IND vs ENG : जो रूट एक्सप्रेस सुसाट! लॉर्ड्सवर शतक ठोकताच रचला इतिहास; असे करणारा ठरला जगातील एकमेव फलंदाज..

भारत आणि इंग्लंड यांच्यात पाच सामन्यांची कसोटी मालिकेतील लॉर्ड्सवर खेळवण्यावण्यात येत असलेल्या तिसऱ्या सामन्यात या सामन्यात इंग्लंडच्या दिग्गज फलंदाज जो रूटने शतक पूर्ण करताच त्याने इतिहास रचला आहे.

IND vs ENG : भारत आणि इंग्लंड यांच्यात पाच सामन्यांची कसोटी मालिका खेळवण्यात येत आहे. या मालिकेतील तिसरा सामना लॉर्ड्स मैदानावर खेळला जात आहे. या सामन्यात इंग्लंडच्या दिग्गज फलंदाज जो रूटने शतक झळकावले आहे. शतक पूर्ण करताच त्याने इतिहास रचला आहे. तो सध्याच्या खेळाडूंमध्ये सर्वाधिक शतके ठोकणारा फलंदाज बनला आहे. या शतकासह त्याने कसोटी क्रिकेटमध्ये आपले ३७ वे शतक पूर्ण केले आहे.

लॉर्ड्स कसोटीच्या दुसऱ्या दिवशी जो रूटने जसप्रीत बुमराहच्या पहिल्या चेंडूवर चौकार ठोकून आपले शतक पूर्ण केले. यासह, तो कसोटी क्रिकेटमध्ये शतक ठोकणाऱ्यांच्या यादीत पहिल्या ५ मध्ये सामील झाला आहे. कसोटी क्रिकेटमध्ये सर्वाधिक शतके ठोकणारा तो पाचवा फलंदाज ठरला आहे. जो रूटने राहुल द्रविड आणि स्टीव्ह स्मिथ या दिग्गजांना देखील पिछाडीवर टाकले.

हेही वाचा : IND vs ENG : लॉर्ड्सवर नितीश कुमार रेड्डीचा भीम पराक्रम! १८ वर्षांनी केली मोठी कामगिरी; इरफान पठाणची झाली आठवण

सचिन तेंडुलकर, जॅक कॅलिस, रिकी पॉन्टिंग आणि कुमार संगकारा यांच्यानावावर कसोटी क्रिकेटमध्ये जो रूटपेक्षा जास्त शतके ठोकण्याचा विक्रम जमा आहे. कुमार संगकाराची कसोटीमध्ये ३८ शतके लगावली आहेत. पॉन्टिंगचे ४१, जॅक कॅलिसचे ४५ आणि सचिन तेंडुलकरचे ५१ शतके झळकावली आहेत. जो रूट ३७ व्या शतकासह पाचव्या स्थानावर पोहचला आहे. जर त्याने या मालिकेत आणखी दोन शतके झळकवण्यास यशस्वी ठरला तर तो कुमार संगकाराला मागे टाकेल.

कसोटी क्रिकेटमध्ये सर्वाधिक शतके करणारे फलंदाज खालीप्रमाणे

1. सचिन तेंडुलकर- ५१
2. जॅक कॅलिस- ४५
3. रिकी पॉन्टिंग- ४१
4. कुमार संगकारा- ३८
5. जो रूट- ३७
6. स्टीव्ह स्मिथ- ३६
7. राहुल द्रविड- ३६

यासह, जो रूट भारताविरुद्ध सर्वाधिक शतके करणारा खेळाडू देखील बनला आहे. त्याने भारताविरुद्ध ११ वे शतक झळकावून स्टीव्ह स्मिथची बरोबरी साधली आहे. तथापि, स्टीव्ह स्मिथने २४ सामन्यांमध्ये ही कामगिरी करून दाखवली आहे.रूटने ३३ सामन्यांमध्ये ११ शतके झळकावली आहे. त्याच्याशिवाय गॅरी सोबर्सने भारताविरुद्ध ८ शतके लागावण्याचा पराक्रम केला आहे.

हेही वाचा : IND vs ENG : लॉर्ड्सवर नेमकं चाललंय काय? आधी पंत मैदानाबाहेर, नंतर गिलनेही सोडली फिल्ड! इंग्लंडविरुद्ध केएल राहुल कर्णधार..

See more

A splendid knock from Joe Root as he brings up his eighth Test century at Lord’s 👏#WTC27 #ENGvIND 📝: https://t.co/0NCkPJe9tS pic.twitter.com/QiHk4XRXfA

— ICC (@ICC) July 11, 2025

भारताविरुद्ध कसोटी सामन्यांमध्ये सर्वाधिक शतके

खेळाडू                    संघ           सामन्यांची संख्या          शतके (१००)

स्टीव्ह स्मिथ          ऑस्ट्रेलिया               २४                       ११
जो रूट                 इंग्लंड                     ३३*                      ११
गॅरी सोबर्स            वेस्ट इंडिज              १८                          ८
व्हिव्ह रिचर्ड्स       वेस्ट इंडिज              २८                          ८
रिकी पॉन्टिंग         ऑस्ट्रेलिया              २९                           ८

भारताविरुद्धच्या शतकासह रूटने आंतरराष्ट्रीय क्रिकेटमध्ये ५५ शतके पूर्ण केली आहेत. आंतरराष्ट्रीय क्रिकेटमध्ये शतकांच्या बाबतीत त्याने हाशिम अमलाची बरोबरी केली असून त्याने महेल जयवर्धनेला मागे टाकले आहे. जयवर्धनेच्या नावावर आंतरराष्ट्रीय क्रिकेटमध्ये ५४ शतके जमा आहेत.