शनिवार, 22 ऑगस्ट 2026
IND vs SL 2nd Test Playing 11(फोटो सौजन्य - Instagram)
पहिल्या कसोटीत आपल्या उत्कृष्ट फिरकी गोलंदाजीने या दोघांनी टीम इंडियाच्या विजयात महत्त्वाची भूमिका बजावली होती. परंतु, गॉल कसोटीत खेळपट्टीकडून चांगली साथ मिळूनही कुलदीप यादवने दोन डावांतील २५ षटकांत केवळ एकच विकेट घेतला. या सामन्यात कुलदीप सर्वात महागडा गोलंदाज ठरला, त्याने प्रति षटक चारपेक्षा जास्त धावा दिल्या. त्यामुळए कोलंबो कसोटीत कुलदीप यादवला अंतिम ११ खेळाडूंमध्ये स्थान मिळणार का हे पाहणे महत्वाचे ठरेल. श्रीलंकेच्या संघात डावखुऱ्या फलंदाजांची संख्या जास्त असल्याने, मध्य प्रदेशच्या ऑफ-स्पिनर सारांश जैनला कसोटी पदार्पणाची संधी दिली जाऊ शकते. कुलदीप शुक्रवारी सराव सत्रात सहभागी झाला नाही, त्यामुळे त्याला अंतिम ११ खेळाडूंमधून वगळले जाऊ शकते.
देवदत्त पडिक्कलने तिसऱ्या क्रमांकावर फलंदाजी करताना शानदार कामगिरी केली असून, तो दुसऱ्या कसोटीतही आपला फॉर्म कायम ठेवण्याचा प्रयत्न करेल. शुभमन गिल चौथ्या, ऋषभ पंत पाचव्या आणि ध्रुव जुरेल सहाव्या क्रमांकावर फलंदाजीला येतील. मागील सामन्यात अर्धशतक झळकावल्यानंतर यष्टीरक्षक-फलंदाज ध्रुव जुरेलने संघात आपले अंतिम ११ खेळाडूंमधील आपले स्थान पक्के केले आहे. यामुळे सरफराज खानला सध्या आपल्या संधीची वाट पाहावी लागेल. दरम्यान, डावाच्या सुरुवातीला यशस्वी जैस्वाल, केएल राहुल, देवदत्त पडिक्कल आणि कर्णधार शुभमन गिल यांच्या उपस्थितीमुळे संघाला मजबूत टॉप ऑर्डर मिळाला आहे.
वेगवान गोलंदाजीच्या आक्रमणात प्रसिद्ध कृष्णा आणि मोहम्मद सिराज ही जोडी कायम राहण्याची शक्यता आहे. पहिल्या कसोटीमध्ये या दोघांचीही कामगिरी चांगली होती. त्यामुळे त्यांना दुसऱ्या सामन्यातही संधी मिळू शकते. फिरकी गोलंदाजी विभागात मानव सुथार, रवींद्र जडेजा आणि संभाव्य पदार्पण करणारा सारांश जैन हे श्रीलंकेच्या फलंदाजांसमोर आव्हान उभे करेल.
यशस्वी जैस्वाल, केएल राहुल, देवदत्त पडिक्कल, शुभमन गिल (क), ऋषभ पंत, ध्रुव जुरेल, रवींद्र जडेजा, मानव सुथार, सारांश जैन, प्रसिद्ध कृष्णा आणि मोहम्मद सिराज.
Mitchell Starc चा भेदक मारा! बांग्लादेशची ‘हवा टाईट’; ६ विकेटसह WTC मध्ये केला ‘हा’ महारिकॉर्ड
