा जगातील पहिला आणि एकमेव फलंदाज बनण्याची संधी आहे.  आतापर्यंत, त्याने ऑस्ट्रेलियन्सविरुद्ध ४६ एकदिवसीय सामन्यांमध्ये ८८ षटकार ठोकले आहेत. याचा सरळ अर्थ असा की फक्त १२ षटकार मारल्याने तो ही ऐतिहासिक कामगिरीला गवसणी घालू शकेल.  हा विक्रम केवळ एकदिवसीय क्रिकेटमध्येच नव्हे तर संपूर्ण क्रिकेट जगतात त्याचे नाव मोठे करणार आहे.

रोहित शर्माची ऑस्ट्रेलियाविरुद्धची कामगिरी नेहमीच प्रभावी राहिली आहे. ऑस्ट्रेलियाविरुद्ध वनडेमध्ये सर्वाधिक शतके ठोकण्याचा विक्रम रोहितच्या नावावर जमा आहे. त्याच्या आक्रमक दृष्टिकोनामुळे आणि अचूक वेळेमुळे तो जगातील सर्वात धोकादायक सलामीवीरांपैकी एक ठरतो. चाहत्यांना अपेक्षा आहे की, तो त्याच्या जुन्या फॉर्ममध्ये परतेल आणि आगामी मालिकेत पुन्हा एकदा षटकारांचा पाऊस पाडेल.

इंग्लंडचा माजी कर्णधार इऑन मॉर्गन ऑस्ट्रेलियाविरुद्धच्या वनडेमध्ये ४८ षटकारांसह दुसऱ्या स्थानी विराजमान आहे. तसेच मास्टर ब्लास्टर सचिन तेंडुलकर ३५ षटकारांसह तिसऱ्या स्थानावर असून भारताचा माजी कर्णधार महेंद्रसिंग धोनी ३३ षटकारांसह चौथ्या स्थानी आहे. तर न्यूझीलंडचा ब्रेंडन मॅक्युलम देखील ३३ षटकारांसह या यादीत  पाचव्या स्थानावर आहे.

ऑस्ट्रेलियाविरुद्ध एकदिवसीय सामन्यात सर्वाधिक षटकार मारणारे पाच फलंदाज खालीलप्रमाणे

1. रोहित शर्मा – ८८ षटकार (४६ एकदिवसीय)
2. इऑन मॉर्गन – ४८ षटकार (५७ एकदिवसीय)
3. सचिन तेंडुलकर – ३५ षटकार (७१ एकदिवसीय)
4. एमएस धोनी – ३३ षटकार (५५ एकदिवसीय)
5. ब्रेंडन मॅक्युलम – ३३ षटकार (४७ एकदिवसीय)

हेही वाचा : “हो, मी २०२७ चा विश्वचषकात…”, ‘हिटमॅन’ Rohit Sharma चे तरुण चाहत्याला ‘खास’ उत्तर; शब्द ऐकून व्हाल भावुक; पहा VIDEO

रोहित शर्मा आणि विराट कोहली मोठ्या कालावधीनंतर मैदानावर उतरणार आहेत. दोघांसाठी देखील ऑस्ट्रेलियाविरुद्ध ही एकदिवसीय मालिका महत्त्वाची असणार आहे. दोन्ही दिग्गज खेळाडू शेवटचे २०२५ च्या चॅम्पियन्स ट्रॉफीमध्ये भारतासाठी खेळले होते.