IND vs NED Hockey World Cup 2026
भारताने वेल्सला ३-१ ने पराभूत करून हॉकी विश्वचषकाची शानदार सुरुवात केली. त्यानंतर संघाला इंग्लंडकडून मोठा पराभव पत्करावा लागला. तिसऱ्या सामन्यात पाकिस्तानला पराभूत करून भारताने दोन विजय आणि एका पराभवासह दुसऱ्या फेरीत आपले स्थान निश्चित केले. नेदरलँड्सने आतापर्यंत वर्चस्व गाजवले असून, त्यांनी न्यूझीलंडला ५-१, अर्जेंटिनाला ३-१ आणि जपानला ४-१ ने पराभूत केले आहे.
भारत आणि नेदरलँड्स यांच्यातील हॉकी विश्वचषक सामना आज, २२ ऑगस्ट रोजी खेळला जाईल. हे दोन्ही संघ नेदरलँड्समधील अॅमस्टेलवीन येथील वॅग्नर हॉकी स्टेडियमवर आमनेसामने येतील. हा सामना भारतीय वेळेनुसार सायंकाळी ७:३० वाजता सुरू होईल. हा सामना भारतात स्टार स्पोर्ट्स नेटवर्क आणि जिओ हॉटस्टार ॲपवर थेट प्रसारित केला जाईल. नेदरलँड्सने पहिल्या फेरीत तिन्ही सामने जिंकून दमदार कामगिरी केली होती. भारतीय प्रेक्षक हा सामना डीडी स्पोर्ट्सवर विनामूल्य पाहू शकतात. यासाठी तुमच्या घरी डीडी फ्री डिश कनेक्शन असणे आवश्यक आहे. सामन्याचे थेट प्रक्षेपण (लाइव्ह स्ट्रीमिंग) जिओहॉटस्टार ॲप आणि वेबसाइटवर देखील उपलब्ध असेल.
भारतीय पुरुष हॉकी संघाची नेदरलँड्सविरुद्धची हेड टू हेड रेकॉर्ड फारशी प्रभावी नाही. आतापर्यंत दोन्ही संघांमध्ये २४ सामने खेळले गेले असून, त्यापैकी नेदरलँड्सने ११, तर भारतीय संघाने ६ सामने जिंकले आहेत. तर ७ सामने अनिर्णित राहिले आहेत. त्यामुळे, हा सामना जिंकण्यासाठी भारतीय संघाला सर्वोत्तम कामगिरी करावी लागेल. २०२६ च्या हॉकी विश्वचषक स्पर्धेच्या उपांत्य फेरीतील स्थानाच्या शर्यतीत टिकून राहण्यासाठी, भारतीय संघाला या टप्प्यावरील आपले दोन्ही सामने जिंकणे आवश्यक आहे, ज्यामुळे नेदरलँड्सविरुद्धचा हा सामना अत्यंत महत्त्वाचा आहे.
.png "Videos"){kind=small}
