
न्यूझीलंडविरुद्ध कसोटीसाठी भारतीय संघ (फोटो सौजन्य - इन्स्टाग्राम)
भारताने याआधी न्यूझीलंडच्या संघाला एकदिवसीय सिरीजमध्ये हरवलं असून टी२० सिरीजमध्येही मात दिली आहे. आता कसोटी सामन्यातसुद्धा भारताचं लक्ष्य चांगल्या पद्धतीने जिंकणं हेच असणार आहे. भारताच्या हातून जर ही सिरीज निसटली तर वर्ल्ड टेस्ट चॅम्पियनशिपच्या फायनलमध्ये पोहचण्याचं स्वप्नं नक्कीच भंग होईल. भारतासाठी ही सिरीज अत्यंत महत्त्वपूर्ण आहे.
पहिल्या कसोटीत भारतीय संघात सहा मुख्य फलंदाज असण्याची शक्यता आहे. यशस्वी जयस्वाल आणि केएल राहुल नेहमीप्रमाणे डावाची सुरुवात करतील. अलीकडे उत्कृष्ट कामगिरी करणारा देवदत्त पडिक्कल तिसऱ्या क्रमांकावर फलंदाजीला येईल.
कर्णधार शुभमन गिल त्याच्या नेहमीच्या चौथ्या क्रमांकावर खेळेल. दुखापतीतून परतलेला ऋषभ पंत यष्टीरक्षक म्हणून पाचव्या क्रमांकावर खेळताना दिसू शकतो. पंत व्यतिरिक्त, यष्टीरक्षक ध्रुव जुरेलचाही संघात समावेश होण्याची शक्यता आहे. तथापि, तो केवळ फलंदाज म्हणून खेळेल. न्यूझीलंड ‘अ’ संघाविरुद्ध त्याने शानदार शतक झळकावत उत्कृष्ट कामगिरी केली होती. भारत अनुभवी रवींद्र जडेजाच्या रूपात केवळ एका अष्टपैलू खेळाडूला संधी देऊ शकतो. जडेजाने भारतासाठी फलंदाजीत उत्कृष्ट कामगिरी केली आहे आणि तो गोलंदाजीनेही बळी घेऊ शकतो.
भारतीय संघाचा कर्णधार शुभमन गिलने एका पत्रकार परिषदेत सांगितले की, तो चार वेगवान गोलंदाजांना मैदानात उतरवू शकतो. या परिस्थितीत, तंदुरुस्त होऊन परतलेला जसप्रीत बुमराह खेळण्याची शक्यता आहे.
मोहम्मद सिराज त्याला नव्या चेंडूने साथ देताना दिसू शकतो, तर उंच आणि तंदुरुस्त गोलंदाज प्रसिद्ध कृष्णा देखील खेळताना दिसू शकतो. न्यूझीलंडच्या उसळत्या खेळपट्ट्यांचा त्याला फायदा होऊ शकतो. या परिस्थितीत, प्रसिद्ध कृष्णा हा संघासाठी एक महत्त्वाचा गोलंदाज ठरू शकतो. एकदिवसीय मालिकेत आपल्या बाऊन्सरने किवींना त्रस्त करणाऱ्या गुरनूर ब्रारचाही संघात समावेश केला जाऊ शकतो.
पहिल्या कसोटीसाठी भारताची संभाव्य प्लेइंग इलेव्हन
यशस्वी जैस्वाल, केएल राहुल, देवदत्त पडिक्कल, शुभमन गिल (कर्णधार), ऋषभ पंत (यष्टीरक्षक), ध्रुव जुरेल, रवींद्र जडेजा, गुरनूर ब्रार, मोहम्मद सिराज, जसप्रीत बुमराह, प्रसिद्ध कृष्णा.
Ans: 19 नोव्हेंबरपासून भारत - न्यूझीलंड कसोटी सामन्याला सुरूवात होत आहे
Ans: न्यूझीलंड आणि भारत यांच्यातील पहिला कसोटी सामना वेलिंग्टनच्या बेसिन रिझर्व्ह (Basin Reserve) मैदानावर खेळविण्यात येणार आहे
Ans: शुभमन गिल कसोटीसाठी भारताचा कर्णधार आहे