IND vs ENG: शेवटच्या चेंडूपर्यंत थरार! पण इंग्लंडने शेवटच्या क्षणी मारली बाजी; हाँगकाँग सिक्सेसमध्ये Team India चा सलग तिसरा पराभव

IND vs ENG England Beat India in Hong Kong Sixes 2026: हाँगकाँग सिक्सेस २०२६ मध्ये, भारतीय संघ प्रथम पाकिस्तानकडून हरला. त्यानंतर, त्यांना युएईकडूनही पराभव पत्करावा लागला. आता, तिसऱ्या सामन्यातही भारतीय संघाला इंग्लंडकडून पराभव पत्करावा लागला आहे.

• गोलंदाजांनी लुटवल्या धावा, फलंदाजांची झुंजही अपुरी
• भारताची पराभवाची हॅट्ट्रिक
• इंग्लंडने भारताच्या विजयावर फिरवलं पाणी

IND vs ENG: हाँगकाँग सिक्सेस २०२६ मध्ये,शनिवार, ३१ ऑक्टोबर रोजी भारतीय संघाचा सामना इंग्लंडशी झाला. नाणेफेक जिंकल्यानंतर भारतीय संघाने प्रथम गोलंदाजी करण्याचा निर्णय घेतला. इंग्लंडने प्रथम फलंदाजी करत ६ षटकांत २ विकेट्स गमावून १२४ धावा केल्या. प्रत्युत्तरात, भारतीय संघ ६ विकेट्स गमावून केवळ १२१ धावाच करू शकला. भारताने हा सामना ३ धावांनी सामना गमावला. भारतीय संघाने शेवटपर्यंत झुंज दिली, पण तरीही हा त्यांना सलग तिसऱ्या पराभवाला सामोरे जावे लागले.

IND vs NZ: न्यूझीलंडविरुद्ध वनडे सीरीजआधी टीम इंडियात मोठा बदल! प्रसिद्ध कृष्णा OUT; ‘या’ खेळाडूची संघात एन्ट्री

इंग्लंडने उभारला मोठा स्कोअर

नाणेफेक हरल्यानंतर प्रथम फलंदाजी करताना इंग्लंडने धडाकेबाज सुरुवात केली. मार्टिन अँडरसनने अवघ्या १३ चेंडूंमध्ये ५१ धावा केल्या. ३९२.३१ च्या स्ट्राईक रेटने खेळताना अँडरसनने तीन चौकार आणि सहा जबरदस्त षटकार ठोकले. सलामीवीर जॉन सिम्पसनने सात धावांची भर घातली. एड बर्नार्डनेही १४ चेंडूंमध्ये नाबाद ३५ धावांची खेळी केली. २५० च्या स्ट्राईक रेटने खेळताना त्याने चार षटकार ठोकले. ल्यूक हॉलमननेही सहा चेंडूंमध्ये १३ धावा केल्या.

यामुळे इंग्लंडला ६ षटकांत २ विकेट्स गमावून १२४ धावा करता आल्या. टीम इंडियाकडून राहुल त्रिपाठी आणि नितीश राणा यांनी प्रत्येकी १ विकेट घेतला. यादरम्यान, कुलवंत खेजरोलियाने २ षटकांत ३७ धावा दिल्या. राहुल तेवतियानेही २० धावा दिल्या. या सामन्यात भारतीय गोलंदाज खूपच निराशाजनक ठरले. यामुळे टीम इंडिया पहिल्याच डावात मोठ्या फरकाने मागे पडली.

भारतीय संघाचा सलग तिसरा दारुण पराभव

१२५ धावांचे लक्ष्य गाठताना भारतीय संघाची सुरुवात अत्यंत खराब झाली. नितीश राणा अवघ्या चार धावांवर बाद झाला. सलामीवीर शशांक सिंगने नऊ चेंडूंमध्ये चार षटकारांसह २९ धावा केल्या. तिसऱ्या क्रमांकावर फलंदाजीला आलेल्या राहुल त्रिपाठीने दोन चौकार आणि सात षटकारांसह अवघ्या १४ चेंडूंमध्ये नाबाद ५६ धावा केल्या. यावेळी त्याचा स्ट्राईक रेट ४०० होता. राहुल तेवतियाला आपले खाते उघडता आले नाही.

कर्णधार कृणाल पांड्याने अखेर २ चौकार आणि ३ षटकारांसह ७ चेंडूंमध्ये नाबाद २८ धावा केल्या. असे असूनही, भारतीय संघ ६ षटकांत ४ विकेट्स गमावून १२१ धावांवर होता. टीम इंडियाने हा सामना ३ धावांनी हरला. इंग्लंडकडून नॅथन गिलक्रिस्टने २ षटकांत २५ धावा देऊन २ विकेट्स घेतले. तर जॅक कार्सनने १ विकेट घेतला.

IND vs NZ: विशाल लक्ष्य अन् इज्जतच घालवली! किवींनी टीम इंडियाला दाखवला आरसा; श्रेयस अय्यरच्या कॅप्टन्सीत भारताचा सर्वात मोठा पराभव