IND vs ENG : ओव्हाल कसोटीपूर्वी गिल-स्टोक्स यांचे एकमत! दोघांनीही आवळला ‘त्या’ बाबत तक्रारीचा सूर; नेमकं प्रकरण काय?

कमी अंतरामुळे खेळाडूंना बरे होण्यासाठी तसेच अराम मिळण्यासाठी वेळ मिळत नाही. खांद्याच्या दुखापतीमुळे स्टोक्स पाचव्या कसोटीमध्ये खेळताना दिसणार नाही. त्याच वेळी, भारतीय संघाचे अनेक गोलंदाज दुखापतींशी सामना करत आहेत.

स्टोक्स काय म्हणाला?

पाचव्या कसोटी सामन्यांपूर्वी इंग्लंडचा कर्णधार स्टोक्स म्हणाला की, “पाच कसोटी सामन्यांच्या मालिकेतील सामन्यांमधील अंतर अधिक असणे चांगले असू शकले असते. दोन सामन्यांमध्ये आठ ते नऊ दिवसांचे आणि इतर दोन सामन्यांमध्ये तीन दिवसांचे अंतर आहे. एकूणच, पाच दिवसांचे अंतर राखले असते तर सातत्य राखणया जमले असते. दोन्ही संघांसाठी हे खूप कठीण झाले आहे. गोलंदाजांना खूप षटके टाकावी लागत असतात. एकदा आठ किंवा नऊ दिवसांचा ब्रेक येतो आणि नंतर एकदमच तीन दिवसांचा ब्रेक येतो. प्रत्येक सामन्यामध्ये चार किंवा पाच दिवसांचे अंतर असू शकले असते. ते चांगले झाले असते.

भारतीय कर्णधार काय म्हणाला?

भारतीय कर्णधार शुभमन गिल म्हणाला की, सर्व सामने पाच दिवस चालले आहेत, त्यामुळे खेळाडूंसाठी पुन्हा तयार व्हायला कठीण होऊन गेले. गिल म्हणाला “की मालिकेतील महत्त्वाची गोष्ट म्हणजे सर्व सामने पाच दिवस चालले. फक्त पाच दिवसच नाही तर पाचव्या दिवसाच्या शेवटच्या सत्रापर्यंत ते सामने चालले. मला अशी कोणतीही मालिका आठवत नाही ज्यामध्ये सर्व चारही कसोटी सामने शेवटपर्यंत खेळले गेले असावेत. ते खूप कठीण होते.”

हेही वाचा : WCL 2025 : सेमीफायन सामन्यापूर्वी भारताचा मोठा निर्णय! WCL मध्ये पाकिस्तानविरुद्ध खेळण्यास दिला नकार; आता पुढे काय?

गिल पुढे म्हणाला की, जेव्हा दोन्ही संघ इतके कठीण क्रिकेट खेळत असतात तेव्हा तीन दिवसांचे अंतर खूप कमी होऊन जाते. आपण हे देखील समजून घेतले पाहिजे की प्रत्येक सामन्यानंतर पाच किंवा सहा दिवसांचा ब्रेक घेतल्याने दौरा खूप लांबला गेला असता. दोन्ही मंडळांकडून हा निर्णय विचारात घेतला गेला असावा.