IND vs NZ: Tim Seifert च्या तुफानी खेळीने तुटला 27 वर्षाचा जुना रेकॉर्ड, पॉवरप्लेमध्ये केले भारताला उद्ध्वस्त

IND vs NZ: Tim Seifert ने भारताविरुद्ध जबरदस्त फलंदाजी करत २७ वर्षाचा जुना रेकॉर्ड मोडला आहे. पहिल्या ओव्हरमध्ये कोणतीही विकेट न गमावता तुफानी खेळी टीमने केली आणि रेकॉर्ड रचला

• भारत विरुद्ध न्यूझीलंडचा ४ था एकदिवसीय सामना 

• टीम सायफर्टने मोडला २७ वर्षांचा जुना इतिहास 

• भारताचे खराब क्षेत्ररक्षण ठरले कारणीभूत 

IND vs NZ: भारत आणि न्यूझीलंड यांच्यातील चौथ्या एकदिवसीय सामन्यात सलामीवीर टिम सायफर्टने उत्कृष्ट कामगिरी केली. नाणेफेक हरल्यानंतर प्रथम फलंदाजी करण्याचा निर्णय घेतलेल्या न्यूझीलंडला दोन्ही सलामीवीरांनी चांगली सुरुवात करून दिली. पहिल्या दहा षटकांमध्ये भारतीय संघाला विकेट्स घेण्यासाठी संघर्ष करावा लागला. गोलंदाजांनी काही संधी निर्माण केल्या, पण त्यांना त्याचे सोने करता आले नाही. यासाठी खराब क्षेत्ररक्षण जबाबदार होते, जी एक मोठी समस्या बनत चालली आहे. दरम्यान, टिम सायफर्टने २७ वर्षांपूर्वीचा विक्रम मोडला.

श्रेयस अय्यरने नाणेफेक जिंकून प्रथम गोलंदाजी करण्याचा घेतला निर्णय 

🔴HEATED ARGUMENT B/W GURNOOR BRAR & TIM SEIFERT 🤯 – Seifert smashed 14 runs in a single over off Brar.
– Gurnoor then told him, “You’re lucky today, that’s why you’re batting like this.” Seifert replied, “Go & bowl, I always bat like this!” 😭 https://t.co/y0bKkNVcMJ — Sam (@cricsam02) November 13, 2026

या सामन्यात श्रेयस अय्यर भारतीय संघाचे कर्णधारपद भूषवत आहे. जेव्हा त्याने नाणेफेक जिंकून प्रथम गोलंदाजी करण्याचा निर्णय घेतला, तेव्हा भारतीय संघ लवकर विकेट्स घेईल अशी अपेक्षा होती, पण तसे झाले नाही. न्यूझीलंडचे सलामीवीर टिम सायफर्ट आणि विल यंग यांनी भक्कम सुरुवात करून दिली. पहिल्या दहा षटकांमध्ये भारताला एकही विकेट मिळाली नाही. या काळात आकिब नबी आणि अर्शदीप सिंग यांनी संधी निर्माण केल्या. रोहित शर्माने स्लिपमध्ये दोन झेल सोडले आणि यष्टीरक्षक इशान किशननेही एक झेल सोडला.

IND vs NZ: भारत-न्यूझीलंड सामन्यात पुन्हा पावसाचा ‘खेळ’? चौथा वनडे रद्द होणार? पाहा Weather Report

टिम सायफर्टने पहिल्या दहा षटकांत ५० धावा केल्या

दरम्यान, टिम सायफर्टने आपली प्रभावी फलंदाजी सुरू ठेवत आपले अर्धशतक पूर्ण केले. त्याने अवघ्या दहा षटकांत ५० धावा पूर्ण केल्या. १९९९ नंतर प्रथमच न्यूझीलंडच्या फलंदाजाने भारताविरुद्ध पहिल्या दहा षटकांत आपले अर्धशतक पूर्ण केले आहे. ब्रायन यंगने जानेवारी १९९९ मध्ये अशी कामगिरी केली होती. त्याने ३५ चेंडूंमध्ये ४७ धावा केल्या होत्या. त्याला आपले अर्धशतक पूर्ण करता आले नव्हते, पण सायफर्टने ते करून दाखवले. अर्धशतक पूर्ण करूनही सायफर्टने फलंदाजी सुरू ठेवण्याचा प्रयत्न केला, पण गुरनूर ब्रारने त्याचा डाव संपवला.

विल यंग आणि सायफर्टची महत्त्वाची भूमिका 

न्यूझीलंडनेही अवघ्या दहा षटकांत आपला डाव संपवला. हे देखील उल्लेखनीय आहे की गेल्या १७ एकदिवसीय सामन्यांमध्ये न्यूझीलंडने दहा षटकांत ५० धावांचा टप्पा ओलांडण्याची ही पहिलीच वेळ आहे. यापूर्वी, २०२५ मध्ये वेलिंग्टन येथे इंग्लंडविरुद्धच्या सामन्यात न्यूझीलंडने एकही गडी न गमावता ६४ धावा केल्या होत्या. 

पहिल्या दहा षटकांत संघाला हा टप्पा गाठण्यास मदत करण्यात विल यंग आणि टिम सायफर्ट यांनी महत्त्वाची भूमिका बजावली. मात्र, सायफर्टला आपला डाव पुढे वाढवता आला नाही. त्याने ४८ चेंडूंमध्ये सहा चौकार आणि तीन षटकारांसह ५८ धावा केल्या. त्याचा स्ट्राईक रेट जवळपास १२० होता. जेव्हा न्यूझीलंडने आपली पहिली विकेट गमावली, तेव्हा १२ षटकांत त्यांच्या ८५ धावा होत्या.

IND vs NZ: कर्णधार बदलला, संघही बदलला! आता मालिका विजयासाठी टीम इंडिया सज्ज; भारत-न्यूझीलंड चौथा वनडे कधी अन् कुठे रंगणार?